Read Dogri तीतुस 2 Bible Online

तीतुस 2 - Dogri bible

तीतुस 2

¹लेकन तू तीतुस ऐसीयां गल्लां आखया कर जेड़ीयां सच्चियां ते शिखया देने जोगियां न।

²बजुर्ग मर्द चकना ते गंभीर ते अपने आप गी काबू करने आला उवै, ते उंदा विश्वास ते प्रेम ते सबर पक्का उवै।

³एस चाली बजुर्ग जनांनीयें दा चाल-चालन पवित्र लोकें आला लेखा उवै; ओ कसुर लाने आली ते शराव पीनें आली नेई, लेकन अच्छियाँ गल्लां सखाने आलियां ओंन।

⁴तां जे ओ जवान जनांनीयें गी चतावनी दिंदीयां रौन, के ओ अपने-अपने पति ते बच्चें कन्ने प्रेम करन;

⁵ते अपने आप गी काबू करने आलियां, पवित्र जिंदड़ी जिनैं आलियां, कर दा कारोबार करने आलियां, पली, ते अपने-अपने पति दे ताबे च रौनें आलियां ओंन, तां जे परमेसर दे वचन दी निंदया नेई ओई सकै।

⁶इयां गै जवान मडदें गी बी समझाया कर, के अपने आप च काबू च ओंन।

⁷सारीयें गल्लें च अपने आप गी पले कम दा नमूना बना। तेरी शिखया च सफाई, गंभीरता,

⁸ते ऐसी खराई पाई जा के कोई उसी बुरा नेई आखी सकै, जेस कन्ने वरोधी साड़े उपर कोई कसुर लाने दा मौका नेई पाईयै शर्मिंदे ओंन।

⁹दासें गी समझा, के अपने-अपने मालकें दे ताबे च रौंन, ते सारीयें गल्लें च उनेंगी खोश रखन, ते किसे गल्ल च बैस नेई करन;

¹⁰चोरी चलाकी नेई करन, लेकन सब चाली च पूरे विश्वासजोग निकलन, के ओ सारीयें गल्लें च साड़े उद्धारकर्ता परमेसर दी शिखया दी शोभा बदांन।

¹¹किके परमेसर दी ओ क्रपा परकट ऐ, जेड़ी सारें मनुक्खें दे उद्धार लेई काबल ऐ,

¹²ते परमेसर असेंगी अपने रैंम कन्ने चतावनी दिंदा ऐ, के अस अपक्ति ते दुनियादारी दियें खुआशें थमां मन फिरीयै एस दुनिया च अपने आप गी काबू करने आले ते तर्म ते पक्ति कन्ने जिंदड़ी गजारचै;

¹³अस एस चाल्ली बर्ताव करनयां न, जियां अस यीशु मसीह दे औने दे अद्भुत देन दा एन्तजार करै करनयां, जेस दी असें आस ऐ, जेड़ा साड़ा मान परमेसर ते उद्धारकर्ता ऐ, अपनी सारी मैमा च बापस अवै करदा।

¹⁴जेस ने अपने आप गी साड़े बासतै देई दिता, के असेंगी अर चाली दे अतर्म थमां छुड़ाई लै, ते शोद्ध करियै अपने आसतै एक ऐसी जाती बनाई लै जेड़ी पले-पले कम आसतै चात करने आली उवै।

¹⁵एस लेई तीतुस तू, पूरे अख्त्यार कन्ने ए गल्लां समझा, ते सखांदा रो। कोई तुगी तोच्छ नेई जानी सकै।