Read Dogri 2 थिस्सलुनीकियों 1 Bible Online

2 थिस्सलुनीकियों 1 - Dogri bible

2 थिस्सलुनीकियों 1

¹ए पत्री पौलुस ते सिलवानुस ते तीमुथियुस थमां थिस्सलुनीके शैर दी कलीसिया दे नां ऐ, जेड़े साड़े पिता परमेसर ते प्रभु यीशु मसीह च न।

²मेरी ए प्रार्थना ऐ, के साड़े पिता परमेसर ते प्रभु यीशु मसीह थमां तुसेंगी क्रपा ते शान्ति मिलदी रवै।

³ए विश्वासी प्राओ, थुआड़े बारै च असैं अर बेलै परमेसर दा शुक्र करना चाईदा ऐ, ते ए बाजब बी ऐ, एस आसतै के थुआड़ा यीशु मसीह उपर विश्वास बददा जंदा ऐ, ते एक दुए आसतै थुआड़ा सारें दा प्यार जादै थमां जादै बददा जंदा ऐ।

⁴एस लेई इत्थैं तकर के अस अप्पुं परमेसर दी कलीसिया च थुआड़े बारै च कमंड करनयां न, के बे छक्क तोस परिख्या ते कलेश बर्दाश रौंदे ओ, इनें सारें दुखें च थुआड़ा सबर ते विश्वास परकट ओंदा ऐ।

⁵तोस जेड़ा दोख चला करदे ओ ते तुसेंगी ए दोख परमेसर दे राज बेच दाखल ओनें दे काबल बना करदा ऐ, ए एक सच्चा सबूत ऐ, के परमेसर तार्मिकता कन्ने न्याय करग।

⁶किके परमेसर दे कोल ए न्याय दी गल्ल ऐ, के जेड़े तुसेंगी कलेश दिंदे न, उनेंगी ओदे बदलै च ओ कलेश दे।

⁷ते तोस ऊन, जेड़े कलेश चला दे ओ, साड़े कन्ने ओ चैन तुसेंगी दे; ओस बेलै जेलै के प्रभु यीशु अपने शक्तिशाली सोर्गदूतें दे कन्ने, बलदी अग्गी थमां सोर्ग च परकट ओग,

⁸ते जेड़े परमेसर गी नेई पनछांनदे ते प्रभु यीशु दे शोभ समाचार गी नेई मनदे परमेसर उन्दे कन्ने बदला लैग।

⁹ओ प्रभु दी आजरी कोलां बक्ख ते ओदी शक्ति दी मैमा चा दूर ओईयै मेशा दी सजा पागन।

¹⁰ए ओस देन ओग, जेलै ओ अपने पवित्र लोकें च मैमा दे कन्ने बापस ते सारे विश्वास करने आलें च रांनगी दा कारन ओग; ते तोस उनै लोकें च जिन्नें ओदे शोभ समाचार उपर विश्वास कित्ता।

¹¹एस लेई अस लगातार थुआड़े आसतै प्रार्थना बी करनयां न, के साड़ा परमेसर तुसेंगी ओस बलावे दे जोग समझै, ते पला करने दी अर एक इच्छ्यां ते विश्वास दे अर एक कम गी अपनी शक्ति कन्ने पूरा करै,

¹²के साड़े परमेसर ते प्रभु यीशु मसीह दी क्रपा दे मताबक साड़े प्रभु यीशु दे नां गी थुआड़े च मैमा मिलै, ते तुसेंबी मैमा मिलै, किके तोस ओदे च ओं।