Read Dogri 2 थिस्सलुनीकियों 2 Bible Online

2 थिस्सलुनीकियों 2 - Dogri bible

2 थिस्सलुनीकियों 2

¹ए विश्वासी प्राओ, ऊन असैं अपने प्रभु यीशु मसीह दे औने, ते ओदे कोल अपने कठे ओनें दे बारै च थुआड़े अगें अर्ज करनयां न।

²के कुसे आत्मा, जां वचन, जां चिट्ठी थमां, ए समझीयै, के प्रभु दा औने दा देन कोल आई पूजे दा ऐ, थुआड़ा मन चानक नराश नेई ओई जा ते नां तोस कबराओ।

³किसे बी चाली कुसे दियें गलत गल्लें दे तोखे च नेई आयो, किके ओ परमेसर दा देन नेई औना जेलै तकर लोक तर्म दे खलाफ नेई ओई जान, ते ओ पाप दा पोर्ष मतलब वनाश दा पुत्तर परकट नेई ओई जा।

⁴जेड़ा वरोध करदा ऐ, ओ परमेसर दे खलाफ ते अर एक जिसी लोक परमेसर आला लेखा मनदे न ते उसदी अराधना करदे न, ते ए अपने आप गी सबनी कोलां बड़ा समझदा ऐ, इत्थैं तकर के ओ परमेसर दे मंदर च बेईयै अपने आप गी परमेसर आखदा ऐ।

⁵तुसेंगी चेता नेई, जेलै आऊँ थुआड़े थिस्सलुनीकियों दे शैर च हा, ते थुआड़े कन्ने ए गल्लां मेशा करदा हा?

⁶ते अजां तकर पाप दा पोर्ष परकट नेई ओया, एक चीज जेड़ी उसी रोके करदी ऐ, जेसलै परमेसर दा अपना बेला औग तां ओ पाप दा पोर्ष परकट ओग।

⁷पाप दे पोर्ष दी गोप्त शक्ति अजां बी कम करा करदी ऐ, लेकन ओ अप्पुं परकट नेई ओआ करदा ऐ, एस लेई जेसलै ओ रोकने आला दुनिया चा कढी नेई दिती जाग, ओ रुके दा रौग।

⁸ओसलै ओ पाप दा पोर्ष परकट ओग, जिसी प्रभु यीशु अपने मुंह दी फूक कन्ने मारी ओडग, ते अपनी बापस आनेदी शक्ति कन्ने अग्गी आला लेखा पस्म करी देग।

⁹ओस पाप दे पोर्ष दा औना शतान दी शक्ति दे मताबक सारे चाली दे चुट्ठे चमत्कार, ते चेन्न, ते अद्भोद कम दे कन्ने,

¹⁰ते पाप दे अर चाली दे तोखे च औने आलें गी परमेसर नाश करग; किके उनै सच्चाई दे प्रचार गी खुशी कन्ने ग्रेण नेई कित्ता जेस कन्ने उन्दा उद्धार ओंदा।

¹¹ते इसै कारन परमेसर उन्दे च एक पूरी चाली कन्ने पडकाई देने आली शक्ति गी पेजग के परमेसर उनेंगी बड़ा तोखा खाणे दा कारन बना ते ओ ओस चुठे दा विश्वास करन,

¹²तां जे जिन्नें लोक सच्चाई उपर विश्वास नेई करदे, लेकन अतर्म कन्ने खोश ओदे न, ओ सारे सजा पागन।

¹³ए विश्वासी प्राओ, ते प्रभु दे प्यारे लोको, ए ठीक ऐ, के अस थुआड़े बारै च मेशा परमेसर दा शुक्र करदे रौचै, किके परमेसर ने सृष्टि बनाने थमां पैलैं तुसेंगी चुनी लेता, के पवित्र आत्मा थमां पवित्र बनियै, ते सच्चाई गी तुपियै मुक्ति पाओ,

¹⁴जेस लेई ओनें तुसेंगी साड़े शोभ समाचार सुनाने थमां बुलाया, के तोस साड़े प्रभु यीशु मसीह दी मैमा गी आसल करो।

¹⁵एसकरी ए विश्वासी प्राओ, टिके दे रवो; ते जेड़ीयां-जेड़ीयां गल्लां तुसें पावें वचन जां चिट्ठी थमां साड़े कोलां सिखियां, उनेंगी पकड़ीयै रखो।

¹⁶अस साड़े प्रभु यीशु मसीह दे अगें अप्पुं गै प्रार्थना करनयां, ते साड़ा पिता परमेसर, जेन्नें साड़े कन्ने प्यार कित्ता ते अपनी क्रपा कन्ने मेशा दी शान्ति ते बड़ी आस दिती ऐ,

¹⁷आऊँ प्रार्थना करना, के ओ थुआड़े मनें च शान्ति ते मजबूती रवै, जेड़ीयां अच्छियाँ गल्लां तोस आखदे ते करदे ओ।