Read Dogri 2 थिस्सलुनीकियों 3 Bible Online

2 थिस्सलुनीकियों 3 - Dogri bible

2 थिस्सलुनीकियों 3

¹खीरी च, ए विश्वासी प्राओ, साड़े लेई प्रार्थना करयो, के प्रभु दा वचन तेजी कन्ने अर जगा फलाने दे जोग बनचै, ते उसी मैमा मिलै, जियां थुआड़े च ओया,

²ते साड़े लेई प्रार्थना करो के परमेसर असेंगी बुरे ते दुष्ट लोकें थमां बचा किके मते सारे न जेड़े एस शोभ समाचार उपर विश्वास नेई करदे।

³लेकन प्रभु परोसा करने दे जोग ऐ; ओ तुसेंगी आत्मिक रीति च तकड़ा करग ते दुष्ट शतान कोलां बचाग ते ओ थुआड़ा केछ नुकसान नेई करी सकग।

⁴प्रभु यीशु च थुआड़े उपर असेंगी विश्वास ऐ, के जेड़े-जेड़े उक्म असैं तुसेंगी दिते दे हे, उनेंगी तोस मनदे ओ, ते मनदे बी रौगे।

⁵अस प्रार्थना करनयां, के तोस परमेसर दे प्यार गी समझी सको ते मसीह सतावो च तुसेंगी बचा ते जियां ओस बचाया बी ऐ।

⁶ए विश्वासी प्राओ, अस तुसेंगी अपने प्रभु यीशु मसीह दे नां च उक्म दिनयां न, के तोस अर एक ऐसे प्रा कोलां लग्ग रवो, जेड़ा आलस च रौंदा ऐ, ते ओ ओस शिखया गी नेई मनदा, जेड़ी असैं तुसेंगी दिती दी ऐ।

⁷किके तोस अप्पुं जांनदे ओ, के केस तरीके साड़े आला लेखा चलना चाईदा, किके अस जेसलै थुआड़े कन्ने रौंदे हे, असैं आलस नेई पर कम करदे हे,

⁸ते कुसे दी रुट्टी मोफ्त च नेई खादी, लेकन मेंनत ते कष्ट कन्ने रात देन कम तंदा करदे हे, के असैं थुआड़े कोलां केछ नेई मंगया, के तोस साड़ीयां जरुरतां पूरीयां करो।

⁹ए नेई के असेंगी थुआड़े उपर अख्त्यार नेई, लेकन एस आसतै के अपने आप गी थुआड़े लेई नमूंना बनचै, के तोस साड़े आला लेखा चाल चलो।

¹⁰किके जदू अस थुआड़े इत्थैं रौंदे हे, ओसलै बी इयै उक्म दिन्दे हे, के जेड़ा कोई कम करना नेई चा तां रुट्टी बी नेई खा।

¹¹अस सुननयां न, के किन्नें लोक थुआड़े च आलसी चाल चलदे न, ते केछ कम नेई करदे, लेकन ओ लगातार दुए दे कम च बिगन पांदे न।

¹²ऐसे लोकें गी अस प्रभु यीशु मसीह च उक्म दिनयां ते समझानयां न, के चोप्प चाप कमाई करियै अपनी गै रुट्टी खा करो।

¹³ते तोस, ए विश्वासी प्राओ, पलाई करने च इम्त नेई छुडो, आलां के तोस थक्की बी जंदे ओगे।

¹⁴जेकर कोई साड़ी एस चिट्ठी गी शिखया दी गल्ल गी नेई मन्नें तां ओदे उपर नजर रखो, ते ओदे कन्ने संगति नेई रखो, जेदे कन्ने उसी शर्म आई जा।

¹⁵तां बी ओदे कन्ने बैर नेई रखो, लेकन अपने प्रा आला लेखा उसी समझायो।

¹⁶आऊँ प्रभु दे अगें प्रार्थना करना, के असेंगी शान्ति देने दा कारन जेड़ा परमेसर ऐ, तुसेंगी शान्ति अर बेलै ते अर चाली लगातार दिन्दा रवै। ते ओ थुआड़े सबनी दे कन्ने रवै।

¹⁷आऊँ, पौलुस, अपने अथ्थें कन्ने नमश्कार लिखना ऐं। अर चिट्ठी च मेरा इयै चेन्न ऐ; आऊँ इसै चाली लिखना ऐं।

¹⁸आऊँ प्रार्थना करना ऐं, के साड़े प्रभु यीशु मसीह दी क्रपा थुआड़े सबनी दे उपर ओंदी रवै।