Read Dogri कुलुस्सियों 2 Bible Online

कुलुस्सियों 2 - Dogri bible

कुलुस्सियों 2

¹आऊँ चानां ऐं के तोस जानी लियो, के थुआड़े ते उन्दे लेई जेड़े लौदीकिया शैर च न, ते उनै सबनी लेई जिन्नें मेरा शारीरिक मुंह नेई दिखया, आऊँ कियां मेंनत करना ऐं,

²तां जे उन्दे मनें च इम्त मिलै, ते ओ अप्पुं बिचें प्यार च एक जोट ओईयै रौन, ते ओ ओसदी पूरी समझ दा सारा तन आसल करन, ते परमेसर पिता दे पेद गी मतलब मसीह गी पंछांनी लैंन।

³जेदे च परमेसर दी बुद्धि ते ज्ञान दे सारे पण्डार छपे दे न।

⁴ए आऊँ ए एसकरी आ आखना ऐं, के कोई मनुक्ख तुसेंगी बैसें आलियें गल्लें च फसाईयै तोखा न दियै।

⁵किके जेकर आऊँ जिंदु दे लियाज कन्ने थुआड़े कोलां दूर आं, तां बी आत्मिक लियाज कन्ने थुआड़े कोल आं, ते थुआड़े विधि मताबक चाल-चलन ते विश्वास गी जेड़ा मसीह च ऐ ओदी मजबूती गी दिखियै खोश ओंना ऐं।

⁶एस लेई, जियां तुसें मसीह यीशु गी प्रभु करियै ग्रहण करी लेता ऐ, उयांगै ओदे च चलदे रवो,

⁷ते ओदे च जड़ पकड़दे ते बददे जाओ; ते जियां तुसेंगी सखाया गेदा उयांगै विश्वास च मजबूत ओदे जाओ, ते परमेसर गी मन दी खुशी कन्ने शुक्रगुजारी करदे रवो।

⁸चकने रवो के कोई तुसेंगी ओस खोखले ज्ञान ते बेअर्थ तोखे थमां अपना शकार नेई बनाई लै, जेड़ा मनुक्खें दे रीति रबाज ते दुनिया दी आत्मिक श्क्तितें दे मताबक ऐ, लेकन मसीह दे मताबक नेई।

⁹किके परमेसर दी सारी पर पूरी ओसदी जिंदु च वास करदी ऐ,

¹⁰ते तोस ओदे च परपुर ओई गै ओ जेड़ा सारी प्रधानता ते अख्त्यार दा बड़ा ऐ।

¹¹ओदे विश्वास च थुआड़ा ऐसा खतना ओया ऐ, जेड़ा मनुक्ख दे अथ्थ कन्ने नेई ओंदा, लेकन मसीह दे कित्ते गेदे खतने थमां ओया, जेदे च पाप आली शारीरिक जेंद तुआरी जन्दी ऐ,

¹²ते मसीह दे कन्ने पवित्रशनांन च गाड़े गै, ते मसीह च परमेसर दी शक्ति उपर विश्वास करियै, जेस ने मसीह गी मोड़दें चा चुकया, ते ओदे कन्ने जिंदा बी उवै।

¹³ते ओसने तुसेंगी बी, जेड़े अपने प्रादे, ते अपनी जेंद च खतना नेई कित्ते दी मोड़दा आलत च हे, परमेसर ने असेंगी मसीह दे कन्ने जिंदा कित्ता, ते साड़े सारे पापें गीं माफ़ कित्ता,

¹⁴ते विधि कनून दे लेख ते मदद आले नियम जेड़े साड़े नां च ते वरोध च हे मटाई दिता, ते उनेंगी सूली उपर कीले कन्ने जडियै साड़े सामने थमां अटाई दिता ऐ।

¹⁵ते ओसने प्रधानतायें ते अख्तयारे गी अपने उपरा तुआरीयै उन्दा खुल मखुल्ला तमाशा बनाया ते सूली दे कारन उन्दे उपर जय-जयकार दी बाज दा गाना सनाया।

¹⁶एसकरी खाणे-पीने जां त्यार जां नमें चांन्न, जां यहूदीयें दे बसां दे देन दे बारै च कोई थुआड़ा न्याय नेई करै।

¹⁷किके ए सारे कनून औने आली गल्लें दी परछाओं जेई ऐ, लेकन मनैदी गल्लां मसीह दियां न।

¹⁸कोई मनुक्ख चुठी लीमंगी ते सोर्गदूतें दी पुजा करियै तुसेंगी दौड़ दे फल थमां दूर नेई करै। ऐसा मनुक्ख दिखने आली गल्लें च लगे दा रौंदा ऐ ते अपनी शरीरिक समझ उपर बेकार कमंड करदा ऐ,

¹⁹ए मनुक्ख ओस बड्डे गी जेड़ा यीशु मसीह ऐ पकडे दे नेई रखदा जेदे कन्ने सारी जेंद जोड़े ते पठठें कन्ने तकडी ते एक जोट ओईयै, परमेसर आले पासेगी बददी जन्दी ऐ।

²⁰जेसलै के तोस मसीह दे कन्ने दुनिया दी शुरूआती शिखया थमां मरी गेदे ओ, तां पी की उन्दे आला लेखा जेड़े दुनिया च जिंदड़ी जुगार्दे न? तोस ऐसे नियमें दे बेच बझे दे रौंदे ओ?

²¹के ए नेई छुयां, उसी नेई चखया, ते उसी अथ्थ नेई लायां।

²²(किके ए सारीयां कनून दियां चीजां नां जायज कम च लांदे-लांदे खत्म ओई जागन) किके ए मनुक्खें दे उक्में ते शिख्यें आला लेखा ऐ।

²³इनें नियमें च अपनी मर्जी दे मताबक बनाई दी पक्ति दी रीति, ते चुठी लीमंगी, ते दखावे ते शरीर गीं कष्ट देने आले कम दे लियाज कन्ने ज्ञान दा नां तां ऐ, लेकन जिंदु दियें खुआशें गी रोकने च इंदे चा कुसे दा बी फायदा नेई ओंदा।