Read Dogri तीतुस 1 Bible Online

तीतुस 1 - Dogri bible

तीतुस 1

¹आऊँ पौलुस थमां जेड़ा परमेसर दा दास ते यीशु मसीह दा प्रेरित ऐ, परमेसर दे चुने दे लोकें दे विश्वास गी कैम करना ते सच्चाई दा ज्ञान कैम करने आसतै जेड़े पक्ति दे कन्ने सेंमत ओदे न ए चिट्टी लिखाना।

²ओस मेशा दी जिंदड़ी दी आस उपर, जेसदा बायदा परमेसर ने, जेड़ा चुठ बोली नेई सकदा शुरू थमां कित्ते दा ऐ।

³लेकन ठीक बेलै उपर परमेसर ने अपने वचन गी प्रचार थमां परकट कित्ता, जेड़ा साड़े उद्धारकर्ता परमेसर दी उक्म दे मताबक मिकी सौम्पया गीया।

⁴तीतुस दे नां, जेड़ा विश्वास दी एकता दे वचार कन्ने मेरा सच्चा आत्मिक पुत्तर ऐ; परमेसर पिता ते साड़े उद्धारकर्ता मसीह थमां तुसें क्रपा ते शान्ति ओंदी रवै।

⁵आऊँ एस आसतै तुगी क्रेते दे टापू च छुड़ी आया हा के तू बाकी गल्लें गी सधारें, ते मेरे उक्म दे मताबक शैर-शैर अगबें गी निजुक्त करें।

⁶प्राचीन दियां खूबियाँ ए ओना चाईदीयाँ जेड़े बेकसुर ते एक गै पत्नी दे पति ओन, जिंदे बच्चे विश्वास च ओंन, ते उन्दा सोना नां ते उक्म मननें आले ओंन।

⁷किके अगबें गी परमेसर दा पणडारी ओनें दे कारन बेकसुर ओना चाईदा; नां जिदी, नां गुस्सै आला, नां शराव पीने आला, नां मार पेट करने आला, ते नां नीच कमाई दा लालची उवै,

⁸लेकन मैमान दा आदर खातर करने आला, पलाई गी चाने आला, अपने आप गी काबू करने आला, न्यायी, पवित्र ते अनुशाशित उवै;

⁹ते ओ वश्वासजोग वचन उपर जेड़ा तर्म दी शिखया दे मताबक ऐ, टिके दा रवै; के खरी शिखया थमां सखाई सकै; ते विरोधीयें दे मुंह बन्द करी सकै।

¹⁰मैं ए एसकरी आखना ऐं किके मते सारे लोग सेई शिखया दा वरोध करगन, वरोध करने आले ते तोखा देने आले न; खास करियै खतना आलें बिचा।

¹¹इनेंगी सखानें दी जाजत नेई देनां चाईदी। किके ए लोग नीच कमाई आसतै गलत गल्लां सिखाइयै करें दे कर बिगाड़ी दिंदे न।

¹²उंदे बिचा गै एक ज्ञानी मनुक्ख ने, जेड़ा उंदा गै पविखवक्ता ऐ, आखया ऐ, “क्रेती टापू दे लोग मेशा चुठे, दुष्ट डणगर, ते आलसी पेटू ओदे न।”

¹³ए गुआई अज्ज बी सच्च ऐ, एस आसतै उनेंगी सख्ती कन्ने चतावनी दिन्दा रो, के ओ यीशु मसीह दे विश्वास च पक्के ओई जांन

¹⁴ते यहूदीयें दी कथा कानीयें ते उनै मनुक्खें दे उकमें उपर मन नेई लांन, जेड़े सच्चाई थमां पड़की जंदे न।

¹⁵शोद्ध लोकें आसतै सारीयां चीजां शोद्ध न, लेकन दुष्ट ते गैर वश्वासीयें आसतै केछ बी शोद्ध नेई, बरना उन्दी बुद्धि ते अन्तर आत्मा दुए अस शोद्ध ओई चुकी दी ऐ।

¹⁶ए गलत शिखया देने आले आखदे न के, अस परमेसर गी जाननयां न, लेकन अपने कम्में थमां ओसदा मनां करदे न; किके ओ गन्दी चीज ते उक्म नेई मननें आले न, ते कुसे अच्छे कम करने दे लायक नेई।