Read Dogri 1 तीमुथियुस 3 Bible Online

1 तीमुथियुस 3 - Dogri bible

1 तीमुथियुस 3

¹ए गल्ल सच्च ते अर चाली मननें दे लायक ऐ, के जेड़ा कलीसिया दा अगबा ओना चांदा ऐ, ओ पले कम करने दी इच्छ्यां करदा ऐ।

²एसकरी, ए जरुर ऐ, के अगबें पले कम करने आला ओना चाईदा, के ओ कलीसिया दा खयाल करने आला, ते अच्छी जिंदड़ी जिनैं आला, मतलब दुवे ओदे च कोई कमी नेई दिखी सकन, ते एक गै करेआली आला, अपने आप गी साम्बनें आला, ते अर गल्ल च अपने आप गी काबू करने आला, लोकें थमां आदर जोग, प्रौंन गीदी आसतै त्यार रौने आला, ओ परमेसर दा वचन खरी चाली सखाने दे जोग ओना चाईदा।

³ओ शराव पीने जां मार कोट्ट करने आला नेई उवै; बरनां पला मांनस उवै, नां चगडा करने आला, नां पैसे-तेले दा लालच करने आला उवै।

⁴अपने परिवार गी चंगी चाली चलाने आला ओना चाईदा, अर गल्ल च ओदी मननें लेई अपने बाल बच्चें गी आदर मांन कन्ने सखाने आला ओना चाईदा।

⁵एक आदमी अपने परिवार गी कियां चलानां नेई जानदा, तां पी ओ परमेसर दी कलीसिया दी कियां रख्या करग?

⁶पी ओ कोई नमां विश्वासी नेई ओना चाईदा, ऐसा नेई उवै, के ओ कमणडी ओई जा ते उसी उवै सजा मिलै, जेड़ी शतान गी मिली ही।

⁷ते गैर वश्वासीयें च ओदा नां अच्छा ओना चाईदा, ऐसा नेई उवै, के लोक ओदे बारै च बुरा आखन, जां शतान दे फा च फसी जा; जियां लोक डंगरे गी फा च फसांदे न।

⁸इयां गै सेवक आदर लेनें दे जोग ओना चाईदे, ओ गल्लां पूरीयां करने आले ओना चाईदे जेड़ीयां ओ आखदे न, नां शराबी, ते ओ तोखा देईयै पैसें दे लालची नेई ओना चाईदे;

⁹लेकन ओ लगातार सच्चे संदेश उपर विश्वास करने आले, जेड़ा परमेसर ने उन्दे उपर शोद्ध अन्तर आत्मा कन्ने परकट कित्ते दा ऐ।

¹⁰ओ सेवक बनने थमां पैलैं जाचै जांन, के उन्दे च अच्छे गोण ऐंन जां नेई, ओस बेलै उन्दे च गलती नेई निकलै, तां ओ सेवकें दा कम करन।

¹¹इसै चाली उन्दिआं करेआलियाँ बी आदर दे जोग ओना चाईदीयाँ; दुए उपर दोष लानें आलियां नेई ओंन, लेकन जलद बाजी च गुस्सा करने च सावधान ते अर गल्ल ते अर आलत च पूरी चाली प्रोसेमन्द ओना चाईदीयाँ।

¹²सेवक अपनी करेआलीयें आसतै मांनदार ते बाल बच्चें दी अच्छी देख-पाल ते पूरे टब्बरै आसतै अच्छा बंधोबस्त करने आले ओंन।

¹³किके जेड़े सेवक दा कम खरी चाली कन्ने करी सकदे न, ओ अपने आसतै लोकें थमां आदरमान ते अपना विश्वास जेड़ा मसीह यीशु उपर ऐ, दुए गी बड़ी दलेरी कन्ने सनां सकदें न।

¹⁴आऊँ तेरे कोल जल्दी औने दी आस रखने उपर बी ए गल्लां तुगी एसकरी लिखे करना ऐं,

¹⁵के जेकर मेरे औने च चेर ओई जा, तां तू समझी लियां, के परमेसर दे लोक ओनें दे नाते असैं कियां जीनां चाईदा, जेड़े अस जिंदे परमेसर दी कलीसिया न, ए विश्वास एस सच्ची शिखया गी पकड़ीयै ते थमीयै रखन, जियां एक कोठी दी मनैद, ते थम्म अप्पुं पिछें जुड़े दे ओदे न।

¹⁶ते एदे च कोई छक्क नेई, के गैरी शिखया दा सच्चा संदेश जेड़ा परमेसर ने लोकें उपर परकट कित्ता मतलब, मसीह जेड़ा जिंदु च परकट ओया, एसकरी पक्का ओंदा ऐ, के पवित्र आत्मा थमां परमेसर दा पुत्तर ओईयै आया, सोर्गदूत गी लबया, लोकें दुई जातीयें च ओदा प्रचार कित्ता, दुनिया च ओदे उपर विश्वास कित्ता गीया, ते सोर्ग दी मैमा च ओ चुकया गीया।