Read Dogri 2 तीमुथियुस 2 Bible Online

2 तीमुथियुस 2 - Dogri bible

2 तीमुथियुस 2

¹एसकरी ए मेरे पुत्तर तीमुथियुस, तू ए जांनदे ओई अपने आप गी औसला दे, के परमेसर ने तेरे उपर जेड़ी क्रपा कित्ती, ओ मसीह यीशु थमां ओई ऐ,

²ते जेड़ी मसीह दी शिखया दा संदेश मते लोकें सामनें तो मेरे कोलां सुनया एस लेई आऊँ चानां के इयै संदेश दुए वश्वासीयें गी जिन्दे उपर तुगी परोसा ऐ, उनेंगी सखा, ते ओ बी इयै संदेश ओरनी गी सखानें दे लायक ओई जांन।

³मसीह यीशु दे अच्छे योद्दे आला लेखा मेरे कन्ने दोख चाल।

⁴जेलै कोई योद्दा फौज बेच लड़ाई उपर जंदा ऐ, ओस बेलै ओ ओर कोई दुनिया दा कम नेई करदा, किके ओ अपने कोलां बड्डे गी खोश करना चांदा ऐ।

⁵इयां गै, जेलै ओ ओरनी कन्ने दौड़ च दौड़दा ऐ, जेकर ओ विधि दे मताबक नेई दौडै, तां उसी नाम नेई मिली सकदा।

⁶जेड़ा करसान मेंनत करीय कम करदा ऐ, ओ फसल दा पैला आक्दार ऐ।

⁷जेड़ीयां गल्लां मैं तुगी सखाईयां, उन्दे उपर त्यान दे ते प्रभु तुगी इनें गल्लें दी समझ दियै।

⁸यीशु मसीह गी लगातार जाद कर के ओ कोन ऐ, जेड़ा दाऊद दे खांनदान बिचा आया, ते परमेसर ने उसी मोड़दें चा जिंदा कित्ता; ते इयै शोभ समाचार जेदा आऊँ प्रचार करना ऐं।

⁹परमेसर दी खातर आऊँ मोलजम आला लेखा दोख चलया करना, इत्त्थैं तकर के कैदखाने बेच बी ऐं; लेकन मसीह दे शोभ समाचार गी सुनानें लेई कोई रोक्की नेई सकदा।

¹⁰एसकरी आऊँ लोकें लेई सारे दोख चलया करना, जेस लेई परमेसर ने मिगी चुने दा ऐ, तां जे ओ मसीह यीशु उपर विश्वास करन, ते मुक्ति पांन, ते ओस मैमा गी जेड़ी मेशा दी ऐ।

¹¹ए गल्ल पूरी चाली मनने ते विश्वास करने दे जोग ऐ, के जेकर ओदे कन्ने साड़ी मौत ओई ऐ, तां अस ओदे कन्ने जिंदे बी रौगे गै।

¹²जेकर अस ओदी खातर दोख बर्दाश रौगे, तां ओदे कन्ने राज बी करगे; जेकर अस ओदा इन्कार करगे, तां ओ बी साड़ा इन्कार करग।

¹³जेकर अस मसीह लेई मांनदार नेई ओगे, तां बी ओ साड़े लेई मांनदार बने दा रौंदा ऐ, किके ओ आपे अपने आप दा इन्कार नेई करी सकदा।

¹⁴वश्वासीयें गी ए गल्लां सखा, जेड़ीयां गल्लां मैं सखायां उनेंगी सिखने लेई कोई विश्वासी रेई नेई जा; प्रभु गी आजर समझदे ओई उनेंगी अदायत दे, के तोस बे मतलबी गल्लें उपर बैस मत्त करो इंदा कोई फायदा नेई ओंदा लेकन सुननें आलें आसतै नकसान दा कारन ओंदा ऐ।

¹⁵तुं जादै कोलां जादै मेंनत करने दी कोष्ट कर, तां जे तुं परमेसर गी ग्रेनजोग ओनें आला, कम करें जेड़ा शर्मिंदा नेई ओंदा, ते सेई तरीके कन्ने परमेसर दे सच्चे संदेश गी सखा।

¹⁶लेकन अशोद्ध ते खाली बैसें कोलां दूर रवो; यानी के बेफजूल बैस आलियें गल्लें गी नेई सुनयां, इंदे कोलां परमेसर दा आदर नेई ओंदा ऐ, ते ऐसीयां गल्लां परमेसर थमां दूर ओनें दा कारन ओदीयां न,

¹⁷उन्दिआं गल्लां फैली जंदियां ते एक देन सुननें आलें दा विश्वास नाश ओई जंदा ऐ, जिंदे चा हुमिनयुस ते फिलेतुस न,

¹⁸उनै सच्चाई उपर विश्वास करना छुड़ी दिते दा ऐ, ओ आखदे परमेसर ने पैलैं दा गै मरें दे वश्वासीयें गी मेशा दी जिंदड़ी आसतै जिंदा करी दिते दा ऐ, एदा नतीजा ए ऐ, के ओ मते सारे वश्वासीयें गी विश्वास करने कोलां रोका करदे न।

¹⁹तां बी परमेसर दे लोक एक नीं आला लेखा न, जेड़ी कदें अलदी नेई, एस नीं उपर ए गल्लां लिखीयां गेईयां; “परमेसर अपने लोकें गी जांनदा ऐ” ते “जेड़े बी परमेसर दी राधनां करदे, ओ बराई थमां बचे दे रौंदे न।”

²⁰बड्डे कर च नां सेर्फ सुन्नें-चांदी दे पांढे ओदे, लेकन काठ ते मिट्टी दे पांढे बी ओदे न; केई-केई आदरे, ते केई-केई बे आदरे ओदे न।

²¹इयां गै, जिन्नें वश्वासीयें अपने आप गी इनें बुरियें गल्लें थमां बक्ख कित्ते दा ऐ, तां ओ कीमती पांढे आला लेखा जिसी आदर आली जगा कम च लाया जंदा ऐ, उंदी जिंदड़ी उन्दे मालक गी कम औने आली ओंदी ऐ।

²²एसकरी, पाप आली गल्लें छा दूर रवो, जेदे च जवान लोक फसदे न; ते जेड़े शोद्ध मन थमां प्रभु दा नां लैंदे न, उन्दे कन्ने तरम, ते विश्वास, ते प्रेम, शोद्ध मन थमां राधनां करने आलें कन्ने मेल-मलाप रख।

²³लेकन मुर्खता ते धुरे ज्ञान दे बैस-मुयासें थमां लग्ग रवो, किके तू जाननां ऐं, के इंदे थमां चगड़े पैदा ओदे न।

²⁴प्रभु दे दास गी चगड़ालू नेई ओना चाईदा, लेकन ओ सारे दे लेई क्रपा करने आला, परमेसर दा वचन सखाने दा गुनी ते दुए लोकें लेई स्बर करने आला ओना चाईदा।

²⁵जेड़े ओदे खलाफ ओदे, उनेंगी दीनगी कन्ने सुधारने आला ओना चाईदा, शतान ने उनेंगी अपने जाल बेच फसाएदा ते ओ ओदी सुनदे न, लेकन शायद परमेसर उन्दी मदद करै, के ओ तोवा करन ते सच्चाई गी पंछानीं लैंन।

²⁶ते ओ एस सच्चाई च ते शतान दे कब्जे कोलां बची जांन, जेनें उनेंगी तोखे च रखे दा ते उन्दे कोलां गलत कम करांदा ऐ।