Read Dogri 2 तीमुथियुस 1 Bible Online

2 तीमुथियुस 1 - Dogri bible

2 तीमुथियुस 1

¹आऊँ पौलुस थमां ए चिट्ठी, परमेसर दी मर्जी ते मसीह यीशु दा प्रेरित ओनें लेई चुनयां, के मेशा दी जिंदड़ी जेड़ी यीशु मसीह उपर विश्वास करने थमां ऐ, शोभ समाचार दा प्रचार करां,

²ए चिट्ठी मेरे प्यारे आत्मिक पुत्तर तीमुथियुस दे नां ऐ; आऊँ प्रार्थना करना के पिता परमेसर ते साड़े प्रभु मसीह यीशु थमां तुगी क्रपा ते शान्ति मिलदी रवै।

³जेसलै आऊँ परमेसर अगें प्रार्थना करना, तां थुआड़े नां लेईयै परमेसर दा शुक्र करना ऐं, आऊँ ओस परमेसर दी ते साड़े बजुर्ग शोद्ध अन्तर आत्मा कन्ने सेवा करदे हे,

⁴आऊँ ओस गल्ल दा चेता करना, के तुं कियां अथरूऐं कन्ने रौंदा हा, जेलै आऊँ तेरे कोलां विदा ओया हा, एसकरी आऊँ तेरे कोल औने दी खुआश रखना, के खोश ओई जां।

⁵मिगी तेरे ओस नेष्खपट विश्वास दा चेता ओंदा ऐ, जेड़ा पैलैं तेरी मा यूनिके च ते तेरी नांनी लोईस च हा, ते मिगी यकीन ऐ के तेरे च बी ऐ।

⁶एसकरी आऊँ तुगी चेता कराना के तू परमेसर दे ओस वरदान गी जेड़ा तुगी मेरे अथ्थ रखने थमां मिलया हा, तेरे च मगदा रवै।

⁷किके परमेसर ने असेंगी डरने दा नेई लेकन दलेरी दा देल दिते दा ऐ, तां जे अस दुए कन्ने प्यार, ते बर्दाश करने दा मन दिते दा ऐ।

⁸एसकरी दुए लोकें गी शोभ समाचार सनानें च शर्मिंदा नेई ओ, नां गै मेरी कैदखाने दी सेवा लेई शर्मिंदा ओ, बजाए एदे ओस शक्ति कन्ने जेड़ी परमेसर ने तुगी दिती दी ऐ, शोभ समाचार दी खातर मेरे कन्ने दुखें दा पागीदार ओ।

⁹जेन्नें असेंगी उद्धार दिता, ते पवित्र जिंदड़ी जिनैं लेई बलाया, ते ओसने असेंगी एस लेई नेई चुनयां के असैं पले कम कित्ते; लेकन अपनी जोजनां ते मकसद ते ओस क्रपा दे मताबक, दुनिया रचने थमां पैलैं दी जोजनां च अपनी क्रपा दसी, के मसीह यीशु गी दुनिया च साड़े बासतै पेजया के ओ जांन दे,

¹⁰लेकन ऊन साड़ा मुक्तिदाता मसीह यीशु परकट ओया, ते अपनी क्रपा दसी ओसने मौत दी शक्ति नाश कित्ती, ते अपने शोभ समाचार थमां परकट कित्ता जेदे च मेशा दी जिंदड़ी ऐ।

¹¹जेदे लेई आऊँ प्रचार करने आला, ते प्रेरित, ते ओस शोभ समाचार दी शिखया देने आला बी चुनयां।

¹²मसीह यीशु दे संदेश दे खातर आऊँ कैदखाने च दोख चेलै करना, लेकन शर्मिंदा नेई ओंदा, किके, मेरा ओदे कन्ने रिश्ता ऐ, ते मिगी पक्का पता ऐ, ओदे बापस औने तकर मसीह मेरी रख्या करने दे जोग ते मेरी रख्या कित्ती दी बी ऐ।

¹³जेड़ी सच्ची शिखया तो मेरे कोलां सुनी, उसी सम्बालीयै रख ते ओदे च नमुनां बन, ए विश्वास ते प्रेम थमां कर किके तुं मसीह यीशु कन्ने जुड़े दा ऐं।

¹⁴यीशु मसीह दे शोभ समाचार दी राखी कर, जेड़ा तुगी पवित्र आत्मा दी शक्ति थमां मिले दा ऐ।

¹⁵तू जाननां ऐं, के आसिया लाके दे रौनें आले मते विश्वासी मिकी छुड़ी चुकी दे न, जिन्दे चा फूगिलुस ते हिरमुगिनेस ऐ न।

¹⁶उनेसिफुरुस दे कराने उपर प्रभु दया करै, किके ओसने न मती बारी मिगी औसला दित्ता, ते मेरे कैदखाने च औने लेई शर्मिंदा नेई ओया।

¹⁷लेकन जेलै ओ रोम दे शैर च आया, ते बड़ी कोष्ट कन्ने तुपियै मिगी मिलया।

¹⁸प्रभु करै, के न्याय दे देन ओदे उपर दया उवै। ते तुगी अप्पुं गै पता ऐ, के इफिसुस दे शैर च ओनें मेरे आसतै सेवा च के, के मदद कित्ती ही।