Read Dogri 1 थिस्सलुनीकियों 3 Bible Online

1 थिस्सलुनीकियों 3 - Dogri bible

1 थिस्सलुनीकियों 3

¹एस आसतै जेसलै साड़े थमां ओर जादै बर्दाश नेई ओई सकया, तां असैं ए सोचया के एथेंस शैर च कले गै रेई पौचै।

²ते असैं तीमुथियुस गी, जेड़ा मसीह दे शोभ समाचार परचार करने च साड़ा प्रा, ते परमेसर दा सेवक ऐ, एस आसतै थुआड़े कोल पेजया के ओ तुसेंगी विश्वास च मजबूत करै; ते थुआड़े विश्वास दे बारै च तुसेंगी औसला दे,

³के कोई इन्नें कलेशें दे कारन डामा डोल नेई ओई जा। किके तोस अप्पुं गै जानदे ओ, के अस ए दोख सैने आसतै गै चुनें गेदे न।

⁴किके पैलैं बी, जेसलै अस थुआड़े इत्थैं हे, तां थुआड़े कन्ने आखदे रौंदे हे, के असैं विश्वास दी खातर दोख चेलने पौने न, ते ऐसा गै ओया ऐ, जियां के तोस जानदे बी ओ।

⁵एस कारन जेसलै आऊँ एदे कोलां जादै सैन नेई करी सकया, तां थुआड़े विश्वास दा आल जानने आसतै तीमुथियुस गी पेजया, के कुत्ते ऐसा नेई उवै, के परख करने आले शतान ने थुआड़ी परख कित्ती उवै, ते साड़ी मेंनत बेकार ओई गेई उवै।

⁶लेकन ऊन तीमुथियुस ने, जेड़ा थुआड़े कन्ने साड़े इत्थैं आईयै थुआड़े विश्वास ते प्यार दा शोभ समाचार सनाया, ते एस गल्ल गी बी सनाया, के तोस मेशा प्यार दे कन्ने असेंगी याद करदे ओ, ते असेंगी दिखने दी इच्छया करदे ओ, जियां अस बी तुसेंगी दिखने दी।

⁷एस आसतै ए प्राओ, अस अपने सारे दोख ते कलेश बेच थुआड़े विश्वास थमां थुआड़े बारै च तीमुथियुस कोलां सुनीयै के तोस विश्वास च मजबूत ओ, ते असेंगी शान्ति मिली।

⁸किके ऊन जेकर तोस प्रभु च टिके दे रवो तां अस बी जिंदे न।

⁹ते जे नियां खुशी असेंगी थुआड़े कारन अपने परमेसर दे सामने ऐ, ओदे बदलै थुआड़े बारै च अस केस रीति कन्ने परमेसर दा शुकर करचै?

¹⁰अस रात देन मती प्रार्थना करदे रौने न, के थुआड़े मुंह दिखचै ते थुआड़े विश्वास दी कमी घटी गी पूरी करचै।

¹¹ऊन साड़ा परमेसर ते पिता अप्पुं गै ते साड़ा प्रभु यीशु, थुआड़े इत्थैं औने आसतै साड़े आसतै रसता त्यार करै।

¹²ते प्रभु यीशु ऐसा करै, के जियां अस थुआड़े कन्ने प्यार करनयां न, उयांगै थुआड़ा प्यार बी अप्पुं बिचें ते सारे मनुक्खें कन्ने बददा जा, ते तरक्की करदा जा,

¹³तां जे प्रभु यीशु थुआड़े मनें गी ऐसा मजबूत करै, के जेसलै साड़ा प्रभु यीशु अपने सारे पवित्र लोकें कन्ने बापस अवै, तां ओ साड़े परमेसर ते पिता दे सामने पवित्र जिंदड़ी च बेकसुर निकलन।