Read Dogri 1 थिस्सलुनीकियों 2 Bible Online

1 थिस्सलुनीकियों 2 - Dogri bible

1 थिस्सलुनीकियों 2

¹ए विश्वासी प्राओ, तोस अप्पुं गै जानदे ओ के साड़ा थुआड़े कोल औना बेअर्थ नेई ओया,

²बरना तोस अप्पुं गै जांनदे ओ, के पैलैं फिलिप्पी शैर च दोख चेलने ते बेईजती सैने उपर बी साड़े परमेसर ने असेंगी ऐसी इम्त दिती, के अस परमेसर दा शोभ समाचार बड़ा वरोध ओदे ओई बी तुसेंगी सनाचै।

³किके साड़ी शिखया नां पलेखे कन्ने ऐ नां अशोद्ध सोच, ते नां तोखे कन्ने ऐ;

⁴लेकन जियां परमेसर ने असेंगी काबल समझीयै शोभ समाचार सोंपया, अस उयांगै सुनानयां न, ते एस च मनुक्खें गी नेई, लेकन परमेसर गी, जेड़ा साड़े मनें गी जाचदा ऐ, खोश करनयां न।

⁵किके तोस जानदे ओ, के असैं नां ते कदें अपनी सिफ्तें दियां गल्लां करदे न, ते नां लालच आसतै बाना करदे हे, परमेसर गवाह ऐ के अस उवै जे नेई ऐंन;

⁶आलां के मसीह दे प्रेरित ओनें दे कारन थुआड़े कोलां मदद लेने लेई असेंगी आक्क हा, तां बी अस मनुक्खें थमां आदर नेई चांदे हे, ते नां थुआड़े थमां, नां ओर कुसे थमां।

⁷लेकन जियां मा अपने बच्चें दा पालन-पोषण करदी ऐ, उयांगै असैं थुआड़े बेच रेईयै नरमी बरती ऐ;

⁸ते उयांगै अस थुआड़े छा इच्छया करदे ओई, सेर्फ परमेसर दे शोभ समाचार, पर अपना-अपना प्राण बी थुआड़े आसतै देने गी त्यार हे, इसै आसतै के तोस साड़े प्यारे ओई गेदे हे।

⁹किके, ए प्राओ, तोस साड़ी मेंनत ते दोख गी याद रखदे ओ; असैं इसै आसतै रात देन कम तंदा करदे ओई थुआड़े बेच परमेसर दे शोभ समाचार दा परचार कित्ता, के थुआड़े बेच अस कुसे उपर बोझ नेई पाचै।

¹⁰तोस अप्पुं गै गवाह ओ, ते परमेसर बी गवाह ऐ, के थुआड़े वश्वासीयें दे बेच साड़ा सलूक कियां पवित्र ते तर्मी ते बेकसुर रिया

¹¹जियां तोस जानदे ओ, के जियां पिता अपने बच्चें कन्ने सलूक करदा ऐ, उयांगै अस बी थुआड़े च अर एक गी सखांदे, ते औसला दिन्दे, ते समझांदे हे।

¹²के थुआड़ा चाल-चलन परमेसर गी आदर देने दे जोग उवै, जेड़ा तुसेंगी परमेसर दे राज ते मैमा च बलांदा ऐ।

¹³एस लेई अस बी लगातार परमेसर दा शुकर करनयां न, के जेस ले साड़े थमां परमेसर दे शोभ समाचार दा वचन थुआड़े कोल पूजया, तां तुसें उसी मनुक्खें दा नेई लेकन परमेसर दा वचन समझीयै ग्रेण कित्ता; ते ओ थुआड़े च जेड़े मसीह पर विश्वास करदे ओ, कम करदा ऐ।

¹⁴एसकरी तोस, ए प्राओ, परमेसर दी उनै कलीसिया आला लेखा चाल चलन लगे, जेड़े यहूदीया च मसीह यीशु च न, किके तुसेंबी अपने लोकें थमां उवै जेया दोख चलया, जियां उनै दे रौने आलें कोलां चलया हा।

¹⁵जिनैं प्रभु यीशु गी ते पविखवक्तें गी बी मारी दिता ते असेंगी सताया, ते परमेसर उन्दे उपर खोश नेई, ते ओ सारे मनुक्खें दा वरोध करदे न,

¹⁶ते ओ दुई जातीयें गी मुक्ति पाने आसतै साड़े प्रचार दे कम गी रोकदे न, के मेशा पाप दे उपर पाप करदे रे, पर उन्दे उपर परमेसर दा बड़ा क्रोध आई पूजे दा ऐ।

¹⁷ए प्राओ, जेसलै अस थुड़े चेर आसतै मन कोलां नेई वरन प्रकट च, थुआड़े थमां लग ओई गेदे हे, तां असैं बड़ी इच्छया दे कन्ने तुसेंगी दिखने लेई ओर बी मती कोष्ट कित्ती।

¹⁸एसकरी (मतलब मैं पौलुस ने) एक बार नेई वरन बड़ी बार थुआड़े कोल औना चाया, लेकन शतान ने असेंगी रोकी रखा हा।

¹⁹पला साड़ी आस, जां खुशी जां बडयाई दा मोकट कोन ऐ? के साड़े प्रभु यीशु दे सामने ओदे बापस औने दे बेलै, के ओ तोस गै नेई ऐ न?

²⁰साड़ी बड़याई ते खुशी तोस गै न।