Read Dogri 2 कुरिन्थियों 10 Bible Online

2 कुरिन्थियों 10 - Dogri bible

2 कुरिन्थियों 10

¹आंऊँ उवै पौलुस जेड़ा मसीह च थुआड़े सामने दीन ऐं, लेकन पीठी पिछें थुआड़े लेई इम्त करना ऐं, तुसेंगी मसीह दी लिमता ते कोमलता दे कारन समझना ऐं।

²मेरी ए अर्ज ऐ जेलै आंऊँ उत्थें अवां तां मिगी उन्दे कन्ने, जेड़े ए सोचते न के साड़े जीनें दा टंग दुनियाबी ऐ, उनेंगी दलेरी द्सने दा वचार करना ऐं।

³किके आलां के अस एस दुनिया च रौनयां न, तां बी एस दुनिया दे लोकें आला लेखा नेई लड़दे।

⁴किके साड़ी लड़ाई दे थ्यार एस दुनिया दे लोकें जे नेई ऐ न, लेकन गढ़ें गी टाई देने आसतै परमेसर दे तरफुं ताकत आलें न।

⁵एस आसतै अस ओस ओलटी सोच गी ते अर एक रकाबट दियें गल्लें गी, जेड़ीयां परमेसर गी पनछानें दे वरोध बेच उठदीयां न, नाश करनयां न; ते अर एक सोच गी कैद करियै मसीह दा उक्म मनने आली बनाई दिनयां न,

⁶ते त्यार रौंनयां न के जेलै थुआड़ा उक्म मननां मसीह च पूरा ओई जा, तां अर एक चाली दे उक्म नेई मननें आले लोकें गी सजा देचै।

⁷तोस इनें गल्लें गी दिखदे ओ, जेड़ीयां अखीयैं दे सामने न, जेकर कुसे गी अपने उपर ए परोसा उवै के आंऊँ मसीह दा ऐं, तां ओ एबी समझी लै, के जियां ओ मसीह दा ऐ, उयांगै अस बी मसीह दे न।

⁸किके जेकर आंऊँ ओस अख्त्यार दे बारै च ओर बी कमंड दसां, जेड़ा प्रभु ने थुआड़े बगाड़ने आसतै नेई लेकन सयाने विश्वासी बनाने आसतै असेंगी दित्ता ऐ, तां शर्मिंदा नेई ओगा।

⁹ए आंऊँ एस लेई आखन ऐं, के अपनी चिठ्ठीयें दे क्न्ने तुसेंगी डराने आला नेई बनां।

¹⁰किके ओ आखदे न, “ओसदीयां चिट्ठीयां तां बड़ीयां आखर ते असरदार न; लेकन जेलै ओ दिखदे न, तां ओ आखदे ओ जिंदु दा कमजोर ते बोलने च अल्का लगदा ऐ।”

¹¹एस लेई जेड़ा ऐसा आखदा ऐ, ओ ए समझी लै, के जियां पीठी पिछें चिठ्ठीयें च साड़े वचन न, उयांगै थुआड़े सामने साड़े कम बी ओगन।

¹²किके असेंगी ए इम्त नेई के अस अपने आप गी उन्दे कन्ने गिनचै, जां उन्दे कन्ने अपने आप गी मलाचै, जेड़े अपनी तरीफ अप्पुं गै करदे न, ते अपने आप गी अप्पुं बिचै नापी तोलियै एक दुए कन्ने मकाबला करियै मुर्ख बनदे न।

¹³अस तां बन्ने थमां बार कमंड कदें बी नेई करगे, लेकन उसै बन्ने तकर जेड़ा परमेसर ने साड़े आसतै रखे दा ऐ, ते ओस च तोस बी आई गेदे ओ, ते उसै दे मताबक कमंड बी करगे।

¹⁴किके अस अपने बन्ने थमां बार अपने आप गी बदाना नेई चानयां, जियां के थुआड़े तकर नेई पुज्जने दी आलत च ओंदा, वरन मसीह दा शोभ समाचार सनांदे ओई थुआड़े तकर पूजी चुके दे न।

¹⁵ते अस बन्ने थमां बार दुए दी मेंनत उपर कमंड नेई करदे; लेकन असेंगी आस ऐ, के जियां-जियां थुआड़ा विश्वास बददा जाग उयां-उयां अस अपने बन्ने दे मताबक थुआड़े कारन ओर बी बददे जागे।

¹⁶तां जे अस थुआड़े बन्ने थमां अगें बदियै शोभ समाचार सनाचै, ते ए नेई, के अस दुए दे बन्ने दे अन्दर बने बनाए दे कम उपर कमंड करचै।

¹⁷लेकन जेड़ा कमंड करै, जियां पवित्र शास्त्र च लिखे दा ऐ, ओ प्रभु च कमंड करै।

¹⁸किके जेड़ा कोई बड़ाई करदा ऐ, ओ नेई, लेकन जेसदी बड़ाई प्रभु करदा ऐ, उवै ग्रहण कित्ता जन्दा ऐ।