Read Dogri 2 कुरिन्थियों 6 Bible Online

2 कुरिन्थियों 6 - Dogri bible

2 कुरिन्थियों 6

¹अस जेड़े परमेसर दे क्न्ने सेवा दे कम करनयां न ऐ बी समझनयां न, के परमेसर दी क्रपा जेड़ी थुआड़े उपर ओई, उसी बेअर्थ नेई जाना दियो।

²किके परमेसर आखदा ऐ, “अपनी खुशी दे बेलै मैं तेरी सुनी लेती, ते मुक्ति दे देन मैं तेरी मदद कित्ती।” दिखो, ऊन ओ खुशी दा बेला ऐ; सुनो, दिखो ऊन गै मुक्ति दा देन ऐ।

³अस कुसे गल्ल च ठोकर खाणे दा कोई बी मौका नेई दिंदे, तां जे साड़ी सेवा उपर कोई दोष नेई लगे।

⁴लेकन अर गल्ल च परमेसर दे सेवकें आला लेखा अपने सत्तगुनें गी परकट करनयां न, मती सबर कन्ने, कलेश कन्ने, दरिद्रता कन्ने, दुखें कन्ने,

⁵कोड़े खाणे कन्ने, कैद ओनें कन्ने, लड़ाईयें कन्ने, मेंनत कन्ने, बिजे दे रौने कन्ने, उपवास करने कन्ने,

⁶पवित्र बनने कन्ने, ज्ञान कन्ने, सबर कन्ने, कृपा करने कन्ने, पवित्र आत्मा कन्ने,

⁷सच्चे प्यार कन्ने, सच्चाई दे वचन कन्ने, परमेसर दी शक्ति कन्ने, तार्मिकता दे अत्या करने आले कन्ने, जेड़े सज्जे, खबे अथ्थ न,

⁸आदर ते बेरादर कन्ने, बदनामी ते सुनामी कन्ने। आलां के परमाने आले जे लगदे न तां बी सच्चे न;

⁹अनजांन आला लेखा न, तां बी मशूर न; मरने आलें जे न ते दिखो जिन्दे न; मार खाणे आलें जे न तां बी प्राण थमां मारे नेई जंदे;

¹⁰बसोस करने आलें जे न, लेकन मेशा नन्द मनांदे रौनयां न, गरीबें जे न, लेकन मतें सारें गी मीर बनाई दिनयां न; ऐसे न जियां साड़े कोल केछ नेई तां बी सब केछ रखदे न।

¹¹ए कुरिन्थियों दे विश्वासियें, असैं खुलीयै थुआड़े कन्ने गल्लां कित्तियां न, साड़ा एर्दें थुआड़े लेई खुला ऐ।

¹²थुआड़े आसतै साड़े मन च कोई चहक्क नेई, लेकन थुआड़े गै मन च साड़े लेई चहक्क ऐ।

¹³लेकन अपने आत्मिक बच्चे समझीयै थुआड़े कन्ने आखन ऐ, के तोस बी ओदे बदले च अपना एर्दें खोली दियो।

¹⁴अवश्वासीयें दे कन्ने नेई मिलदे जूंगले दे थलै अपने आप गी नेई जुगड़ो, किके तार्मिकता ते अतर्म दा के मेल जोल? जां लो ते न्हेरे दी के संगति?

¹⁵ते मसीह दा शतान कन्ने के मेल? जां विश्वासी दा अवश्वासी कन्ने के नात्ता?

¹⁶ते मूरतें कन्ने परमेसर दे मन्दर दा के रिश्ता? किके अस तां जिंदे परमेसर दे मन्दर आं; जियां परमेसर ने वचन च आखे दा ऐ, “आंऊँ उन्दे च बसगा ते चलगा फिरगा; ते आंऊँ उन्दा परमेसर ओगा, ते ओ मेरे लोग ओगन।”

¹⁷एस आसतै प्रभु अपने वचन च आखदा ऐ, “उन्दे बिचा निकलो ते लग्ग रवो; ते गन्दी चीज गी मत छुओ, तां आंऊँ तुसेंगी ग्रहण करगा;

¹⁸ते आंऊँ थुआड़ा पिता ओगा, ते तोस मेरे मुड़े ते कुड़ीयाँ ओगे। ए सर्वशक्तिमान प्रभु परमेसर दा वचन ऐ।”