Read Dogri गलातियों 5 Bible Online

गलातियों 5 - Dogri bible

गलातियों 5

¹मसीह ने अजादी आसतै असेंगी मूसा दे कनून गी मनने कोलां अजाद कित्ता ऐ; एस आसतै एस अजादी च टिके दे रवो, ते कोई परतियै तुसेंगी मूसा दे कनून गी मनने आसतै गलाम नेई बना।

²त्यांन कन्ने सुनो, आऊँ पौलुस थुआड़े कन्ने आखना ऐं, के जेकर खतना करागे, तां मसीह थमां तुसेंगी केछ फायदा नेई ओग।

³पी बी आऊँ अर एक खतना कराने आले गी चतावनी दिना ऐ, के उसी मूसा दे सारे कनून मनना पौगन।

⁴तोस जेड़े मूसा दे कनून कन्ने तरमी बनना चांदे ओ, मसीह थमां बख ते ओदी क्रपा थमां दूर ओई चुके दे ओ।

⁵किके पवित्र आत्मा दे कारन अस विश्वास कन्ने, आस कित्ती दी तार्मिकता दा एन्तजार करनयां न।

⁶अगर तोस मसीह यीशु दे चेलें ओ तां खतना कराना ते खतना नेई कराना केछ खास गल्ल नेई ऐ, लेकन खास गल्ल ए ऐ के अस मसीह गी अपना उद्धारकर्ता ग्रेण करचै ते परमेसर ते दुए लोकें कन्ने प्रेम करचै।

⁷तोस तां मसीह कन्ने जुड़ियै अच्छे अगें बदा करदे हे। ऊन तुसेंगी मसीह उपर विश्वास करने लेई कोन्नें रोकया, के सच्चाई गी नेई मन्नों?

⁸ए जेई सेख परमेसर थमां नेई मिली जेस ने तुसेंगी अपने बच्चे बननें लेई बलाया।

⁹ए चुठी शिखया थुड़े जिये खमीर आला लेखा ऐ जेड़ा पूरे आटे गी खमीर करी दिंदा ऐ।

¹⁰आऊँ प्रभु उपर थुआड़े बारै च परोसा करना ऐं, के थुआड़ा कोई दुआ वचार नेई ओग; लेकन जेड़ा तुसेंगी गुमराह करी दिंदा ऐ, ओ कोई कि नेई ओग परमेसर कोलां सजा पाग।

¹¹ए विश्वासी प्राओ, आऊँ ए प्रचार करै करना के खतना जरुरी नेई ऐ, तां अयें बी यहूदी लोक मिकी सता करदे न अगर आऊँ मसीह दी सूली थमां उद्धार दा प्रचार नेई करदा तां लोकें गी बुरा नेई लगग।

¹²पला ओंदा, के जेड़े तुसेंगी गुमराह करदे न, ओ लोक अपने आप गी खुसरा बनाई लैंन।

¹³ए विश्वासी प्राओ, तोस मूसा दा कनून नेई मनने आसतै परमेसर ने बलादे ओ; लेकन ऐसा नेई उवै, के ए अजादी जिंदु दी बुरीयां खुआशां गी पूरी करने दा मौका बनी जा, बरना प्यार कन्ने एक दुए दी सेवा करने आले बनो।

¹⁴किके सारा कनून एस एक गै गल्ल च पूरा ओई जन्दा ऐ, “तू अपने गुआंडी कन्ने अपने जियां प्यार कर।”

¹⁵लेकन जेकर तोस लगातार लड़ाई ते एक दुए कन्ने जलन करदे ओ, तां चकने रवो, के एक दुए दा सत्यानाश नेई करी ओड़ो।

¹⁶लेकन आऊँ आखना ऐं, के पवित्र आत्मा दे आखने उपर चलो, तां तोस जिंदु दे बुरे कम दी ख्वैशें गी कुसे बी रीति कन्ने पूरा नेई करगे।

¹⁷किके जिंदु दियां बुरीयां इच्छ्यां पवित्र आत्मा दे वरोध च ते पवित्र आत्मा जिंदु दियां बुरीयां इच्छ्यां दे वरोध च कम करदा ऐ, ते ए एक दुए दे वरोधी न, एस आसतै के जे केछ तोस करना चांदे ओ, ओ नेई करी सकदे।

¹⁸ते जेकर तोस पवित्र आत्मा दे चलाए चलदे ओ, तां मूसा दे कनून दे दीन नेई रे।

¹⁹जिंदु दियां बुरीयां इच्छ्यां ते साफ लबदियां न, मतलब ब्यभिचार, गंदे कम, लुच्चा पन,

²⁰ओ मूरत दी पुजा, टूना, बैर, लड़ाई, एर्षा, गुस्सा, वरोध, फोट, फेरका बाजी,

²¹अड़ना, मतवालापन, जिंदु दा पोघ-पलास, ते इंदे जे ओर-ओर कम न, इंदे बारै च आऊँ तुसेंगी पैलैं गै खबरदार करी दिना ऐं जियां पैलैं आखी बी चुके दा ऐं, के ए जिए कम करने आले परमेसर दे राज दे वारस नेई ओगन।

²²लेकन पवित्र आत्मा दा फल प्यार, नंद, शान्ति, स्बर, तरस, पलाई, विश्वास,

²³दीनगी, ते अपने आप गी काबू करना ऐ; ए जिए कम्में दे वरोध च कोई कनून नेई।

²⁴ते जेड़े मसीह यीशु दे न, उनै जिंदु दी बुरी इच्छ्यें ते खुआशें समेत सूली उपर चढ़ांई दिता ऐ।

²⁵जेकर अस पवित्र आत्मा दे मताबक जिनयां न, तां पवित्र आत्मा दे मताबक चलचे बी।

²⁶अस कमणडी ओईयै एक दुए गी नेई छेड़चै, ते नां एक दुए कन्ने एर्षा करचै।