Read Dogri गलातियों 1 Bible Online

गलातियों 1 - Dogri bible

गलातियों 1

¹आऊँ पौलुस, जेड़ा नां मनुक्खें दी मर्जी कन्ने, ते नां मनुक्ख थमां, वरन यीशु मसीह ते पिता परमेसर थमां, जेस ने यीशु मसीह गी मरें दे बिचा जिंदा कित्ता, प्रेरित ऐं।

²ते सारे विश्वासी पैन, प्राऐं थमां जेड़े मेरे कन्ने, गलातिया लाकें दी कलीसिया दे नां।

³ए मेरी प्रार्थना ऐ, के परमेसर पिता ते साड़े प्रभु यीशु मसीह थमां तुसेंगी क्रपा ते शान्ति मिलदी रवै।

⁴साड़े परमेसर ते पिता दी मर्जी दे मताबक मसीह यीशु ने अपने आप गी साड़े पापें दे कारन बलि करी दित्ता तां जे अस अज्ज दी दुनिया दे लोकें दे बुरे परबहा बचे रौचै।

⁵मेरी ए प्रार्थना ऐ, के लोक परमेसर दी स्तुति ते बड़ाई अर एक योग च मेशा करदे रौंन। आमीन।

⁶मिकी ए सुनीयै रांनगी ओंदी ऐ, के जेस ने तुसेंगी मसीह दी क्रपा च चलने आसतै बलाया ओस कोलां तोस इन्नी जल्दी फिरीयै बखरी चाली दी श्खिया उपर विश्वास करन लगे।

⁷एक गै सच्चा शोभ समाचार ऐ; लेकन गल्ल ए ऐ, के किन्नें लोक ऐसे न जेड़े मसीह दे शोभ समाचार गी बगाडीयै तुसेंगी तोखा देना चांदे न।

⁸लेकन जेकर अस, जां सोर्ग थमां कोई सोर्गदूत बी उतरीयै ओस शोभ समाचार गी छुड़ीयै जेड़ा असैं तुसेंगी सनाया ऐ, कोई दुई शिखया तुसेंगी दे, तां ओ श्रापित उवै।

⁹जियां अस पैलैं आखी चुके दे न, उयांगै आऊँ पी आखना, के ओस शोभ समाचार गी छुड़ीयै जिसी असैं तुसेंगी सनाया ऐ, जेकर कोई दुई शिखया दे, ओ श्रापित उवै।

¹⁰ऊन आऊँ के मनुक्खें गी खोश करना ऐं, जां परमेसर गी? के आऊँ मनुक्खें गी खोश करना चानां ऐं? जेकर आऊँ ऊन तकर मनुक्खें गी गै खोश करदा रौना, तां मसीह दा दास नेई ओंदा।

¹¹ए विश्वासी प्राओ, आऊँ तुसेंगी सनाई दिना ऐं, के जेड़ा शोभ समाचार मैं सनाया ऐ, ओ मनुक्ख थमां नेई।

¹²किके ओ मिकी मनुक्ख दी तरफा नेई पूजया, ते नां मिकी कुसे सखाया, लेकन यीशु मसीह थमां मेरे उपर परकट कित्ता गीया।

¹³प्राओ तोस सुनी चुके दे ओ; के यहूदी मत च जेड़ा पैलैं मेरा चाल चलन हा, के आऊँ परमेसर दी कलीसिया दे वश्वासीयें गी मता सतांदा हा ते नाश करदा हा।

¹⁴ते आऊँ यहूदी तर्म च अपने बेलै दे मते सारे मेरी गै उम्र दे साथी पराऐं कोलां मता अगें बदा करदा हा, ते अपने बजुर्गें दे रीति रबाजें ते शिखयें आसतै मता गै जशीला हा।

¹⁵लेकन जदूं परमेसर दी इच्छा ओई, ओस मिकी मां दे गर्भ चा गै चुनी लिया ते अपनी क्रपा कन्ने बलाई लेता,

¹⁶के मेरे उपर अपने पुत्तर गी प्रकट करै, के आऊँ दुई जातीयें च ओसदा शोभ समाचार सनां, ते एस समाचार दे बारै च मैं कुसे मनुक्खे छा सलाह नेई लेती,

¹⁷ते नां यरूशलेम शैर गी उन्दे कोल गीया जेड़े मेरे थमां पैलैं प्रेरित चुने गेदे हे, लेकन फोरन अरब देश च सनसांन जगै गी चली गीया ते पी उत्त्थुआं दा दमिश्क शैर गी बापस आई गीया।

¹⁸पी त्रैं सालें दे बाद आऊँ प्रेरित पतरस (कैफा) कन्ने मुलाका त करने आसतै यरूशलेम दे शैर गी गीया, ते ओदे कोल पंद्रां देन तकर रिया।

¹⁹लेकन प्रभु दे प्रा याकूब गी छुड़ीयै ओर प्रेरितें बिचा कुसे कन्ने बी नेई मिलया।

²⁰परमेसर जानदा के जेड़ीयां गल्लां आऊँ तुसेंगी लिखना ऐ, दिखो, परमेसर गी आजर समझीयै आखना ऐं, के ओ गल्लां चुट्ठियां नेई।

²¹उनै प्रेरितें कन्ने मिलीयै ते यरूशलेम शैर गी छुड़ने दे बाद आऊँ सीरिया ते किलिकिया दे लाकें च आया।

²²लेकन यहूदीया दे लाके दे विश्वासी कलीसिया लोक जेड़े मसीह च हे, मिगी ते उनै कदें दिखे दा नेई हा;

²³लेकन ओ विश्वास बार-बार इयै सुना करदे हे, के जेड़ा असेंगी पैलैं सतांदा हा, ओ ऊन उसै विश्वास दा शोभ समाचार सुनांदा ऐ, जिसी पैलैं नाश करदा हा।

²⁴ते मसीह विश्वास मेरे बारै च आखदे हे, के सताने आला कियां यीशु दा चेला बनया, ओ एस गल्ल उपर परमेसर दी मैमा करदे रौंदे हे।