Read Dogri 1 तीमुथियुस 1 Bible Online

1 तीमुथियुस 1 - Dogri bible

1 तीमुथियुस 1

¹आऊँ, पौलुस ए चिट्ठी लिखे करना, मसीह यीशु दा प्रेरित ऐ, साड़े उद्धारकर्ता परमेसर ते मसीह यीशु दे उक्म कन्ने जेदे उपर अस आस रखनयां न,

²आऊँ ए चिट्ठी तीमुथियुस गी लिखे करना, जेड़ा विश्वास च मेरा सच्चा पुत्तर ऐ; आऊँ प्रार्थना करना, के पिता परमेसर, ते साड़े प्रभु मसीह यीशु थमां तुसेंगी क्रपा, ते दया ते शान्ति मिलदी रवै।

³आऊँ तुगी पी आखे करना, ते केछ करने लेई अर्ज कित्ती इफिसुस दे शैर चा मकिदुनिया जाने थमां पैलैं, जियां तुगी पता ऐ, ए तीमुथियुस इफिसुस शैर च केछ गलत शिखया देने आले लोक न, ओ लगातार बजुर्गें दियां लमींयां-लमींयां कानीयां ते चुट्ठियां शिखयां दिन्दे न, जेलै आऊँ मकिदुनिया लाके गी इफिसुस शैर चा गीया हा, मैं तुगी आखया हा, के इफिसुस दे शैर च रेईयै उनै लोकें गी ओस चुठी शिखया लेई मन्ना कर, ऐसी शिखया थमां लोक बैस करदे न, ते एस कोलां पता चलदा, के ओ परमेसर थमां नेई, ओ ओस सेवा गी सेर्फ परमेसर दे उपर परोसा करियै करी सकदे न।

⁴

⁵मेरे उक्म देने दा कारन ए ऐ, के शोद्ध मन ते अच्छी अन्तर आत्मा, ते बिना कपट दे विश्वास कन्ने प्यार पैदा उवै।

⁶सच्ची शिखया गी छुड़ीयै किन्नें लोक बेफजूल गल्लें आली गलत शिखया आली बक्खी पडकी गै न,

⁷ते मूसा दे कनून दी शिखया देने आले शास्त्री बननां चांदे न, लेकन ओ ओस शिखया गी जांनदे बी नेई जिसी ओ फकर कन्ने दुए गी सखानें दी कोष्ट करदे न।

⁸लेकन अस जांनयां न, के जेकर मूसा दे कनून दी जरुरत बी नेई ऐ, जेकर कोई कनून गी ठीक तरीके कन्ने कम च ला तां पली गल्ल ऐ।

⁹अस जाननयां न, के मूसा दा कनून तरमी मनुक्ख आसतै नेई लेकन बेतर्मियें, उक्म नेई मननें आलें, पक्ति हिनें, पापीऐं, अपवित्रें ते अशोद्ध मनुक्खें, अपने मां-प्यो दा कत्तल करने आलें, दुए दा बी कत्तल करने आलें,

¹⁰ब्यभिचारयें, मडदगामीयें, मनुक्ख दे बेचने आलें, चुठे बोलने आलें, ते चुठी कसम खाणे आलें, ते इनेंगी छुड़ीयै खरी शिखया दे सारे विरोधीयें दे लेई बनाई गेई ऐ।

¹¹इयै बड्डे तन्न परमेसर दी मैमा ओस शोभ समाचार दे मताबक ऐ, जेड़ा दुए गी सुनानें लेई मिगी सौप्या गेदा ऐ।

¹²आऊँ अपने प्रभु मसीह यीशु दा जेस ने मिगी एस जोग बनाया ऐ, शुक्र करना ऐं, के ओनें मिगी विश्वासजोग समझीयै अपनी सेवा दे लेई चुनयां।

¹³आऊँ तां विश्वासी बननें थमां पैलैं निंदया करने आला, ते मसीही वश्वासीयें गी सताने आला, ते उन्दे उपर जोलम करदा हा; विश्वास च औने थमां पैलैं मिगी समझ नेई ही, के आऊँ के करै करा नां ऐं, पी बी परमेसर ने मेरे उपर दया कित्ती, किके मैं बिना विश्वास दी आलत च बगैर समझ बूझ दे ए कम कित्ते हे।

¹⁴ते साड़े प्रभु ने लगातार मेरे उपर बड़ी गै क्रपा कित्ती ते ओसने मिगी विश्वास दित्ता ते मेरे कन्ने प्यार कित्ता किके आऊँ मसीह यीशु कन्ने जुड़या गेदा हा।

¹⁵ए गल्ल सच्च ते पूरी चाली कन्ने मनने ते विश्वास करने दे लायक ऐ, के मसीह यीशु असैं पापीऐं गी बचाने आसतै दुनिया च आया, जेदे च सारें छा बड़ा पापी आऊँ आं।

¹⁶लेकन मेरे उपर मसीह यीशु ने दया कित्ती, ओ दसना चांदा हा, के ओसने केस चाली सबर करियै मिगी माफ़ कित्ता, आऊँ जेस ने सारें थमां जादै पाप कित्ता, ओ एक मसाल उनै लोकें आसतै बना जिन्नें विश्वास करना ते मेशा दी जिंदड़ी पानी ऐं उन्दे लेई एक नमुनां बना।

¹⁷ऊन मेशा दा राज करने आला राजा, मतलब मेशा आसतै रौने आला, अनदिखा एक गै परमेसर दा आदर ते मैमा जोग-जोग ओंदी रवै। आमीन।

¹⁸ए पुत्तर तीमुथियुस, ए दायतां जेड़ीयां आऊँ दया नां ऐं; उनै पविख्ब्क्तें दियें पविख्वानीयां जेड़ीयां तेरे आसतै नबीयें कित्तियां हां उनेंगी चेता कर, उनै गल्लें गी तुं थ्यार आला लेखा चुठी शिख्यें दे खलाफ लड़ने लेई कम च ला,

¹⁹केछ लोकें प्रभु गी साफ़ मन कोलां मननां छुड़ी दिते दा ऐ, ते ओदा नतीजा ए ऐ, के उनै जादै चेर तकर मसही उपर विश्वास नेई करना, एस तरीके उन्दा विश्वास रूपी चाज डूबी गीया।

²⁰उन्देचा हुमिनयुस ते सिकन्दर ऐ, जिन्नें गी मैं शतान दी शक्ति दे अथ्थ सौंपी दिता ऐ, तां जे ओ परमेसर दी निंदया करना नेई सीखन।