Read Dogri 1 थिस्सलुनीकियों 1 Bible Online

1 थिस्सलुनीकियों 1 - Dogri bible

1 थिस्सलुनीकियों 1

¹ए पत्री पौलुस ते सिलवानुस ते तीमुथियुस थमां थिस्सलुनीके शैर दी कलीसिया दे नां ऐ, जेड़े परमेसर पिता ते प्रभु यीशु मसीह च न; क्रपा दे शान्ति तुसेंगी मिलदी रवै।

²अस अपनी प्रार्थना च तुसेंगी याद करनयां ते मेशा थुआड़े सारे दे बारै च परमेसर दा शुक्र करनयां न,

³ते अपने परमेसर ते पिता दे सामने थुआड़े विश्वास दे कम, ते प्यार दी मेंनत, ते साड़े प्रभु यीशु मसीह च आस दी स्बर गी लगातार याद करनयां न।

⁴ए मसीह प्राओ, परमेसर दे प्यारे लोको, अस जानयां के तोस परमेसर थमां ओसदे लोक ओनें आसतै चुने दे ओ।

⁵किके साड़ा शोभ समाचार जेड़ा यीशु मसीह दे बारै च ऐ थुआड़े कोल सेर्फ वचन च गै नेई बरना पवित्र आत्मा दी शक्ति च, ते मते पक्के विश्वास कन्ने पूजे दा ऐ; जियां तोस जांनदे ओ, के अस थुआड़े आसतै थुआड़े च कदें जिए बनी गेदे हे।

⁶तोस मते कलेश च, पवित्र आत्मा दी खुशी कन्ने वचन गी मनियै साड़े ते प्रभु जेई चाल चलना लगे।

⁷इत्थैं तकर के मकिदुनिया अते अखाया लाकें दे सारे वश्वासीयें आसतै तोस नमूना बने।

⁸किके थुआड़े इथुंआं दा नां सेर्फ मकिदुनिया ते अखाया लाकें च प्रभु दा वचन सनाया गीया, लेकन थुआड़े विश्वास दा जेड़ा परमेसर उपर ऐ, अर जगा ऐसी चर्चा फैली गेदी ऐ, के असैं आखन दी लोड़ गै नेई।

⁹किके ओ अप्पुं गै साड़े बारै च सनांदे न के थुआड़े कोल साड़ा औना कियां उआ; ते तोस कियां मूरतीयें थमां पासे ओईयै परमेसर दी बखी फिरे तां जे जिन्दे ते सच्चे परमेसर दी सेवा करो,

¹⁰ते ओसदे पुत्तर दे सोर्ग थमां बापस औने दा एन्तजार करदे रवो जिसी परमेसर ने मरें दे बिचा जिंदा कित्ता, मतलब यीशु गी, जेड़ा असेंगी औने आले प्रकोप थमां बचांदा ऐ।