Read Dogri कुलुस्सियों 4 Bible Online

कुलुस्सियों 4 - Dogri bible

कुलुस्सियों 4

¹ए मालको, अपने-अपने दासें दे कन्ने सेई न्याय ते बराबरी दा सलूक करो, ए समझीयै के सोर्ग च थुआड़ा बी एक मालक ऐ।

²प्रार्थना च कदें आर नेई मन्नो, ते शुक्रगुजारी कन्ने ओदे च जागें दे रवो;

³ते एदे कन्ने गै साड़े लेई बी प्रार्थना करदे रवो, के परमेसर साड़े लेई वचन सुनाने दा ऐसा मौका दे, के अस मसीह दे ओस पेद दा बयान करी सकचै जेदे कारन आऊँ कैद च आं,

⁴ते उसी ऐसा परकट करां, जियां मिगी करना जायज ऐ।

⁵मौके गी कीमती समझीयै गैर वश्वासीयें कन्ने समझदारी कन्ने सलूक करो।

⁶थूआडी बोली मेशा क्रपा कन्ने ते सलोनी उवै, के तुसेंगी अर मनुक्ख गी सेई तरीके कन्ने जबाब देना आई जा, जेड़ा तोस विश्वास करदे ओ।

⁷प्यारे विश्वासी प्रा ते वश्वासजोग सेवक, तुखिकुस जेड़ा प्रभु च मेरे कन्ने सेवा करने आला ऐ, मेरीयां सारीयां गल्लां तुसेंगी दसी देग।

⁸उसी मैं थुआड़े कोल एस आसतै पेजे दा ऐ, के तुसेंगी साड़े आल दा पता चली जा, ते ओ थुआड़े मनें च औसला दे।

⁹ते ओदे कन्ने मैं उनेसिमुस गी बी पेजे दा ऐ; जेड़ा वश्वासजोग ते प्यारा विश्वासी प्रा ते ओ थुआड़े शैर बिचा गै; ए तुसेंगी इत्थैं दियां सारीयां गल्लां दसी देगन।

¹⁰अरिस्तर्खुस, जेड़ा मेरे कन्ने कैदी ऐ, ते मरकुस जेड़ा बरनबास दा रिश्तेदारी च प्रा लगदा ऐ (जिदे बारै च तुसें सुनया हा के जेकर ओ थुआड़े कोल अवै, तां ओदे कन्ने खरी चाली सलूक करना),

¹¹ते यीशु जिसी यूस्तुस आखया जन्दा ऐ, तुसेंगी नमश्कार बोलदे न। यहूदी विश्वासी लोकें बिचा सेर्फ इयै न जेड़े आदमी परमेसर दे राज दे लेई मेरे कन्ने सेवा दा कम करदे ते मेरी शान्ति दा कारन बने न।

¹²इपफ्रास, जेड़ा थुआड़े शैर बिचा ऐ, ते मसीह यीशु दा दास ऐ, तुसेंगी नमश्कार बोलदा ऐ। ते ओ मेशा थुआड़े लेई प्रार्थना करने दी कोष्ट करदा ऐ, तां जे तोस सेध्द ओईयै पूरे विश्वास दे कन्ने परमेसर दी मरजी उपर टिके दे रवो।

¹³आऊँ ओदा गवाह ऐं, के ओ थुआड़े लेई ते लौदीकिया ते हियरापुलिस दे शैर आलें लेई बड़ी मेंनत ते प्रार्थना करदा रौंदा ऐ।

¹⁴प्यारे वैघ (किम्म) लूका ते देमास दा तुसेंगी नमश्कार।

¹⁵लौदीकिया शैर दे वश्वासी प्राऐं त्र्फुं, ते नुसफास ते उन्दे कर दी कलीसिया गी नमश्कार अख्खो।

¹⁶ते जेलै ए चिट्ठी थुआड़े उत्थें पढ़ी लेती जा, तां ऐसा करयो के लौदीकिया शैर दी कलीसिया च पढ़ी जा, ते ओ चिट्ठी जेड़ी लौदीकिया शैर चा अवै उसी तोस बी पढ़यो।

¹⁷ते पी अरखिप्पुस गी गलायो के जेड़ी सेवा प्रभु च तुगी दित्ती गेदी ऐ, उसी बड़े चकने ओईयै पूरा करयां।

¹⁸आऊँ पौलुस जेड़ा अपने अथ्थ कन्ने ए चिट्ठी च लिखे दे तुसेंगी नमश्कार पेजना। मेरे कैद च कड़ीयें गी जाद रखयो जेदे कन्ने आऊँ बन्ने दा ते मेरे लेई प्रार्थना करयो। थुआड़े उपर परमेसर दी क्रपा ओंदी रवै। आमीन।