Read Dogri 1 थिस्सलुनीकियों 5 Bible Online

1 थिस्सलुनीकियों 5 - Dogri bible

1 थिस्सलुनीकियों 5

¹लेकन ए विश्वासी प्राओ, एस दी जरुरत नेई, के बेलै ते कालें दे बारै च थुआड़े आसतै केछ लिखया जा।

²किके तोस अप्पुं ठीक जानदे ओ के जियां राती चोर ओंदा ऐ, उयांगै प्रभु दा दवारा औने आला ऐ।

³जेलै लोग आखदे ओगन, “ऊन ठीक ठाक ऐ, ते केछ डर नेई,” तां उन्दे उपर यकदम वनाश आई पौग, जेस चाली गर्भवती जनांनी गी गर्भ दी पीड़; ते ओ कुसे आलात कन्ने बी ओस कलेश कोलां नेई बचगन।

⁴लेकन ए विश्वासी प्राओ, तोस तां नेरे च नेई ओ, के ओ देन थुआड़े उपर चोरे आला लेखा आई पवै।

⁵किके तोस सारे लोई दी ते देन दी संतान ओ; अस नां रात दे न, ते नां न्हेरे दे न।

⁶एस आसतै असैं दुए लोकें साईं सुते दे नेई रौना पर साड़े अगें-पिछें के चला करदा ऐ, लेकन बिजे दे ते चकने रवो।

⁷किके जेड़े सौंदे न ओ राती गै सौंदे न, ते जेड़े नशे च ओदे न ओ रात गी गै नशे च ओदे न।

⁸लेकन अस जेड़े देन दे न, विश्वास ते प्रेम दी झेलम लाईयै ते उद्धार दे आस दा टोप लाईयै चकने रौचै।

⁹किके परमेसर ने असेंगी गुस्सै आसतै नेई, लेकन एस आसतै रख्या ऐ के अस अपने प्रभु यीशु मसीह थमां उद्धार आसल करी सकचै।

¹⁰यीशु मसीह साड़े आसतै एस कारन मरया, के अस चाए बिजे दे चाए सुते दे रौचै, सारे मिलीयै उसै दे कन्ने जीचै।

¹¹एस कारन एक दुए गी तसल्ली दियो ते एक दुए दी तरक्की दा कारन बनो, जियां के तोस करदे बी ओ।

¹²ए विश्वासी प्राओ, अस थुआड़े अगें अर्ज करनयां न, के जेड़े थुआड़े च मेंनत करदे न, ते प्रभु च थुआड़े अगबें ते तुसेंगी शिखया दिन्दे न, उन्दा आदर करो।

¹³ते उन्दी मेंनत दे कम दे कारन प्यार कन्ने उनेंगी मते गै आदर दे लायक समझो। अप्पुं बिचें मेल मलाप कन्ने रवो।

¹⁴ए विश्वासी प्राओ, अस थुआड़े अगें अर्ज करनयां न के, जेड़े ठीक चाल नेई चलदे, उनेंगी समझाओ, डरपोक गी दलेरी दियो, कमजोरें गी संभालो, सबनी दी बर्दाश करो।

¹⁵दिखो के, कोई कुसे कन्ने बराई दे बदले बराई नेई करै; लेकन मेशा पलाई करने लेई त्यार रवो, अप्पुं बिचें बी ते सबनी कन्ने बी पलाई दी गै कोष्ट करो।

¹⁶मेशा खोश रवो।

¹⁷लगातार प्रार्थना च लगे रवो।

¹⁸अर गल्ल च शुक्र करो; किके थुआड़े आसतै मसीह यीशु च परमेसर दी इयै मर्जी ऐ।

¹⁹पवित्र आत्मा गी नेई बझाओ।

²⁰औने आली गल्लें गी तोच्छ नेई समझो।

²¹सारीयें गल्लें दी परख करो; जेड़ीयां अच्छियाँ न उनेंगी पकडे रवो।

²²अर चाली दी बराई थमां बचे रवो।

²³शान्ति दा परमेसर अप्पुं गै तुसेंगी पूरी रीति कन्ने पवित्र करै; ते थुआड़ी आत्मा, प्राण ते जेंद साड़े प्रभु यीशु मसीह दे बापस औने तकर पूरे ते बेकसुर बनें दे रवो।

²⁴थुआड़ा बलाने आला मानदार ऐ, ते ओ इयां गै तुसें गीं बी मानदार बनाग।

²⁵ए प्राओ, साड़े आसतै प्रार्थना करो।

²⁶सारें विश्वासी प्राऐं गी पवित्र चुमन कन्ने नमस्ते करो।

²⁷आऊँ तुसेंगी प्रभु च अर्ज करना ऐ, के ए चिट्ठी सारें विश्वासी प्राऐं गी पढ़ीयै सनाई जा।

²⁸साड़े प्रभु यीशु मसीह दा क्रपा थुआड़े उपर ओंदा रवै।