Read Dogri तीतुस 3 Bible Online

तीतुस 3 - Dogri bible

तीतुस 3

¹वश्वासीयें गी चेता करा, के मुखीयें ते अख्त्यार रखने आलें दी इज्जत मांन करन, ते उंदा उक्म मनन, ते दुज्जे लेई अर एक अच्छे कम आसतै त्यार रौन,

²कुसे गी बदनाम नेई करन, लड़ाई करने आले नेई ओंन, लेकन कोमल सवाव दे ओंन, ते सारें मनुक्खें दे कन्ने बड़ी दीनगी दे कन्ने रौन।

³किके अस बी मसीह बनने पैलैं बिना र्बुद्धि ते उक्म नेई मनने आले, ते पलेखे च पेदे हे, ते लग्ग-लग्ग किसम दी खुआशें ते सोख पलास दी गलामी च हे, ते बैरपाव, ते दुए कन्ने जलने च जिंदड़ी न्रवहा करदे हे, ते दुष्ट हे, ते एक दुए कन्ने बैर रखदे हे।

⁴लेकन तां बी साड़े उद्धारकर्ता परमेसर दी कृपा मनुक्खें उपर ओसदा प्रेम परकट ओया,

⁵ते ओसने साड़ा सजा कोलां छडकारा कित्ता; ते ए तर्म दे कम दे कारन नेई, जेड़े असैं अप्पुं कित्ते, लेकन अपनी दया दे मताबक, नमें जन्म दे शनांन ते पवित्र आत्मा थमां असेंगी नमां बनाने थमां ओया।

⁶पवित्र आत्मा गी परमेसर ने साड़े उद्धारकर्ता यीशु मसीह थमां मता जादै साड़े उपर डोलया।

⁷जेस कन्ने अस ओदी क्रपा कन्ने तरमी बनियै, मेशा दी जिंदड़ी दी आस दे मताबक वारस बनें।

⁸ए गल्ल सच्च ऐ, ते पूरी चाली मननें ते विश्वास करने दे जोग ऐ, ते आऊँ चांना के तू इनें गल्लें दे बारै च पक्की शिखया दे एस आसतै के जिनैं परमेसर उपर विश्वास कित्ते दा ऐ, ओ पले-पले कम च लगे रौने दा त्यान रखन। ए गल्लां पलीयां ते मनुक्खें दे फायदे लेई न।

⁹लेकन बे बकुफी दी बैसें, ते परानी पीढ़ियें, ते बैर-वरोध ते उनै लड़ाईयें कोलां जेड़ीयां मूसा दे कनून दे बारै च ओंन, उन्दे कोलां दूर रो; किके ओ नेष्फल ते बेकार न।

¹⁰कुसे पखण्डी गी एक दो बार समझाईयै ओस कन्ने कोई रिश्ता नेई रखयां,

¹¹ए समझीयै के ऐसा मनुक्ख पड़की गेदा ऐ, ते अपने आप गी कसुरबार बनाईयै पाप करदा रौंदा ऐ।

¹²जेसलै आऊँ तेरे कोल अरतिमास जां तुखिकुस गी पेजगा तां मेरे कोल निकुपुलिस शैर च औने दी कोष्ट करयां, किके मैं निकुपुलिस शैर च स्याल कटने दा पक्का कित्ते दा ऐ।

¹³जेनास नां दा बकील ते अपुल्लोस गी कोष्ट करियै अग्गें पजाई दे, ते देख्ख के उनेंगी किसे चीज दी कमी नेई ओई जा।

¹⁴साड़े लोग बी जरूरतें गी पूरा करने आसतै अच्छे कम्में च लगे रौना सीखन तां जे नेष्फल नेई रौन।

¹⁵इत्त्थैं करेत्त टापू दे सारे वश्वासीयें दा तुगी नमश्कार। जेड़े विश्वास दे कारन साड़े कन्ने एर्ख करदे न उनेंगी नमश्कार। मेरी प्रार्थना ए ऐ के प्रभु दी क्रपा थुआड़े सारें दे उपर ओंदी रवै।