Read Dogri 2 कुरिन्थियों 13 Bible Online

2 कुरिन्थियों 13 - Dogri bible

2 कुरिन्थियों 13

¹ऊन त्री बार आंऊँ थुआड़े कोल औना ऐं; दो जां त्रै गुआऐं दे मुंह थमां अर एक गल्ल पक्की कित्ती जाग।

²जियां आंऊँ जेलै दुई बार थुआड़े कन्ने हा, उयांगै ऊन दूर रौंदे ओई उनै लोकें कन्ने जिनैं पैलैं पाप कित्ता, ते बाकी सारें लोकें क्न्ने ऊन पैलैं थमां आखी दिना ऐं, के जेकर आंऊँ पी औगा, तां नेई बकशना ऐ,

³तोस तां एस दा सबूत चांदे ओ, के मसीह मेरे थमां बोलदा ऐ, जेड़ा थुआड़े आसतै कमजोर नेई लेकन थुआड़े बेच शक्ति आला ऐ।

⁴ओ कमजोरी दे कारन सूली उपर तां चढ़ाया गीया, पी बी परमेसर दी शक्ति कन्ने जिंदा ऐ, अस बी तां ओस च जिदुं दे कमजोर आं, लेकन परमेसर दी शक्ति कन्ने जेड़ी थुआड़े लेई ऐ, ओदे कन्ने जिगे।

⁵अपने आप गी परखो, के थुआड़ा विश्वास सेई ऐ के नेई। अपने आप गी जाचो, के तोस अपने बारै च ए नेई जांनदे के यीशु मसीह थुआड़े च ऐ? नेई तां तोस जाचने च नकमे निकले ओ।

⁶लेकन मेरी आस ऐ, के तोस जानी लैगे, के अस नकमे नेई निकले।

⁷ते अस अपने परमेसर दे अगें ए प्रार्थना करनयां, के तोस कोई बुरा नेई करो, एस आसतै नेई, के अस खरे लबो, लेकन एस आसतै के तोस पलाई करो, पावें अस नकमे गै निकलचै।

⁸किके अस सच्चाई दे वरोध च केछ नेई करी सकदे, लेकन सचाई आसतै गै करी सकनयां न।

⁹जेलै अस कमजोर न, ते तोस तकड़े ओ, तां अस खोश ओनयां न, ते ए प्रार्थना बी करनयां न, के तोस विश्वास च सेध ओई जाओ।

¹⁰एस कारन आंऊँ थुआड़े पीठी पिछें ए गल्लां लिखना ऐ, के आजर ओईयै मिकी ओस अख्त्यार दे मताबक जिसी प्रभु ने बगाड़ने आसतै नेई लेकन बनाने आसतै मिकी दिते दा ऐ, सख्ती कन्ने केछ करना नेई पवै।

¹¹एस लेई ए विश्वासी प्राओ, खोश रवो; विश्वास च सेध बनदे जाओ, सबर रखो, मेरी सलाह गी सुनो, एक्को मन रखो, मेल कन्ने रवो, ते प्यार ते शान्ति दा दाता परमेसर थुआड़े कन्ने रौग।

¹²एक दुए गी पवित्र चुम्मे कन्ने नमस्ते करो।

¹³सारे पवित्र लोक तुसेंगी नमस्ते बोलदे न।

¹⁴प्रभु यीशु मसीह दी क्रपा ते परमेसर दा प्यार ते पवित्र आत्मा दी सह्भागता थुआड़े सबनी दे कन्ने ओंदी रवै।