Read Dogri 2 तीमुथियुस 3 Bible Online

2 तीमुथियुस 3 - Dogri bible

2 तीमुथियुस 3

¹आऊँ के आखे करना, ओदा त्यान दे, दुनिया दे खीरी दिनें च मुश्कल दे बेलै औने न।

²किके मनुक्ख छड़े अपने कन्ने गै प्यार करगन, तन्न दे लालची, फौड़ां मारने आले, निंदया, दुए दी बेश्ती करने आले, मा-प्यो दा उक्म टालने आले, शुक्र गुजार नेई ओनें आले, अपवित्र,

³दुए आसतै कोई प्यार नेई, माफ़ नेई करने आला, दोष लाने आला, अपनी खुआशें गी काबू नेई करने आले, पंगे बाज, पले दे बैरी,

⁴तोखा देने आले, बिना सोचे-बचारे लड़ाई लेने आले, दुए कोलां खास, ते परमेसर दी मर्जी नेई लेकन अपना सोख्ख-चैन चांने आले ओगन।

⁵ओ अपने आप गी पक्त दसगन, लेकन ओ परमेसर गी शक्ति गी मन्ना करगन, जेड़ी उनेंगी बदली सकदी ऐ; ऐसे लोकें कन्ने मेल-मलाप नेई रखो।

⁶इन्दे चा केछ लोक उन्दे कर आईयै, पूरे परिवार गी ठगदे ते उनै बेबकूफ जनांनीयें उपर पूरा काबू रखदे, जेड़ीयां पैलैं गै पापें दे बोझ कन्ने दबोदियां ते उन्दे च अर किसम दियां इच्छ्यां ओदीयां न।

⁷ते ओ मेशा नमीयां गल्लां सिखदियां ते रौंदियां न लेकन मसीह दी सच्ची शिखया गी कदें समझी नेई सक्दियां।

⁸ए चुठे माशटर मसीह दे सच्चे संदेश गी प्रचार करने थमां रोकदे न, जियां यन्नेस ते यम्ब्रेस ने मूसा दा वरोध कित्ता हा, उयांगै उंदा मन प्रष्ट ओई चुके दा ऐ, ते ओ मसीह उपर विश्वास करने च रेई चुके दे न[1]।

⁹लेकन ए बेबकूफी उंदी जादै चेर नेई चलनी, किके, जियां लोकें गी यन्नेस ते यम्ब्रेस दी बे बकुफी दा पता चली गीया हा, उयांगै अर एक गी उंदी बे बकुफी दा पता चली जाग।

¹⁰लेकन तू, तीमुथियुस जाननां ऐं के मैं के शिखया दिती, ते कियां जिंदा हा, मेरी जिंदड़ी दा के मकसद हा, ते आऊँ के विश्वास करदा हा, तुगी पता ऐ, के आऊँ कियां सबर करदा हा ते सब लोकें कन्ने प्रेम करदा हा, ते मैं दोख बर्दाश कित्ते;

¹¹लोकें मिगी सत्ताया, ते तो दुखें च मेरा साथ दिता, ते तुं जाननां ऐ, अन्ताकिया ते इकुनियुम ते लुस्त्रा दे शैरें च लोकें थमां मैं कियां बड्डे-बड्डे दोख चलै, ते केस चाली लोकें दा सताव बर्दाश कित्ता, प्रभु ने मिगी उनै सबनी कोलां छडाया

¹²लेकन अर एक जेड़ा परमेसर गी खोश करना चांदा ते मसीह उपर विश्वास करदा ऐ, दुए थमां सत्ताया जाग।

¹³लेकन दुष्ट लोक ते तोखा देने आले ओर जादै बराईयां करदे जागन ओ लोकें गी तोखा देगन ते लोकें कोलां तोखा खंदे रौगन।

¹⁴लेकन तो विश्वास करदे रौना चाईदा, के असैं तुगी के सखाया हा, ते तुगी यकीन ओना चाईदा, के ए गल्लां तो कोदे कोलां सिखियां हां,

¹⁵ते बचपन थमां तुं पवित्र शास्त्र गी जाननां ऐं, जेड़ा तुगी मसीह उपर विश्वास करने लेई बुद्धिमान ते तेरा उद्धार करी सकदा ऐ।

¹⁶सारा पवित्र शास्त्र परमेसर ने उन्दे वचारें च दिता, जिन्नें उसी लिखया ते ए लोकें गी सखाने आसतै, समझाने, गलतीयें थमां सधारने आसतै, ते सेई शिखया देने आसतै मददगार ऐ,

¹⁷तां जे परमेसर दा सेवक अर एक पले कम करने दे जोग बनी सकै ते सेध बन्ने।