Read Dogri 1 तीमुथियुस 4 Bible Online

1 तीमुथियुस 4 - Dogri bible

1 तीमुथियुस 4

¹लेकन पवित्र आत्मा साफ-साफ़ आखदा ऐ, के ऐन्त दे बेलै किन्नें लोक मसीह शिखयां उपर विश्वास करना बन्द करी देगन, ओ बुरियें आत्में दी मन्नीयै, जेड़ीयां उनेंगी गलत रस्ते च लेई जंदियां ते दोष्टआत्मायें दी चुठी शिख्यें उपर विश्वास करन लगी पौगन।

²ओ चुठी शिखया देनें आले तोखा देने ते चुठ बोलने आले कपटी ओगन उनेंगी पता नेई चलग, के ओ गलत जां ठीक करै करदे न, इसै चाली उनेंगी ए मसूस नेई ओंदा जेलै कोई उन्दी जेंद गर्म लोए कन्ने छुऐ।

³ऐसे लोक शिखया दिन्दे, के शादी करना गलत गल्ल ऐ ते अर किसम दी रुट्टी नेई खानी लेकन परमेसर ने ए रुट्टी वश्वासीयें आसतै बनाई जेड़े एस सच्ची शिखया गी जांनदे के शुक्र करियै खाई जंदी ऐ।

⁴किके परमेसर दी सेर्जी गेदी अर एक चीज अच्छी ऐ, ते अर चीज गी खाणा परमेसर पला पांदा ऐ; लेकन ए के शुक्र करियै खादी जा;

⁵किके परमेसर दे वचन ते प्रार्थना कन्ने परमेसर गी पली ते खाणे लेई शोद्ध ओई जंदी ऐ।

⁶जेकर तू विश्वासी प्राऐं ते पैनें गी इनें गल्लें दी शिखया दिंदा रौगा, तां मसीह यीशु दा अच्छा सेवक बनगा; ते परमेसर तेरा बी पालन-पोषण एस आसतै करग के तुं विश्वास ते ओस अच्छी शिखया दी गल्लें गी मनदा आया ऐं।

⁷लेकन अशोद्ध ते मनुक्खें थमां बनाई दी कानीयें कोलां पूरी चाली दूर रो ते उनै कानीयें कन्ने परमेसर दा आदर नेई ओंदा ते परमेसर पक्ति च जीनें लेई अपने आप गी त्यार कर।

⁸किके जिंदु गी तकड़ा करने कन्ने जिंदु गी गै फायदा ओंदा ऐ, लेकन परमेसर पक्ति सारीयें गल्लें च फायदा ऐ, किके ए नाम आसतै बायदा करदी, एसलै जे अस जिंदे ओं।

⁹ए गल्ल सच्च ते अर चाली कन्ने मननें दे जोग ऐ।

¹⁰किके अस एस जिंदड़ी आसतै नेकां कोष्ट ते मेंनत करनयां किके अस जिंदे परमेसर उपर आस रखनयां न, जेड़ा सारे लोकें गी मुक्ति देने आला, खास कर जेड़े ओस उपर विश्वास करदे न।

¹¹वश्वासीयें गी इनें गल्लें दी शिखया ते मननें लेई आखदा रो।

¹²एस चाली सलूक कर, के कोई तुगी बदनाम नेई करै किके तुं जवान ऐं; किके वश्वासीयें आसतै तेरा वचन, तेरा सलूक, तेरा दुए आसतै प्यार, तेरा मसीह उपर परोसा, ते तेरी पवित्र जिंदड़ी अच्छा नमुनां ओना चाईदी।

¹³जेलै तकर आऊँ नेई अमां, तां जेलै संगत किठी ओंदी, तुं उच्ची बाज बेच वचन पढ़, संगत गी औसला ते शिखया ते वचन दा मतलब खोलियै दसदा रो।

¹⁴ओ वरदान जेड़ा तुगी मिले दा ऐ, ते चेता कर जेसलै कलीसिया दे अगबें तेरे उपर अथ्थ रखियै प्रार्थना कित्ती ते परमेसर ने उनेंगी तेरे बारै आखया, उसी ईयां गै नेई समझ।

¹⁵इनें गल्लें गी लागू कर ते उन्दे लेई अपने आप गी पूरी चाली सौंपी दे, तां जे अर कोई तुगी विश्वास च अगें बददे दिखी सकै।

¹⁶चकना रो के तुं कियां जीनां ते दुए गी के सखानां ऐं, एदा ए नतीजा ओंना, के तेरे थमां तुं ते तेरी शिखया सुननें आले परमेसर दे न्याय कोलां बची जागन।