Read Dogri 2 कुरिन्थियों 11 Bible Online

2 कुरिन्थियों 11 - Dogri bible

2 कुरिन्थियों 11

¹जेकर तोस मेरी थुड़ी जेई मुर्खता बर्दाश करी लैंदे तां किन्ना पला ओंदा; जियां मेरी बर्दाश बी करी लैंदे ओ।

²किके मेरी लगन थुआड़े आसतै परमेसर दी लगन आला लेखा रौंदी ऐ, एस आसतै के मैं एक गै मर्द कन्ने थुआड़ी गल्ल लाइ ऐ, के तुसेंगी पवित्र कवारी आला लेखा मसीह गी सौपीं दियां।

³लेकन आंऊँ डरना ऐ के जियां शतान ने सप्प दे रूप च अपनी चलाकी कन्ने पैली जनानी अवा गी परमाया, उयांगै थुआड़े मन ओस वफादारी ते पवित्रता थमां जेड़ी मसीह दे क्न्ने ओनी चाईदी कुदै प्रष्ट नेई कित्ती जा।

⁴जेकर कोई थुआड़े कोल आईयै कुसे दुए यीशु दा प्रचार करै, जेसदा परचार असैं नेई कित्ता; जां कोई ओर आत्मा तुसेंगी मिलै, जेड़ा पैलैं नेई मिलया हा; जां ओर कोई परचार सुना जिसी पैलैं तुसें नेई मनया हा, तां थुआड़ा उसी ग्रेण करना ठीक ओंदा।

⁵आंऊँ तां समझना ऐ के आंऊँ कुसे गल्ल च बड्डे थमां बड्डे प्रेरित थमां कट नेईयैं जेड़े अपने आप गी बड्डे आखदे न।

⁶जेकर आंऊँ बोलने च नाड़ी ऐं, तां बी मसीह दे शोभ समाचार दे ज्ञान च नेई। लेकन असैं इसी अर गल्ल च सारें उपर थुआड़े आसतै परकट करियै दसया ऐ।

⁷के एस च मैं केछ पाप कित्ता; के मैं तुसेंगी परमेसर दा शोभ समाचार मोफ्त च सनाया; ते अपने आप गी नीचा कित्ता, के तोस उच्चे ओई जाओ?

⁸मैं दुई कलीसियां कोलां पैसे किटठें कित्ते, मतलब मैं उन्दे थमां मजदूरी लेई तां जे थुआड़ी सेवा करां।

⁹ते जेलै आंऊँ थुआड़े कन्ने हा, ते मिकी पैसे दी कमी ओई, तां मैं कुसे उपर पार नेई सुट्टया, किके मसीह प्रांऐ ने मकिदुनिया लाकें थमां आईयै मेरी कमी गी पूरा कित्ता; ते मैं अर गल्ल च अपने आप गी थुआड़े उपर पार बनने आसतै रोकया, ते रोके दा रौगा।

¹⁰मसीह दी सच्चाई मेरे च ऐ, ते अखाया लाकें च कोई मिकी एस मसीह दे कमंड थमां नेई रोकग।

¹¹केस लेई? के एस लेई आंऊँ थुआड़े कन्ने प्यार नेई करना? परमेसर ए जानदा ऐ के आंऊँ प्यार करना ऐ।

¹²लेकन जे आंऊँ करना ऐ, उवै करदा रौगा; के जेड़े लोग मौका टूंडदे न उनेंगी आंऊँ मौका पाना नेई देगा, तां जे जेस गल्ल च ओ कमंड करदे न, ओस च ओ साड़े आला लेखा गै बनें।

¹³किके ऐसे लोग चुठे प्रेरित, ते छल कन्ने कम करने आले, ते मसीह दे प्रेरितें दे रूप च बनने आले न।

¹⁴ते ए केछ रांनगी आली गल्ल नेई किके शतान अप्पुं बी तेज लोई आला सोर्गदूत दा रूप तारण करदा ऐ।

¹⁵एस लेई जेकर ओदे सेवक बी तर्म दे सेवकें आला रूप तरदे न, तां कोई बड़ी गल्ल नेई, लेकन उन्दा ऐन्त उन्दे कम्में दे मताबक ओग।

¹⁶आंऊँ पी आखन ऐं, के कोई मिकी मुर्ख नेई समझे; नेई तां मुर्ख गै समझीयै मेरी बर्दाश करी लियो, तां जे थुड़ा जियां आंऊँ बी कमंड करी सकां।

¹⁷एस बेतड़क कमंड च जे केछ आंऊँ गलाना ऐ, ओ प्रभु दे उक्म दे मताबक नेई लेकन मन्नो मुर्खता कन्ने गै बोलाना ऐं।

¹⁸जेलै के मते सारे लोग एस दुनियां दे लोकें आला लेखा कमंड करदे न, तां आंऊँ बी कमंड करगा।

¹⁹तोस तां समझदार ओईयै नन्द कन्ने मुर्खें गी बर्दाश करी लैंदे ओ।

²⁰किके जेलै तुसेंगी कोई दास बनाई लैंदा ऐ, जां अपना शकार बनांदा, जां थुआड़ा गलत फायदा लैंदा ऐ, जां अपने आप गी थुआड़े कोलां बड़ा बनांदा ऐ, जां थुआड़े मुंह उपर थपड़ मारदा ऐ, ते तोस बर्दाश करी लैंदे ओ।

²¹मेरा आखन बेईजती दी रीति उपर ऐ, मन्नो के अस कमजोर जे हे; लेकन जेस कुसे गल्ल च कोई इम्त करदा ऐ, आंऊँ मुर्खता कन्ने आखन ऐं तां आंऊँ बी इम्त करना।

²²के उवै लोग गै इब्रानी न? आंऊँ बी ऐं। के ओ गै इस्राएली न? आंऊँ बी ऐं। के ओ गै अब्राहम दी औलाद न? आंऊँ बी ऐं।

²³के ओ गै मसीह दे सेवक न-आंऊँ पागल आला लेखा आखन ऐं आंऊँ उन्दे थमां बद ऐं! मती मेंनत करने च; बार-बार कैद ओनें च; कोड़े खाणे च; बार-बार मौत दे जोखम च।

²⁴पंज बारी मैं यहूदीयें दे अगबें अथ्थें थमां उनताली-उनताली कोड़े खादे।

²⁵त्रै बारी मैं बेंतें दियां मारां खादियां; एक बारी मेरे उपर पत्थर मारे गै; त्रै बारी चाज जिंदे उपर आंऊँ चढ़े दा हा त्रुटी गै; एक रात देन मैं समुंद्र च कटया।

²⁶आंऊँ बार-बार सफरें च; नदियें दे जोखमें च; डाकुऐं दे जोखमें च; अपने जातीयें दे जोखमें च; दुई जातीयें दे जोखमें च; शैरें दे जोखमें च; जंगल दे जोखमें च; समुंद्र दे जोखमें च; चुठे मसीह प्रां दे जोखमें च रिया।

²⁷मेंनत ते दोख च; बार-बार बिजे दे रौने च; पोख-प्यास च; बार-बार उपवास करने च; ठंढू दे देन च; नंगे रौने च;

²⁸ओर बाकी सारीयें गल्लें गी छुड़ीयै जिंदा बयान आंऊँ नेई करदा, सारी कलीसिया दी चेंता अर रोज मिकी सतान्दी ऐ।

²⁹कुसे दी कमजोरी कन्ने आंऊँ कमजोर नेई ओना? कुसे दे ठोकर खाणे कन्ने मेरा मन नेई तूखदा?

³⁰जेकर कमंड करना जरुरी ऐ, तां आंऊँ अपनी कमजोर गल्लें उपर कमंड करगा।

³¹प्रभु यीशु दा परमेसर ते पिता जेड़ा मेशा तन्न ऐ, जानदा ऐ के आंऊँ चुठ नेई गलाना।

³²दमिश्क शैर च अरितास राजा दे राजपाल थमां जेड़ा अकीम हा, ओसने मिकी पकड़ने आसतै दमिश्कियें दे राज उपर पैरा बठाई रखे दा हा,

³³ते आंऊँ टोकरे च खेड़की थमां निकलियै दवार थमां तुआरया गीया, ते राजपाल दे हत्थें बिचा बची निकलया।