Read Dogri 2 कुरिन्थियों 3 Bible Online

2 कुरिन्थियों 3 - Dogri bible

2 कुरिन्थियों 3

¹के अस पी अपनी बड़याई करन लगी पे? जां असैं बाकी लोकें साईं शफारशें दियां चिट्ठीयां थुआड़े कोल आननियां जां लेनयां न?

²साड़ी शफारश दी चिट्ठी तोस गै ओ, जेड़ी साड़े एर्दें उपर लिखी गेदी ऐ, ते उसी सारे मनुक्ख पनछानदे ते पढ़दे न।

³ए परकट ऐ, के तोस मसीह थमां मिली दी पत्री ओ, जिसी असैं सेवकें आला लेखा लिखया, ते जेड़ी स्याई कन्ने नेई लेकन जिन्दे परमेसर दी आत्मा कन्ने, पत्थर दी पट्टीयें उपर नेई, लेकन एर्दें दे मास रूपी पट्टीयें उपर लिखी ऐ।

⁴अस मसीह थमां परमेसर उपर ऐसा गै परोसा करनयां न।

⁵ए नेई, के अस अपने आप थमां एस काबल ओ, के अपनी तरफुं कुसे गल्ल दा वचार करी सकचै, लेकन साड़ी काबलता परमेसर थमां ऐ,

⁶जेस ने असेंगी नमें बायदे दे सेवक ओनें दे काबल बी कित्ता, छड़े बोलने आले सेवक नेई वरन आत्मा दे; किके मूसा दे कनून दे मताबक बोल मारदा ऐ, लेकन परमेसर दी आत्मा मेशा दी जिन्दडी दिन्दी ऐ।

⁷जेकर मौत दा ए कनून जेसदे अखर पत्थरें उपर लिखे गेदे हे, इत्थैं तकर मैमा योकत ओए, के मूसा दे मुं उपर दी तेज लो दे कारन जेड़ी घटदी बी जंदी ही, इस्राएली ओदे मुंह उपर नजर नेई पाई सकदे हे,

⁸ते आत्मा दा बायदा ओर बी तेज लोई आला कि नेई ओग?

⁹किके जेलै दोषी बनाने आला बायदा बड़ा गै शक्ति आला हा, तां तरमी बनाने आला बायदा ओर बी शक्ति आला कि नेई ओग?

¹⁰ते जेड़ा मैमा आला हा, ओ बी ओस तेज लोई दे कारन जेड़ा ओस थमां जादै शक्ति आला हा, केछ बड़ा शक्ति आला नेई निकलया।

¹¹किके जेलै ओ तेज जेड़ा कटदा जन्दा हा, तां ओ जेड़ा टिका दा रौग ओर बी बड़ा शक्ति आला कि नेई ओग?

¹²एसकरी ए जेई आस रखियै अस दलेरी कन्ने बोलनयां न,

¹³ते मूसा आला लेखा नेई, जेस ने अपने मुंह उपर पड़दा पाए दा हा तां जे इस्राएली लोक ओस घटने आली लोई दे ऐन्त गी नेई दिखन।

¹⁴लेकन उनै अपने एर्दें कठोर करी दिते, किके अज्ज तकर पराना नियम पढ़दे बेलै उंदे एर्दें उपर उवै पड़दा पेदा रौंदा ऐ, लेकन ओ मसीह च चुकी लित्ता जन्दा ऐ।

¹⁵ते अज्ज तकर जेलै कुत्ते मूसा दी कताब पढ़ी जन्दी ऐ, तां उंदे एर्दें उपर पड़दा पेदा रौंदा ऐ।

¹⁶लेकन जेलै कुत्ते उंदा एर्दें प्रभु यीशु आली बक्खी फिरग, ओस बेलै ओ पड़दा अटी जाग।

¹⁷प्रभु तां आत्मा ऐ; ते जिथें कुत्ते प्रभु दा आत्मा ऐ उत्थें कनून थमां अजादी ऐ।

¹⁸लेकन जेलै साड़े सारें दे उगडे दे मुंह थमां प्रभु दी ओ तेज लो एस चाली परकट ओंदी ऐ, जेस चाली शीशे च, तां प्रभु थमां जेड़ा ओ आत्मा ऐ, अस उसै तेज लोई आला लेखा थुड़े-थुड़े करियै बदलदे जनयां न।