Read Dogri फिलेमोन 1 Bible Online

फिलेमोन 1 - Dogri bible

फिलेमोन 1

¹आऊँ पौलुस जेड़ा ए चिट्ठी लिखे करना ऐं, यीशु मसीह दे बारै च प्रचार करने दे कारन आऊँ कैदी ऐं, ते विश्वासी प्रा तीमुथियुस थमां साड़े प्यारे साड़े कन्ने सेवा करने आले फिलेमोन,

²ते पैंन अफफिया, ते साड़े साथी योद्दा अरखिप्पुस ते फिलेमोन दे कर दी कलीसिया दे नां।

³मेरी प्रार्थना ए ऐ साड़े पिता परमेसर ते प्रभु यीशु मसीह तुसेंगी क्रपा ते शान्ति दे।

⁴जेसलै बी आऊँ प्रार्थना करना मेशा थुआड़े लेई परमेसर दा शुक्र करना ऐं,

⁵किके आऊँ तेरे ओस प्रेम ते विश्वास दी चर्चा सुनना, जेड़ी सारें पवित्र लोकें कन्ने प्रभु यीशु उपर ऐ।

⁶आऊँ प्रार्थना करना ऐं के वश्वासीयें च तेरी पागे दारी बददी जा, सारीयें अच्छी चीजें गी जानदे ओई, जेड़ीयां परमेसर ने दिती दियां; सब केछ मसीह दी मैम आसतै उवै।

⁷किके ए विश्वासी प्रा, मिकी तेरे प्यार कन्ने मती खुशी ते शान्ति मिली ऐ, एस आसतै के तेरे थमां पवित्र लोकें दे मन अरे परे ओई गेदे न।

⁸एस आसतै जेकर मिकी मसीह च मती इम्त ऐ, के जेड़ी गल्ल ठीक ऐ, ओसदा उक्म तुगी दियां।

⁹तां बी मिकी बुड्डे पौलुस गी जेड़ा ऊन मसीह यीशु आसतै कैदी ऐ, ए ओर बी पला लगया के प्यार कन्ने अर्ज करां।

¹⁰आऊँ अपने आत्मिक बच्चे उनेसिमुस आसतै, जेड़ा मेरे थमां मसीह च मेरा पुत्तर मेरी कैद च जम्मयां ऐ, तेरे कन्ने अर्ज करना ऐं।

¹¹ओ ते पैलैं तेरे केछ कम दा नेई हा, लेकन ऊन तेरे ते मेरे दौनी दे मते कम दा ऐ।

¹²बेछक अज्ज उनेसिमुस गी आऊँ बड़ा प्यार करना, मगर आऊँ उसी तेरे कोल बापस पेजै करना ऐं।

¹³उसी आऊँ अपने गै कोल रखना चांदा हा के ओ तेरी त्र्फुं एस कैद च जेड़ा शोभ समाचार दा कारन ऐ, मेरी सेवा करै।

¹⁴लेकन मैं तेरी मरजी बगैर केछ बी करना नेई चाया, के तेरी ए कृपा दबाब कन्ने नेई लेकन नन्द कन्ने उवै।

¹⁵किके ओई सकै ओ तेरे थमां केछ देन आसतै इसै कारन लग्ग ओया के मेशा तेरे कोल रवै।

¹⁶लेकन ऊन थमां दास आला लेखा नेई बरना दास थमां बी बद, मतलब मसीह च विश्वासी प्रा आला लेखा रवै, जेड़ा मेरा ते खास प्यारा ऐ गै, लेकन ऊन जेंद च ते प्रभु च बी, तेरा बी खास प्यारा उवै।

¹⁷एस आसतै जेकर तू मिकी अपने कन्ने शामल समझना ऐं, तां ओस कन्ने एस चाली सलूक कर जियां मेरे कन्ने।

¹⁸जेकर ओसने तेरा केछ पैसे दा नुक्सान कित्ते दा ऐ, जां ओस तेरा कर्जा देनां ऐ, तां उसी मेरे नां लिखी लै।

¹⁹आऊँ पौलुस अपने अथ्थें कन्ने लिखे करना ऐं के आऊँ अप्पुं तुगी देई देगा; ते एस दे आखने दी कोई जरुरत नेई के मेरा कर्जा जेड़ा मैं तुगी देनां ऐ जेदे कारन तो प्रभु यीशु मसीह गी ग्रेण कित्ता ओ मता ऐ।

²⁰ए मेरे विश्वासी प्रा, ए नन्द मिगी प्रभु च तेरे थमां मिलै, ते मसीह च मेरे कन्ने विश्वास ओईयै कम करियै मेरे इम्त गी बदायाँ।

²¹आऊँ तेरे उक्म मननें उपर विश्वास रखियै तुगी लिखना ऐ, ते ए जाननां ऐं के जे केछ आऊँ आखना ऐं, तू ओस थमां केछ बद करगा।

²²ते एबी, के मेरे आसतै अपने कार रुकने दी जगा त्यार रखयां। के मिगी आस ए के थुआड़ी प्रार्थना दे जबाब च मैं परमेसर थमां तुसेंगी परतियै देई दिता जाग।

²³इपफ्रास, जेड़ा मसीह यीशु दे नां दा प्रचार करने दी बजा कन्ने मेरे कन्ने कैदी ऐ।

²⁴ते मरकुस ते अरिस्तर्खुस ते देमास ते लूका जेड़े मेरे कन्ने प्रभु दा कम करदे न, इंदा तुसेंगी नमश्कार।

²⁵मेरी प्रार्थना ए ऐ के साड़े प्रभु यीशु मसीह दी क्रपा थुआड़ी आत्मा च ओंदा रवै। आमीन।