Read Dogri इफिसियों 6 Bible Online

इफिसियों 6 - Dogri bible

इफिसियों 6

¹ए बच्चयो, प्रभु च अपने माता-पिता दे उक्म गी मन्नो, किके ए बाजब ऐ।

²ए परमेसर दा उकुम ऐ के “अपने माता ते पिता दा आदर कर (ए पैला उक्म ऐ, जेसदे कन्ने बायदा बी ऐ),

³के तेरा पला उवै, ते तुगी तरती उपर लमी उम्र थूऐ।”

⁴ए बच्चें आलयो, अपने बच्चें गी गुस्सा नेई चड़ायो, लेकन प्रभु दी शिखया, ते सुधारदे ओई, उन्दा पालन-पोषण करो।

⁵ए दासो, जेड़े लोग दुनिया दे मताबक थुआड़े मालक न, अपने साफ़ मन कन्ने डरदे ते कंवदे ओई, जियां मसीह दा उयांगै उन्दा उक्म मन्नो।

⁶ते मनुक्खें गी खोश करने आलें आला लेखा दसने आसतै सेवा नेई करो, लेकन मसीह दे दासें आला लेखा मन कन्ने परमेसर दी मर्जी उपर चलो।

⁷ते ओस सेवा गी मनुक्खें दी नेई, लेकन प्रभु दी समझीयै सच्चे दिले कन्ने करो।

⁸किके तोस जांनदे ओ, के जेड़ा कोई जियां छैल कम करग, पवें दास उवै, पवें अजाद, प्रभु थमां उसी उवै नया गै प्रतिफल थोग।

⁹ए मालको, तोस बी धमकियां देना छुड़ीयै अपने दासें कन्ने उवै जियां शैल गै सलूक करो; किके तोस जांनदे ओ, के उन्दा ते थुआड़ा दौनीं दा मालक सोर्ग च ऐ, ते ओ कुसे दी तरफदारी नेई करदा।

¹⁰एस आसतै प्रभु च ते ओसदी शक्ति दे असर कन्ने तकड़े बनो।

¹¹परमेसर दे सारे थ्यार कस्सी लियो के तोस शतान दी युक्तियें दा विरोध करी सको।

¹²किके साड़ा ए योद्द खून ते मास कन्ने नेई, लेकन प्रधानें कन्ने, ते अख्त्यार रखने आलें कन्ने, ते एस दुनिया दे न्हेरे दे मुखीयें कन्ने, ते ओस दुष्टता दी आत्मिक सैना कन्ने ऐ जेड़ी अम्बर च ऐ।

¹³एस लेई परमेसर दे सारे थ्यार कस्सी लियो के तोस बुरे दिनें च उन्दा मकाबला करी सको, ते सब केछ पूरा करियै टिके दे रेई सको।

¹⁴एस आसतै सच्च कन्ने अपना लक्क बन्नीयै, ते तार्मिकता दी झेलम लाईयै,

¹⁵ते पैरें च मेल कराने आलियां शोभ समाचार दी त्यारी दियां चपला लाईयै;

¹⁶ते उनै सारें थ्यारें कन्ने विश्वास दा बोर्ज लेईयै टिके दे रवो जेस कन्ने तोस ओस दुष्ट शतान दे सारे जलदे तीरें गी बझाई सको।

¹⁷ते उद्धार दी टोपी, ते आत्मा दी तलवार जेड़ा परमेसर दा वचन ऐ, लेई लियो।

¹⁸अर बेलै ते अर चाली कन्ने आत्मा च प्रार्थना, ते अर्ज करदे रवो, ते जागदे रवो के सारें पवित्र लोकें आसतै लगातार अर्ज करदे रवो,

¹⁹ते मेरे आसतै बी प्रार्थना करो के मिकी बोलने दे बेलै ऐसा इम्त आला वचन दिता जा के आऊँ दलेरी कन्ने शोभ समाचार दा पेद सनाई सकां,

²⁰जेस आसतै आऊँ कैदखाने च सगंलें कन्ने बझे दा राजदूत ऐं; ते एबी के आऊँ ओदे बारै च जे नियां मिकी चाईदा दलेरी कन्ने बोलां।

²¹तुखिकुस, जेड़ा प्यारा प्रा ते प्रभु च विश्वासजोग सेवक ऐ, तुसेंगी सारीयां गल्लां सनाग के तोस बी मेरी आलत जानो के आऊँ कियां रौना ऐं।

²²उसी मैं थुआड़े कोल एस आसतै पेजे दा ऐ, के तोस साड़ी आलत गी जानो, ते ओ थुआड़े मनें गी शान्ति ते हिम्मत दियै।

²³परमेसर पिता ते प्रभु यीशु मसीह थमां प्राऐं गी शान्ति ते विश्वास समेत प्यार मिलै।

²⁴जेड़ा साड़े प्रभु यीशु मसीह कन्ने सच्चा प्यार करदे न, उन्दे सारें उपर क्रपा ओंदी रवै।