Read Dogri 2 कुरिन्थियों 9 Bible Online

2 कुरिन्थियों 9 - Dogri bible

2 कुरिन्थियों 9

¹ऊन ओ सेवा दे बारै च जेड़ी यरूशलेम दे पवित्र लोकें आसतै पैसे देईयै कित्ती जन्दी ऐ, मिगी तुसेंगी लिखने दी जरुरत नेई ऐ।

²किके आंऊँ थुआड़े मन दी त्यारी गी जाननां ऐ, जेसदे कारन आंऊँ थुआड़े बारै च मकिदुनिया दे लाकें दे वश्वासीयें दे सामने कमंड दसना ऐ, के अखाया लाके दे विश्वासी लोग एक साल थमां त्यार ओए दे न, ते थुआड़े जोश ने ओर मते सारें गी बी प्रेरित कित्ता ऐ।

³लेकन मैं तीतुस ते दो प्राऐं गी एस आसतै पेजया ऐ, के असैं जेड़ा कमंड थुआड़े बारै च दसया, ओ एस गल्ल च बेकार नेई ओए; लेकन जियां मैं गलाया; उयांगै तोस त्यार उआ दे ओ, के तोस बी यरूशलेम दे वश्वासीयें गी दान पेजो।

⁴ऐसा नेई ऊऐ, के जेड़ा कोई मकिदुनिया शैर दा विश्वास मेरे कन्ने अवै, ते तुसेंगी दान दी सेवा च त्यार नेई दिखचै, तां ओई सकदा ऐ, के एस परोसे दे कारन अस (ए नेई आखनयां के तोस) शर्मिंदे उवो।

⁵एस आसतै मैं विश्वासी प्राऐं कन्ने ए अर्ज करना जरुरी समझया के ओ पैलैं थमां गै थुआड़े कोल जांन, ते थुआड़ी दान देने दी खुशी दा फल जेसदे बारै च पैलैं दा गै वचन दित्ता गीया हा, त्यार करी रखन, के ए दबाब कन्ने नेई लेकन उदारता क्न्ने देने दे फल आला लेखा त्यार ओन।

⁶लेकन गल्ल तां ए ऐ; जेड़ा थुड़ा रांदा ऐ, ओ थुड़ा बडग बी; ते जेड़ा मता रांदा ऐ, ओ मता बडग।

⁷अर एक मनुक्ख जिन्ना गै मन च सोचग उयांगै दान करै; नां कुड़कूड़ाइयै ते नां दबाब कन्ने, किके परमेसर खुशी कन्ने देने आलें कन्ने प्यार करदा ऐ।

⁸परमेसर सारी केसम दी क्रपा तुसेंगी बुआरीयै देई सकदा ऐ। जेस कन्ने अर गल्ल च ते अर बेलै, सारा केछ, जेड़ा तुसें जरुरी उवै, थुआड़े कोल रवै; ते अर एक पले कम आसतै थुआड़े कोल मता केछ उवै।

⁹जियां पवित्र शास्त्र च लिखे दा ऐ, “परमेसर ने जरुरतमंदे गीं खुलीयै दान दित्ता ऐ, ओसदी तार्मिकता मेशा बनी दी रौग।”

¹⁰मतलब परमेसर ए जेड़ा रानें आले गी बी, ते खाणे आसतै रुट्टी दिंदा ऐ, परमेसर तुसेंगी बी देग, ते ओदी अच्छी पैदाबार करग; ते थुआड़े तर्म दे फलें गी बदाग।

¹¹तोस अर गल्ल च अर चाली च खुशी कन्ने देने आसतै जेड़ी साड़े थमां परमेसर दा शुकर करांदी ऐ, सोखे कित्ते जाओ।

¹²किके एस सेवा गी पूरा करने कन्ने नां सेर्फ पवित्र लोकें दी जरुरतां पूरीयां ओदीयां न, लेकन लोकें थमां परमेसर दा बी मता शुकर ओंदा ऐ।

¹³किके एस दान दी सेवा दा सबूत आसल करियै परमेसर दी मैमा परकट करदे न, के तोस मसीह दे शोभ समाचार गी मन्नीयै ओदे ताबे च रौंदे ओ, ते गरीब वश्वासीयें, ते सारें दी मदद करने च खुशी क्न्ने दान देईयै परकट करदे रौंदे ओ।

¹⁴ते ओ थुआड़े आसतै परमेसर अगें प्रार्थना करदे रौंदे न; ते एस आसतै के थुआड़े उपर परमेसर दी बडी गै क्रपा ऐ, थुआड़ी लगन च लगे दे रौंदे न।

¹⁵परमेसर दा, उन्दे ओस दान आसतै जेड़ा सनाने थमां बार ऐ, शुकर ऐ।