Read Dogri फिलिप्पियों 3 Bible Online

फिलिप्पियों 3 - Dogri bible

फिलिप्पियों 3

¹एस लेई ए मेरे प्राओ, प्रभु च खोश रवो। उवै गल्लां तुसें बार-बार लिखने च मिकी ते कोई दोख नेई ओंदा, ते एदे च थूआडी पलाई दी राखी ऐ,

²खतरनाक लोकें थमां चकने रवो, बुरे कम करने आलें थमां चकने रवो, ओ लोग जेड़े जिंदु दा खतना चांदे न उन्दे कोलां चकने रवो।

³किके मन दा खतना करने आले तां अस गै ऐ न जेड़े परमेसर दी आत्मा दी अगबाई कन्ने अराधना करनयां न, ते मसीह यीशु उप्पर कमंड करदे आ, ते जिंदु उपर विश्वास नेई करदे।

⁴बेछक आऊँ जिंदु उपर बी परोसा रखी सकना ऐ। जेकर कुसे ओर गी जिंदु उपर परोसा रखने दी सोच उवै, तां आऊँ ओस थमां बी बद रखी सकना ऐं।

⁵अठमें देन मेरी जिंदु दा खतना ओया, इस्राएल दे खानदान, ते बिन्यामिन ते गोत्र दा ऐं; इब्रानियें दा इब्रानी ऐं; मूसा दे कनून दे बारै च जेकर आखो तां फरीसी ऐं।

⁶जोश दे बारै च आखो तां कलीसिया दा सताने आला; ते कनून दी तार्मिकता दे बारै च जेकर आखो तां बेकसुर आं।

⁷लेकन जेड़ीयां-जेड़ीयां गल्लां मेरे फायदे दी हियां, उनै गी गै मैं मसीह दे कारन नुकसान समझी लेता ऐ।

⁸वरन आऊँ अपने प्रभु मसीह यीशु दी पन्शान दी बड़ी गल्ल दे कारन सारीयें गल्लें गी नुकसान समझना ऐं। जेसदे कन्ने आऊँ सारीयें चीजें दा नुकसान चेलां, ते उनेंगी कूड़ा समझना ऐं, तां जे आऊँ मसीह गी आसल करां।

⁹ते मसीही कन्ने ओई जां; ऐसा नेई के अपनी ओस तार्मिकता दे कन्ने, जेड़ी मूसा दे कनून थमां ऐ, वरन ओस तार्मिकता दे कन्ने जेड़ी मसीह उपर विश्वास करने दे कारन ऐ, ते परमेसर उप्पर विश्वास करने कन्ने मिलदी ऐ।

¹⁰तां जे आऊँ ओसदी ते ओसदी मौत दे उपर जै पाने दी शक्ति गी, ते ओदे कन्ने दुखें च शामल ओनें दे पेद गी समझां, ते ओसदी मौत आला लेखा मौत गी आसल करां।

¹¹तां जे आऊँ कुसे बी रीति कन्ने मरें दे बिचा जिंदा ओनें दी गल्ल तकर पूजी सकां।

¹²ए मतलब नेई के आऊँ आसल करी चुके दा ऐं, जां सेध ओई चुके दा ऐं; लेकन ओस चीज गी पकड़ने आसतै दौड़दा जा करना ऐं, जेस आसतै मसीह यीशु ने मिकी पकड़या हा।

¹³ए विश्वासी प्राओ, मेरी पावनां ऐ नेई के आऊँ पकड़ी चुके दा ऐं; लेकन सेर्फ ए एक कम करना ऐं, के जेड़ीयां गल्लां पिछें रेई गेदियां न उनेंगी पुलीयै, अगें दी गल्लें आली बखी बददा,

¹⁴नशानें आली बखी दौड़दा जा नां ऐ, तां जे मिकी नाम थूवै, जेस आसतै परमेसर ने मिकी मसीह यीशु च सोर्ग लेई सदे दा ऐ।

¹⁵एसकरी साड़े बिचा जिनैं सेध न, ईवो सोच रखन, ते जेकर कुसे गल्ल च थुआड़ा ओर गै वचार उवै तां परमेसर उसी बी थुआड़े च परकट करी देग।

¹⁶एस आसतै जिथें तकर अस पूजे दे न, ओसदे मताबक गै चलचे।

¹⁷ए विश्वासी प्राओ, तोस सारे मिलीयै मेरी जेई चाल चलो, ते उनेंगी पन्शानो, जेड़े एस रीति उपर चलदे न जेसदी मसाल तोस साड़े च दिखदे ओ;

¹⁸किके मते सारे ऐसी चाल चलदे न, जिंदी चर्चा मैं थुआड़े कन्ने बार-बार कित्ती ऐ, ते ऊन बी रोई-रोईयै आ आखना ऐ, के ओ अपनी चाल-चालन थमां मसीह दी सूली दे दुश्मन न।

¹⁹उन्दा ऐन्त नाश ओई जाना ऐ, उन्दा ईश्वर टेड्ड ऐ, ओ अपनी बेश्ती दी गल्लें उपर कमंड करदे न, ते तरती दी चीजें उपर मन लाइ रखदे न।

²⁰लेकन साड़ी असली रौने आली जगा सोर्ग ऐ; ते अस एक उद्धारकर्ता प्रभु यीशु मसीह दे उत्त्थुआं दा औने दा इंतजार करै करनयां न।

²¹ओ अपनी शक्ति दे ओस असर दे मताबक जेस थमां ओ सारीं चीजें गी अपने वश च करी सकदा ऐ, साड़ी मिट्टी आली कमजोर जिंदु गी बदलीयै, अपनी मैमा आली जिंदु आला लेखा बनाई देग।