Read Dogri गलातियों 6 Bible Online

गलातियों 6 - Dogri bible

गलातियों 6

¹ए विश्वासी प्राओ, जेकर ए पता चलै के कुसे मनुक्खे पाप कित्ता ऐ, तां तोस जेड़े आत्मिक ओ, दीनगी कन्ने उसी सेई रस्ते उपर लेई आओ, ते अप्पुं बी चकने रवो के तोस बी उसै अजमैश बेच नेई पवो।

²तोस परेशानी बेच एक दुए दी मदद करो, ते एस चाली मसीह दे कनून गी पूरा करो।

³किके जेकर कोई केछ नेई ओनें उपर बी अपने आप गी बड़ा समझदा ऐ, तां ओ अपने आप गी तोखा दिन्दा ऐ।

⁴लेकन अर एक अपने गै कम गी जांची लै, के ओदा कम सेई ऐ, ते दुए दे बारै च नेई लेकन अपने कम दे बारै च उसी कमंड करने दा बेला थोग।

⁵किके अर एक मनुक्ख अपने गै कम दा जिमेंबार ओग।

⁶जेड़ा वचन दी शिखया लिया दा ऐ, ओ सारीयें छैल चीजें च सखाने आले गी जियां पैसे रुट्टी थमां दी मदद करै।

⁷अपने आप गी तोखा नेई दियो; परमेसर गी कोई कदें मुर्ख नेई बनाई सकदा, किके मनुक्ख जे केछ रांदा ऐ उवै कटग।

⁸किके जेड़ा अपनी जिंदु दी बुरी इच्छ्यां पूरी करने आसतै कम करदा ऐ, ओ जेंद थमां नाश ओनें दी फसल कटग; ते जेड़ा पवित्र आत्मा दी इच्छ्यां आसतै कम करदा ऐ, ओ पवित्र आत्मा थमां मेशा दी जिंदड़ी दी फसल कटग।

⁹अस पले कम करने आसतै इम्त नेई छुड़चै, किके जेकर अस आंरचै नेई, तां परमेसर दे अपने बेलै च नाम पागे।

¹⁰एस आसतै जिथें तकर मौका मिलै अस सारें कन्ने पलाई करचै, खास करियै विश्वासी प्रांऐं दे कन्ने।

¹¹दिखो, मैं कियां बड्डे-बड्डे अखरें च अपने अथ्थें कन्ने लिखे दा ऐ।

¹²जेड़े लोग यहूदीयें गी खोश करना चांदे न, ओ खतना करांदे न तां जे यहूदी उनेंगी ग्रेण करन, ते उनेंगी नेई सतांन एस गल्ल दा प्रचार करने दे कारन के परमेसर उनेंगी गै बचाग जेड़े ए विश्वास करदे न के यीशु मसीह उन्दे बासतै सूली उपर मरया

¹³किके खतना करने आले यहूदी अप्पुं ते कनून उपर नेई चलदे, लेकन थुआड़ा खतना इसै आसतै करना चांदे न के थुआड़ी जिंदु दी आलत उपर घमणड करन।

¹⁴लेकन ऐसा नेई उवै के आऊँ बखरी कुसे गल्लें उपर घमणड करां, सेर्फ साड़े प्रभु यीशु मसीह दी सूली दा, जेस थमां दुनिया मेरी नजर च ते आऊँ दुनिया दी नजर च सूली उपर चढ़ाया गेदा ऐं।

¹⁵किके नां खतना ते नां बिना खतना केछ खास गल्ल ऐ, लेकन पवित्र आत्मा थमां नमीं जिंदड़ी।

¹⁶जिन्नें एस उक्म उपर चलगन उन्दे उपर ते, परमेसर दे इस्राएली लोकें उपर शान्ति ते दया ओंदी रवै।

¹⁷अगें गी कोई मिकी दोख नेई दियै, किके आऊँ यीशु दे दागें गी अपनी जिंदु च ओदे दास आला लेखा फिरना ऐं।

¹⁸ए विश्वासी प्राओ, साड़ी ए प्रार्थना ऐ, के साड़े प्रभु यीशु मसीह दी क्रपा थुआड़ी आत्मा दे कन्ने रवै। आमीन।