Read Dogri 2 कुरिन्थियों 12 Bible Online

2 कुरिन्थियों 12 - Dogri bible

2 कुरिन्थियों 12

¹आलां के कमंड करना मेरे आसतै ठीक तां नेई, पी बी करना पौंदा ऐ; लेकन आंऊँ प्रभु दे दिते दे दर्शनें ते प्रकाशनें दी चर्चा करगा।

²आंऊँ मसीह च एक मनुक्ख गी जानना ऐ; चौंदा साल ओए के नां जाने, जेंद च, ते नां जाने जेंद दे बगैर, परमेसर गै जानदा ऐ; ऐसा मनुक्ख त्रिये सोर्ग तकर चुक्की लेता गीया।

³आंऊँ एक ऐसे मनुक्ख गी जानना ऐ नां जाने जेंद दे च, नां जाने जेंद दे बगैर परमेसर गै जानदा ऐ,

⁴के त्रिये सोर्ग उपर चुक्की लेता गीया, ते ऐसीयां गल्लां सुनीयां जेड़ीयां आखने दियां नेई; ते जिन्दा बोलना मनुक्ख आसतै ठीक नेई।

⁵ऐसे मनुक्ख उपर ते आंऊँ कमंड करगा, लेकन अपने उपर अपनी कमजोरीयें गी छुड़ीयै, अपने बारै च कमंड नेई करगा।

⁶किके जेकर आंऊँ कमंड करना चां बी तां मुर्ख नेई ओगा, किके सच्च बोलगा; तां बी रुकी जन्नां ऐ, ऐसा नेई ऊऐ, के जियां कोई मिकी दिखदा ऐ, जां मेरे थमां सुनदा ऐ, मिकी ओस थमां बद समझै।

⁷ते एस आसतै के आंऊँ मते प्रकाशनें दी बजा कन्ने ली नेई जां, मेरे जेंद च एक कंडा चुभाया गीया, मतलब शतान दा एक दूत के मिकी मुक्के मारे तां जे आंऊँ कमंड नेई करां।

⁸एस दे बारै च मैं प्रभु दे अगें त्रै बारी प्रार्थना कित्ती, के मेरे थमां ए दूर ओई जा।

⁹लेकन ओसने मेरे कन्ने गलाया, “मेरी क्रपा तेरे आसतै काफी ऐ; किके मेरी शक्ति कमजोरी च सेध ओंदी ऐ।” एस आसतै आंऊँ मते नन्द कन्ने अपनी कमजोरीयें उपर कमंड करगा, के मसीह दी शक्ति मेरे उपर छाऊं करदी रवै।

¹⁰एस आसतै आंऊँ मसीह आसतै कमजोरीयें च, ते निंदें च, ते दरिद्रता च, ते दंगे फसादें च, ते दुखें च खोश ऐं; किके जेसलै आंऊँ कमजोर ओना ऐ, ओस बेलै गै आंऊँ मसीह च तगड़ा ओना ऐ।

¹¹आंऊँ मुर्ख तां बनया, लेकन तुसें गै मिकी ए करने आसतै मजबूर कित्ता; तुसें तां मेरी तरीफ करना चाईदी दी ही, किके आलां के आंऊँ केछ बी नेई, तां बी उनै बड्डें थमां बड्डें प्रेरितें शा कुसे बी चाली कट नेई।

¹²सच्चे प्रेरित दे लछन बी थुआड़े बेच सारी चाली दे सबर कन्ने चेन्न, ते चमत्कारी कम, ते शक्ति आले कम कन्ने दसे गै।

¹³तोस केड़ी गल्ल च दुई कलीसिया थमां कट हे, सेर्फ एस च के मैं थुआड़े उपर अपना पार नेई पाया। मेरा ए बेन्याय माफ़ करो।

¹⁴दिखो, आंऊँ त्री बार थुआड़े कोल औने आसतै त्यार ऐं, ते आंऊँ थुआड़े उपर कोई पार नेई रखगा, किके आंऊँ थुआड़ी तन-दौलत नेई, बरना तुसेंगी गै चांना ऐ। किके बच्चें गी माता पिता आसतै तन किटठा नेई करना चाईदा, लेकन माता पिता गी बच्चें आसतै।

¹⁵आंऊँ थुआड़ीयें आत्मा आसतै बड़े नन्द कन्ने खर्च करगा, बरना अप्पुं बी खर्च ओई जागा। के जिन्ना बद आंऊँ थुआड़े कन्ने प्यार करना ऐ, उन्ना गै कट तोस मेरे कन्ने प्यार करगे?

¹⁶ऐसा ओई सकदा ऐ, के आंऊँ थुआड़े उपर पार नेई सुट्टया, लेकन चलाकी कन्ने तुसेंगी तोखा देईयै फसाई लेता! जेड़ा बेल्ल कोल चुठ ऐ

¹⁷पला, जिनेंगी, मैं थुआड़े कोल पेजया, के उन्दे बिचा मैं कुसे जरीयै छल करियै कुसे कोलां केछ लेता?

¹⁸मैं तीतुस गी समझाईयै ओदे कन्ने ओस प्रा गी पेजया, के तां तीतुस ने छल करियै थुआड़े शा केछ लेता? के अस एक गै आत्मा दे चालाए नेई चलै? के एक गै लीक उपर नेई चलया?

¹⁹तोस अजें तकर समझा दे ओगे के अस थुआड़े सामने थोड़ा बचाओ करानयां न। अस तां परमेसर गी आजर समझीयै मसीह च बोलनयां न, ते ए प्यारो, सारीयां गल्लां थुआड़े विश्वास दी तरक्की आसतै आखनयां न।

²⁰किके मिकी डर ऐ, कुत्ते ऐसा नेई उवै के आंऊँ आईयै जे चांना ऐं, उयां तुसेंगी नेई दिखां; ते मिकी बी जैसा तोस नेई चांदे उयांगै दिखो; के थुआड़े च चगड़ा, बैर, गुस्सा, वरोध, जलन, चुगली, कमंड, ते बखेड़े ओंन;

²¹ते कुत्ते ऐसा नेई उवै के मेरे परतियै थुआड़े इत्थैं औने उपर मेरा परमेसर मिगी शर्मिंदा करै ते मिकी मतें आसतै पी बसोस करना पवै, जिनैं पैलैं शरीर च पाप कित्ता हा, ते ओस गंदे कम, ते ब्यभिचार, ते लुचपन थमां, जेड़े उनै कित्ते, मन नेई फेरया।