Read Dogri इफिसियों 1 Bible Online

इफिसियों 1 - Dogri bible

इफिसियों 1

¹मैं पौलुस जेड़ा परमेसर दी मर्जी कन्ने यीशु मसीह दा प्रेरित ऐ, उनै पवित्र ते यीशु मसीह च विश्वासी लोकें दे नां जेड़े इफिसुस शैर च न,

²ए मेरी प्रार्थना ए के साड़े पिता परमेसर ते प्रभु यीशु मसीह थमां तुसेंगी क्रपा ते शान्ति मिलदी रवै।

³साड़े परमेसर ते प्रभु यीशु मसीह दे पिता दा शुक्र उवै, के परमेसर असेंगी मसीह च सोर्ग दी जगै च, सारी चाली दी आत्मिक आशीष दिती ऐ।

⁴जियां ओसने असेंगी दुनिया गी बनानें थमां पैलैं मसीह च चुनी लेता के अस ओसदी नजर च पवित्र ते बेकसुर ओचै।

⁵ते अपने प्रेम च परमेसर अपनी मर्जी दी पली नीत दे मताबक असेंगी अपने आसतै पैलैं दा चुनी लेता के यीशु मसीह थमां अस ओदे गोद लेते दे पुत्तर ओचै।

⁶के परमेसर दे ओस क्रपा दी मैमा दी स्तुति उवै, जेड़ी ओसने असेंगी अपने प्यारे पुत्तर थमां मोफत च दिती।

⁷असेंगी मसीह च ओदे खून थमां छुटकारा, मतलब पापें दी माफी, परमेसर दी ओस क्रपा दे तन दे मताबक मिली ऐ,

⁸परमेसर ने सारे ज्ञान ते अपनी समझ कन्ने मती सारी साड़े उपर वरकतें दी बरखा ब्राई दी ऐ।

⁹परमेसर ने अपनी मर्जी दा पेद, अपनी पले मकसद दे मताबक असेंगी ए दसया, जिसी मसीह ने अपने आप च पैलैं गै करी लेता हा,

¹⁰के परमेसर अपनी योजना दे मताबक, ओदा बेला पूरा ओनें उपर, जेड़ा केछ सोर्ग च ते तरती उपर ऐ, सब केछ ओ मसीह च एक करै।

¹¹मसीह च अस बी ओदी योजना कन्ने जेड़ा अपनी इच्छा दे मताबक सारा केछ करदा ऐ, पैलैं दे चुने दे ओदी बरास्त बनें।

¹²के असैं यहूदी गीं, जिनैं पैलैं दी गै मसीह उपर आस रखी दी ही, ओदी मैमा दी स्तुति दा कारन ओचै।

¹³ते उसै च तोस बी, जेसलै तुसें सचाई दा वचन सुनया, जेड़ा थुआड़े उद्धार दा शोभ समाचार ऐ, ते जेस उपर तुसें विश्वास कित्ता, बायदा कित्ते दे पवित्र आत्मा दी मोर लगी।

¹⁴परमेसर ने अपनी पवित्र आत्मा असेंगी देने दे कारन, ओदे मुलैं लिते दे लोकें दे छुटकारे आसतै साड़ी जायदाद दा बयाना ऐ, के ओसदी मैमा दी स्तुति उवै।

¹⁵एस आसतै, आऊँ बी ओ विश्वास जेड़ा तोसें लोकें दा प्रभु यीशु उपर ऐ ते सारें पवित्र लोकें लेई प्रेम दा समाचार सुनीयें,

¹⁶थुआड़े आसतै परमेसर दी मेशा शुक्रगुजारी करना नेई छुड़दा, ते अपनी प्रार्थना च तुसेंगी याद करदा रौना ऐं

¹⁷ए मेरी प्रार्थना ऐ, के साड़े प्रभु यीशु मसीह दा परमेसर जेड़ा मैमा दा पिता ऐ, तुसेंगी अपनी समझ दी आत्मा ते ज्ञान दी लो दियै,

¹⁸आऊँ एबी प्रार्थना करना ऐं, के थुआड़े मन दी अखीयाँ जगमग ओंन के तोस सच गी जानी लियो के साड़े बलाए जानें दी आस के ऐ, ते पवित्र लोकें च ओसदी जायदाद दी मैमा दा तन कनया ऐ,

¹⁹ते ओसदी शक्ति साड़े लेई जेड़े विश्वासी न, किन्नी बड़ी ऐ, ओसदी शक्ति दे असर दे ओस कम दे मताबक।

²⁰जेड़ा ओसने मसीह दे बारै कित्ता, के उसी मरें बिचा जिंदा करियै सोर्ग दी जगें च अपनी सज्जी बखी बठाया;

²¹ओस जगै च सब चाली दी प्रधानता ते अख्त्यार, ते शक्ति, ते राज दे, ते अर एक नां दे उपर, जेड़ा नां सेर्फ एस लोक च, लेकन औने आले लोक च बी लीता जाग,

²²ते परमेसर ने सब अख्त्यार ओदे पैरें थलै करी दिता; ते उसी सारीयें चीजें उपर उच्चा बनाईयै कलीसिया गी देई दिता।

²³कलीसिया ओसदी जेंद ऐ, ते मसीह उसै दी परपुरी ऐ, जेड़ा सारें च सारा केछ पूरा करदा ऐ।