Read Dogri 2 तीमुथियुस 4 Bible Online

2 तीमुथियुस 4 - Dogri bible

2 तीमुथियुस 4

¹जेलै मसीह यीशु राजा आले लेखा राज करने गी औग, ओ मरें दे ते जिंदे दा न्याय करग; एसकरी, परमेसर ते मसीह गी गुआई रखदे ओई, तुगी उक्म दिनां ऐ।

²के तू परमेसर दे वचन दा प्रचार कर, लोक सुनन जां नेई सुनन, लेकन तुं त्यार रवेयां, तुं उन्दी गलतीयें छा सधारने गी ते औसला देईयै बड़े सबर कन्ने उनेंगी समझा।

³किके ऐसा बेला औग, के लोक सच्ची शिखया सुनना नेई चागन लेकन अपनी खुआशें दे मताबक चलगन ते मते सारे सखाने आले गी तुपगन जेड़े, उन्देचा दे मताबक शिखया देंन,

⁴ते ओ सच्चाई गी नेई लेकन चुठी कथा-कानीयें गी सुनगन।

⁵लेकन तो अर बेलै अपने आप गी काबू च रखना चाईदा, दोख चल्ल, ते शोभ समाचार दा प्रचार कर ते परमेसर ने जेड़ा सेवा दा कम तुगी दिते दा ऐ, उसी पूरा कर।

⁶किके मिगी परमेसर थमां मिली दी सेवा ते मेरी जेंद मुकै करदी, मिगी पता ऐ, के आऊँ ऊन तौला गै मरने आला ऐं।

⁷मैं मसीह दी सेवा च बड़ी मेंनत कित्ती दी ऐ, मिगी सौम्पी दी सेवा गी मैं पूरा करी दिते दा ऐ, मैं मांनदारी कन्ने शोभ समाचार प्रचार कित्ते दा ऐ।

⁸औने आले बेलै च मेरे लेई तार्मिकता दा ओ मोकट रखे दा ऐ, प्रभु जेड़ा, तरमी ते न्यायी ऐ, मिगी ओस देन देग, ते मिगी गै नेई, लेकन उनै सबनी गी बी, जेड़े ओदे दवारा औने गी प्यारा समझदे न।

⁹तिमोथी, मेरे कोल जल्दी औने दी कोष्ट कर।

¹⁰किके देमास ने एस दुनिया गी प्यारा समझीयै मिगी छुड़ी दिते दा ऐ, ते थिस्सलुनीके शैर गी चली गीया ऐ। ते क्रेसकेंस गलातिया दे लाके गी ते तीतुस दलमतिया लाके गी चली गीया ऐ।

¹¹सेर्फ लूका मेरे कन्ने ऐ। जेसलै तुं औगा, तां मरकुस गी अपने कन्ने लेई आयां; किके सेवा दे लेई ओ मेरे मते कम दा ऐ।

¹²तुखिकुस गी मैं इफिसुस दे शैर गी पेजया ऐ।

¹³जेड़ा कोट आऊँ त्रोआस दे शैर च करपुस दे कर छुड़ी आया हा, जेलै तू औगा, तां ओस कोट गी ते चर्म पत्रियां ते वचन दी पोथी जेड़े बकरी जां पिड्डें दे चमड़े उपर लिखे दे न, लैंदा आयां।

¹⁴सिकन्दर जेड़ा ताम्बे दे पांढे बनाने आले मेरे कन्ने बड़ी बराई कित्ती दी ऐ; प्रभु उसी ओदे बुरे कम दे मताबक बदला देग।

¹⁵तू बी ओदे कोलां चकनां रवयां, किके ओनें साड़ीयें गल्लें दा बड़ा गै वरोध कित्ता हा।

¹⁶पैली बार आऊँ रोम दे जज्ज दे अगें पेश कित्ता गीया, के अपने दोष लानें आलें गी जबाब दियां; कुसे एक ने बी मेरे बारै च गुवाई नेई दिती, बजाए एदे के सारें मिगी छुड़ी दिता हा; आऊँ प्रार्थना करना, के मिगी छुड़ी देने उपर परमेसर उनेंगी माफ़ करै!

¹⁷लेकन प्रभु मेरा मददगार रिया, ते मिगी शक्ति दिती, तां जे मेरे थमां पूरा-पूरा प्रचार उवै ते सारे दुई जातीयें दे लोक सुनी लैंन। आऊँ मौत दे मुंह बिचा बची गीया।

¹⁸ते प्रभु मिगी अर एक बुरे कम थमां छड़ाग, ते मिगी बचाईयै सोर्ग राज बेच पुजाग। उसै दी मैमा योग-योग ओंदी रवै। आमीन।

¹⁹प्रिसकिल्ला ते ओदा करेआला अक्विला गी ते उनेसिफुरुस दे कराने गी नमश्कार।

²⁰इरास्तुस कुरिन्थुस दे शैर च रेई गीया, ते त्रुफिमुस गी आऊँ मीलेतुस शैर च बीमार गी छुड़ी आया ऐं।

²¹ठणढ दे देन औने थमां पैलैं औने दी कोष्ट कर। यूबूलुस, ते पुदेंस, ते लीनुस ते क्लौदिया, ते सारे विश्वासी प्राऐं दा तुगी नमश्कार।

²²प्रभु तेरे कन्ने रवै। थुआड़े उपर क्रपा ओंदी रवै।