Read Dogri फिलिप्पियों 2 Bible Online

फिलिप्पियों 2 - Dogri bible

फिलिप्पियों 2

¹एस आसतै जेकर मसीह च केछ औसला, ते प्रेम कन्ने शान्ति, ते आत्मा दी संगति, ते केछ तरस ते दया ऐ,

²तां मेरा ए नन्द पूरा करो के एक मन रवो, ते एक गै प्यार, एक गै चेत, एक गै वचार रखो।

³अपने मतलब आसतै जां चुठी बड़ाई आसतै केछ नेई करो, लेकन दीनगी कन्ने एक दुए गी अपने थमां बैतर समझो।

⁴अर एक अपने गै फायदे दी नेई, बरना दुए दे फायदे दी बी चेंता करो।

⁵जियां मसीह यीशु दा सवाव हा उयांगै थुआड़ा बी सवाव उवै।

⁶जेस ने परमेसर दे रूप च ओदे ओई बी, परमेसर आला लेखा ओदे ओई बी अपने वश च रखना सेई नेई समझया।

⁷बरना अपने आप गी ऐसा त्यागी दिता, ते दास दा रूप तारण कित्ता, ते मनुक्ख आला लेखा बनी गीया।

⁸ते मनुक्ख दे रूप च परकट ओईयै अपने आप गी दीन करी दिता, ते इत्थैं तकर उक्म मनदा रिया के मौत, आं, सूली दी मौत बी चेली लेई।

⁹एस कारन परमेसर ने उसी इन्ना मान बी कित्ता, ते उसी ओ नां दिता जेड़ा सारें नां थमां बड़ा ऐ,

¹⁰के जेड़े सोर्ग च ते तरती उपर ते तरती दे थलै न, ओ सारे यीशु दे नां अगें मथे टेकन,

¹¹ते पिता परमेसर दी मैमा आसतै अर एक जिभ मन्नी लै के यीशु मसीह गै प्रभु ऐ।

¹²एस आसतै ए मेरे प्यारो, जियां तोस मेशा थमां उक्म मनदे आए ओ, उयांगै ऊन बी नेई सेर्फ मेरे कन्ने रौंदे ओई लेकन खास करियै ऊन मेरे थमां दूर रौने उपर बी डरदे ते कम्बदे ओई अपनी-अपनी मुक्ति दा कम पूरा करदे जाओ,

¹³किके ओ परमेसर गै जेस ने अपने मन दी खुशी क्न्ने थुआड़े च इच्छया ते सेवा दा कम करन लेई, इनें दौनी गल्लें लेई थुआड़े च जोर पांदा ऐ।

¹⁴सारे कम बगैर कुड़कुड़ाए ते बगैर बैस दे करो,

¹⁵तां जे तोस बेकसुर ते पोले बनियै टेड़े ते टीठ लोकें दे बेच परमेसर दे बिना दाग दे बच्चे बने रवो, जिन्दे बेच तोस जिंदड़ी दा वचन लेईयै दुनिया च जलदे दियें आला लेखा लबदे ओ।

¹⁶के मसीह दे देन मिकी कमंड करने दा कारन उवै के नां मेरा दौड़ना ते नां मेरी मेंनत करना बेकार ओई।

¹⁷जेकर मिकी थुआड़े विश्वास रूपी बलिदान ते सेवा दे कन्ने अपना खून बी रूड़ाना पवै, तां बी आऊँ खोश ऐं, ते थुआड़े सबनी दे कन्ने खुशी मनाना ऐ।

¹⁸उयांगै तोस बी खोश उयो, ते मेरे कन्ने खुशी मनायो।

¹⁹मिकी प्रभु यीशु च आस ऐ के आऊँ तीमुथियुस गी थुआड़े कोल फोरन पेजगा, तां जे थुआड़ी आलत सुनीयै मिकी शान्ति मिलै।

²⁰किके मेरे कोल ऐसा सवाव आला कोई नेईयैं जेड़ा साफ़ मन कन्ने थुआड़ी चेंता करै।

²¹किके सारे अपने मतलब दी तलाश बेच रौंदे न, नां के यीशु मसीह दी।

²²लेकन उसी तां तुसें परखया ते जानी बी लेता ऐ के जियां पुत्तर पिता दे कन्ने करदा ऐ, उयांगै ओसने शोभ समाचार गी फलाने आसतै मेरे कन्ने मेंनत कित्ती।

²³एस लेई मिकी आस ऐ के जियां गै मिकी पता लगी जाग के मेरी के आलत ओग, उयांगै आऊँ उसी फोरन पेजी देगा।

²⁴ते मिकी प्रभु च परोसा ऐ के आऊँ अप्पुं बी थुआड़े कोल जल्दी औगा।

²⁵लेकन मैं इपफ्रुदीतुस गी जेड़ा मसीह च मेरा प्रा ते मेरे कन्ने सेवा करने आला दास ते संगी योद्दा ते थुआड़ा सनिया देने आला, ते जरुरत दी गल्लें च मेरी सेवा करने आला ऐ, थुआड़े कोल पेजना जरुरी समझया।

²⁶किके ओसदा मन थुआड़े सबनीं च लगे दा हा, एस कारन ओ दुखी रौंदा हा किके तुसें ओसदी बमारी दा आल सुने दा हा।

²⁷पक्का गै ओ बमार तां ओई गेदा हा, इत्थैं तकर के मरने उपर हा, लेकन परमेसर ने ओदे उपर दया कित्ती, ते सेर्फ ओदे उपर गै नेई लेकन मेरे उपर बी के मिकी बसोस उपर बसोस नेई उवै।

²⁸एस आसतै मैं उसी पेजने दी ओर बी कोष्ट कित्ती के तोस ओदे कन्ने पी मुलाका त करियै खोश ओई जाओ ते मेरा बी बसोस कटी जा।

²⁹एस आसतै तोस प्रभु च ओदे कन्ने बड़ी खुशी कन्ने मुलाका त करयो, ते इयै जें दा आदर करना,

³⁰किके ओ मसीह दी सेवा आसतै अपने प्राणें औती मौत दे कोल आई गेदा हा, तां जे जेड़ी कटी थुआड़ी तरफा मेरी सेवा च ओई उसी पूरा करै।