Read Dogri इफिसियों 4 Bible Online

इफिसियों 4 - Dogri bible

इफिसियों 4

¹एस आसतै आऊँ जेड़ा मसीह यीशु दी सेवा दे कारन कैदी ऐं थुआड़े कन्ने अर्ज करना ऐं के परमेसर दे जेस बलावे कन्ने तोस बलाए दे हे, ओदे जोग चाल चलो,

²मतलब सारी दीनता ते नम्रता कन्ने, सबर करियै प्यार कन्ने एक दुए दी बर्ताव सैई लियो;

³ते मेल दे बंधन च आत्मा दी एकता रखने दी कोष्ट करो।

⁴असैं सारें गीं एक गै जेंद ऐ, ते एक गै आत्मा; जियां तोस जेड़े बलाए दे हे अपने बलाए जाने दी एक गै आस ऐ।

⁵एक गै प्रभु ऐ, एक गै विश्वास, एक गै पवित्रशनांन,

⁶ते सबनीं दा एक गै परमेसर ते पिता ऐ, जेड़ा सबनीं दे उपर ते सबनीं दे बश्कार ते सारें च ऐ।

⁷लेकन साड़े बिचा अर एक गी मसीह दे दान देनें दे मताबक क्रपा मिली दी ऐ।

⁸एस आसतै पवित्र शास्त्र आखदा ऐ; “ओ उच्चाई उपर चढ़या, ते कैदीयें गी बन्नी लेई गीया, ते मनुक्खें गी दान दिते।”

⁹जदूं पवित्र शास्त्र आखदा ऐ ओदे उच्चाई उपर चढ़ने कन्ने, ते के मतलब निकलदा ऐ सेर्फ ए के ओ पताल च उतरया बी हा।

¹⁰ते मसीह जेड़ा उतरी गीया ए ओऐ ऐ जेड़ा सारे सोर्गें दे उपर चढ़ी बी गीया के सब केछ पूरा करै।

¹¹मसीह ने केईयें गी प्रेरित चुनीयें, ते कईयें गी पविखवक्ता चुनीयें, ते कईयें गी शोभ समाचार सनानेआले चुनीयें, ते कईयें गी राखी करने आले ते शिखया देने आले चुनीयें देई दिता,

¹²जेस छा पवित्र लोग सेध ओई जांन ते सेवा दा कम कित्ता जा ते मसीह दी जेंद तरक्की करै,

¹³जेलै तकर के अस सारे दे सारे विश्वास ते परमेसर दे पुत्तर दी पन्शान च एक नेई ओई जाचै, ते एक सेध मनुक्ख नेई बनी जाचै ते मसीह दे पूरे कद-कोतर तकर नेई बदी जाचै।

¹⁴तां जे अस अगें गी बच्चे नेई रौचै, जेड़े मनुक्खें गी ठगने आली पढ़ाई ते चलाकी कन्ने, उन्दी परमानें आलियें सलाईं गी, ते शिखया गी, अर एक अवै च उडने ते इत्त्थैं-उत्थें कमाए जंदे ओ।

¹⁵वरन प्यार च सचाई कन्ने चलदे ओई सारीयें गल्लें च ओदे च जेड़ा सेर ऐ, मतलब मसीह च बददे जाओ,

¹⁶जेस कन्ने सारी जेंद, अर एक जोड़ दी मदद कन्ने एक जोट ओईयै ते एक गंढ जुड़ियै; ओस असर दे मताबक जेड़ा अर एक अंग दे ठीक-ठीक कम करने थमां ओस च ओंदा ऐ, अपने आप गी बदांदी ऐ के ओ प्यार च तरक्की करदी जा।

¹⁷एस आसतै आऊँ प्रभु दे अधिकार कन्ने ए आखना ऐं ते प्रभु च दस्सी दिनां ऐं के जियां अविश्वासी लोग अपने मन दी खोखली रीति उपर चलदे न, तोस ऊन थमां पी इयां नेई चलो।

¹⁸किके उन्दी बुद्धि मारी गेदी ऐ ते उन्दे अनजान ओने दे कारन ते मन दी कठोरता दे कारन ओ परमेसर दी दिती दी जिंदड़ी थमां लग्ग कित्ते गेदे न;

¹⁹ते ओ सोन्न ओईयै जिंदु दियां खुआशां पूरीयां करने च लगे दे न के सारे चाली दे गंदे कम दियां इच्छ्यां करन।

²⁰लेकन तुसें मसीह दी ऐसी शिखया नेई पाई।

²¹वरन तुसें सच्च-मुच मसीह दी गै सुनी, ते जियां यीशु च सच्चाई ऐ, उसै च सखाए बी गै

²²के तोस पिछले चाल-चालन दे पराने मनुक्ख गी जेड़ा परमाने आली खुआशें दे मताबक प्रष्ट ओंदा जंदा ऐ, अपने उपर दा तुआरी दियो

²³ते पवित्र आत्मा च अपने मन दे आत्मिक सवाव च नमें बनदे जाओ,

²⁴ते नमें मनुक्ख गी अपने मन च पाई लियो, जेड़ा परमेसर दे मताबक सच्चाई दी तार्मिकता, ते पवित्रता च सेरजी गेदी ऐ।

²⁵एसकरी चुठ बोलना छुड़ीयै, अर एक विश्वासी अपने साथी विश्वासियें कन्ने सच्च बोलै, किके अस अप्पुं बिचें एक दुए दे अंग आं।

²⁶गुस्सा ते करो, लेकन पाप मत करो; सूरज डूबने तकर तोस गुस्सै च गै नेई रवो,

²⁷ते नां गै शतान गी तोखा देने दा मौका दियो।

²⁸चोरी करने आला पी चोरी नेई करै, वरन पले कम करने आसतै अपने अथ्थें कन्ने मेंनत करो, एस लेई के जिसी जरुरत उवै, उसी देने आसतै ओदे कोल केछ उवै।

²⁹कोई गंदी गल्ल थुआड़े मुंह चा नेई निकलै, लेकन जरुरत दे मताबक उवै निकलै जेड़ी तरक्की आसतै सेई उवै, तां जे ओस कन्ने सुनने आलें उपर क्रपा उवै।

³⁰परमेसर दी पवित्र आत्मा गी तुन्दे जीनें कन्ने दुखी मत करो, जेस कन्ने थुआड़े उपर छुटकारे दे देन आसतै मोर लाइ गेदी ऐ।

³¹सारी चाली दा कौड़ा मन, ते क्रोप ते गुस्सा, ते जेद, ते निंदया, ते सब किसम बैर-पाव दे समेत थुआड़े चा दूर कित्ते जांन।

³²एक दुए उपर रैंम, ते दया करो, ते जियां परमेसर ने मसीह च थुआड़े पाप माफ़ कित्ते, उयांगै तोस बी एक दुए दे पाप माफ़ करो।