Read Dogri 2 कुरिन्थियों 2 Bible Online

2 कुरिन्थियों 2 - Dogri bible

2 कुरिन्थियों 2

¹मैं अपने मन च इयै तै करी लेते दा हा के पी थुआड़े कोल दुखी करने गी नेई अमां।

²किके जेकर आंऊँ तुसेंगी दुखी करां, तां मिकी नन्द देने आला कोन ओग? सेर्फ उवै जिसी मैं दुखी कित्ता?

³ते मैं इयै गल्ल तुसेंगी एस आसतै लिखी, के कुतै ऐसा नेई उवै, के मेरे औने उपर, जिंदे थमां मिकी नन्द मिलना चाईदा, आंऊँ उन्दे कोलां दुखी ओई जां; किके मिकी थुआड़े सबनी उपर एस गल्ल दा विश्वास ऐ के जेड़ा मेरा नन्द ऐ, उवै थुआड़े सबनी दा बी ऐ।

⁴बड़े संकट, ते मन दे दोख क्न्ने मैं बड़ा रोई-रोई तुसेंगी लिखया हा एस आसतै नेई के तोस दुखी ओई जाओ, लेकन एस आसतै के तोस ओस बड्डे प्यार गी जानी लिओ, जेड़ा मिकी थुआड़े कन्ने ऐ।

⁵जेकर कुसे दुखी कित्ता ऐ, तां मिकी गै नेई वरन (के ओदे कन्ने मती सकती नेई करां) थुड़ा-थुड़ा तुसें सबनी गी बी दुखी कित्ता ऐ।

⁶ऐसे मनुक्ख आसतै ए सजा जेड़ी विश्वासी प्रांऐं बिचा मतें सारें दित्ती, ओ मती ऐ।

⁷एसकरी एस थमां ए पला ऐ के ओसदा पाप माफ़ करो; ते तसल्ली दियो, ऐसा नेई उवै के मनुक्ख विश्वास थमां पडकी जा।

⁸एसकरी आंऊँ थुआड़े कन्ने अर्ज करना ऐं, के उसी अपने प्यार दा सबूत दसो।

⁹किके मैं एस आसतै बी लिखया हा, के तुसेंगी परखी लियां, के तोस मेरी सारी गल्लें गी मनने लेई त्यार, ओ जां नेई।

¹⁰जेसदा तोस केछ माफ़ करदे ओ उसी आंऊँ बी माफ़ करना ऐं, किके मैं बी जे केछ माफ़ कित्ता ऐ, जेकर कित्ता ओग, तां थुआड़े कारन मसीह दी जगै च ओईयै माफ़ कित्ता ऐ।

¹¹के शतान दी साड़े उपर चलाकी नेई चलै, किके अस ओसदी चलाकीयें थमां अनजांन नेई।

¹²ते जेसलै आंऊँ मसीह दा शोभ समाचार, सनाने आसतै त्रोआस दे शैर च आया, ते प्रभु ने मेरे लेई एक मौका खोली दित्ता,

¹³तां मेरे मन च चैन नेई मिलया, एसकरी के मैं अपने मसीह प्रा तीतुस गी नेई दिखया; एस आसतै त्रोआस शैर दे वश्वासीयें शा विदा ओईयै आंऊँ मकिदुनिया शैर गी चली गीया।

¹⁴लेकन परमेसर दा शुकर ओऐ, जेड़ा मसीह च मेशा असेंगी जै दी खुशी च लेई फिरदा ऐ, ते अपने ज्ञान दी खशबु साड़े थमां अर जगै फलांदा ऐ।

¹⁵किके अस परमेसर दे कोल मसीह आला लेखा उनै मुक्ति पानें आले ते नाश ओनें आलें दौनी आसतै मसीह दी खशबु ओं।

¹⁶किन्नें आसतै तां मरने दे जोग मौत दी खुशबु, ते किन्नें आसतै जीनें दे जोग जीनें दी खुशबु, ते पला इनें गल्लें दे जोग कोन ऐ?

¹⁷किके अस उनै मतें सारें आला लेखा नेई, जेड़े परमेसर दे वचन च मलावट करदे न; लेकन मन दी सच्चाई कन्ने, ते परमेसर तरफुं परमेसर दी आजरी समझीयै मसीह च बोलनयां न।