Read Dogri 2 कुरिन्थियों 5 Bible Online

2 कुरिन्थियों 5 - Dogri bible

2 कुरिन्थियों 5

¹किके अस जाननयां न, के जेलै साड़ा तरती उपर दा डेरा सरीखा कर नाश कित्ता जाग, ते असेंगी परमेसर थमां सोर्ग च एक ऐसा पभन मिलग, जेड़ा अथ्थें क्न्ने बने दा कर नेई, लेकन मेशा तकर बनें दा रौने आला ऐ।

²एस नाश ओनें आली जिंदु च तां अस टाई मारी-मारी रोनयां न, ते बड़ी इच्छया करनयां न; के अपने सोर्ग आले कर गी पाई लेचै

³के एस दे पाने कन्ने अस नंगे नेई लबचै।

⁴ते अस एस डेरे च रौंदे ओई बोझ दे थलै दबोचे दे टाई मारी-मारी रोनयां न; किके अस ओस बोझ गी तुआरना नेई वरन ओर चुकना चानयां न, तां जे ओ जेड़ी मरने आली जेंद ऐ, मेशा दी जिंदड़ी च डूबी जा।

⁵ते जेस ने असेंगी एस गल्ल आसतै त्यार कित्ता ऐ, ओ परमेसर ऐ, जेस ने असेंगी पेशगी च पवित्र आत्मा बी दिते दा ऐ।

⁶एस आसतै अस मेशा औसला रखियै रौनयां न ते ए जाननयां न; के जेसलै तकर अस जिंदु च रौनयां न, ओस बेलै तकर प्रभु थमां लग्ग ओं।

⁷किके अस शक्ल गी दिखियै नेई, लेकन विश्वास कन्ने चलनयां न।

⁸एस आसतै अस ओंसला रखियै रौनयां न, ते जेंद थमां लग्ग ओईयै प्रभु दे कन्ने रौना ते ओर बी ठीक समझनयां न।

⁹एस कारन साड़े मन दी इच्छया ए ऐ, के पमें अस शरीर च रौचै, पमें बक्ख रौचै, लेकन साड़ा मकसद परमेसर गी खोश करना ऐ।

¹⁰किके जरुरी ऐ, के साड़ा सबनीं दा आल मसीह दी न्याय दी गदी दे सामने खुली जा, के अर एक मनुक्ख अपने-अपने पले बुरे कम दा बदला जे केछ ओसने जिंदु च रौंदे कित्ते दा ओग, फल पाग।

¹¹एसकरी प्रभु दा डर मनियै अस लोकें गी समझानयां न; ते परमेसर दे अगें साड़ा सब केछ परकट ऐ; ते मेरी आस ए ऐ, के थूआडी अन्तर आत्मा उपर बी परकट ओया ओग।

¹²अस पी बी अपनी बड़याई थुआड़े सामनें नेई करदे लेकन अस अपने बारै च तुसेंगी कमंड करने दा मौका दिनयां, के तोस उनेंगी जबाब देई सको, जेड़े देल क्न्ने नेई बरना दखाबटी गल्लें उपर कमंड करदे न।

¹³जेकर अस बेसोध न तां परमेसर आसतै, ते जेकर ओश बेच न तां थुआड़े आसतै न।

¹⁴किके मसीह दा प्यार असेंगी तका दिंदा ऐ; एस आसतै के अस ए समझनयां न, के जेलै एक सबनी लोकें लेई मरया तां सारे लोक मरी गै।

¹⁵ते मसीह एस खातर सबनी लेई मरया, के जेड़े जिंदे न, ओ अग्गें गी अपने लेई नेई जींन, लेकन ओस लेई जेड़ा उन्दे आसतै मरया ते पी जिन्दा ओई गीया।

¹⁶एस आसतै ऊन थमां अस कुसे गी जेंद च रौने आला लेखा नेई समझगे, ते जेकर असैं मसीह गी बी जेंद च रौने आला लेखा समझया हा, तां बी ऊन थमां उसी ऐसा नेई समझगे।

¹⁷एसकरी जेकर कोई मसीह च ऐ; तां ओ नमां बनाया गीया ऐ; परानीयां गल्लां बीती गेदियां न; दिखो, सारीयां गल्लां नमीयां ओई गेदियां न।

¹⁸ते ए सारीयां गल्लां परमेसर थमां न, जेस ने मसीह थमां अपने कन्ने साड़ा मेल मलाप कराई लेता, ते मेल मलाप दी सेवा असेंगी सौंपी दित्ती ऐ।

¹⁹मतलब परमेसर ने मसीह च ओईयै अपने कन्ने दुनिया दा मेल मलाप करी लेता, ते उनै लोकें दे पापें दा दोष उंदे उप्पर नेई सुट्टया, ते ओसने मेल मलाप दा वचन असेंगी सौंपी दित्ता ऐ।

²⁰एसकरी अस मसीह दे राजदूत न; मन्नो परमेसर साड़े जरीयै समझांदा ऐ; अस मसीह तरफुं अर्ज करनयां न, के परमेसर दे कन्ने मेल मलाप करी लियो।

²¹जेड़ा पाप थमां अनजांन हा, उसी गै परमेसर ने साड़े आसतै पाप बनाया, के अस मसीह च ओईयै परमेसर दी तार्मिकता बनी जाचै।