Read Dogri इफिसियों 2 Bible Online

इफिसियों 2 - Dogri bible

इफिसियों 2

¹पैलैं ते तुसेंगी परमेसर कोलां नबी जिंदड़ी नेई मिली ही। किके अस अपने पराधें ते पापें दे कारन मरे दे हे

²जिंदे च तोस पैलैं एस दुनिया दे लोकें दी रीति उपर, ते शतान गीं जेड़ा दुष्ट आत्मा मुखिय अम्बर दे अख्त्यार दे मुखीआ मतलब ओस आत्मा दे मताबक चलदे हे, जेड़ा ऊन बी उक्म नेई मनने आलें दे दिलें बेच कम करदा ऐ।

³इंदे च अस बी सारे पैलैं अपनी जिंदु दी खुआशें च देन जुगारदे हे, ते जेंद ते मन दी मर्जी पूरी करदे हे, ते दुए लोकें आला लेखा सवाव थमां गै परमेसर दे गुस्सै दी औलाद हे।

⁴लेकन परमेसर जेड़ा दया दा तनी ऐ, अपने ओस बड्डे प्यार दे कारन जेस कन्ने ओसने साड़े कन्ने प्यार कित्ता,

⁵जेसलै अस पाप दे कारन मरे दे हे, तां असेंगी मसीह दे कन्ने जिंदा कित्ता परमेसर दी क्रपा कन्ने गै थुआड़ा उद्धार ओया ऐ,

⁶ते मसीह यीशु च ओसदे कन्ने उच्चा कित्ता, ते सोर्ग दी जगें च ओदे कन्ने बठाया

⁷के ओ अपनी ओस कृपा कन्ने जेड़ी मसीह यीशु च साड़े उपर ऐ, औने आलें बेलै च अपनी क्रपा दी अनगेनत तन दसै।

⁸किके विश्वास थमां क्रपा कन्ने गै थुआड़ा उद्धार ओया ऐ; ते थुआड़े थमां नेई, वरन परमेसर दा दान ऐ,

⁹ते नां कम्में दे कारन, ऐसा नेई उवै के कोई कमंड करै।

¹⁰किके अस ओदे बनाए दे न, ते मसीह यीशु च उनै पले कम्में आसतै सेरजे गै जिनेंगी परमेसर ने पैलैं गै साड़े करने आसतै त्यार कित्ता।

¹¹एस कारन याद करो, के तोस जेड़े जेंद दी रीति कन्ने दुई जाती दे ओं, ते जेड़े लोग जेंद च अथ्थ दे कित्ते दे खतने थमां खतना आलें आखे जंदे न, ओ तुसेंगी बगैर खतना आले आखदे न,

¹²तोस लोग ओस बेलै मसीह थमां लग्ग, ते इस्राएल दे अपने लोक बनने दे औदे थमां लग्ग कित्ते दे, ते परमेसर दे बायदे दे करार दे पागीदार नेई हे, ते बिना आस दे ते दुनिया च बगैर परमेसर दे हे।

¹³लेकन ऊन मसीह यीशु च तोस जेड़े पैलैं दूर हे, मसीह दे खून थमां कोल ओई गै ओ।

¹⁴किके मसीह साड़ा मेल मलाव ऐ, जेस ने यहूदीयें ते दुई जातीयें गी एक करी दिता ते लग्ग करने आली कंद गी जेड़ी उन्दे दौनी बेच ही टाई दिता,

¹⁵ते ओदा सूलीयै उपर जांन देना मतलब ओ मूसा दे कनून जेसदे उक्म विधियें दी रीति उपर हे, मटाई दिता के यहूदीयें ते दुई जातीयें गी अपने च एक नमीं जाती बनाईयै मेल कराई दियै,

¹⁶ते मसीह ने सूली उपर बैर गी नाश करियै एस थमां दौनी गी एक जेंद बनाईयै परमेसर कन्ने मेल कराया।

¹⁷ते मसीह ने आईयै तुसेंगी जेड़े परमेसर कोलां दूर हे, ते उनेंगी जेड़े कोल हे, यहूदीयें ते दुई जातीयें गी मेल-मलाप दा शोभ समाचार प्रचार कित्ता।

¹⁸किके मसीह थमां गै असैं दौनी गी एक आत्मा च पिता परमेसर दे कोल पौंच ओंदी ऐ।

¹⁹एस आसतै तोस ऊन दुई जाती ते परदेसी, ते मसाफिर नेई रे, लेकन पवित्र लोकें दे एको देश दे रौने आले ते परमेसर दे करे दे बनी गै।

²⁰ते तोस प्रेरितें ते पविख्ब्क्तें दी नीं उपर, जेसदे कोने दा पत्थर अप्पुं यीशु मसीह ऐ, बनाए गेदे ओ।

²¹जेसदे बेच सारी रचना एक कन्ने मिलीयै प्रभु यीशु मसीह च एक पवित्र मन्दर बनदी जंदी ऐ,

²²जेस यीशु च तोस बी आत्मा थमां परमेसर दी रौने आली जगा बनने आसतै एक जोट बनाए जंदे ओ।