Read Dogri इब्रानियों 1 Bible Online

इब्रानियों 1 - Dogri bible

इब्रानियों 1

¹पराने योग च परमेसर ने बजुर्गें क्न्ने केई बारी थुड़ा-थुड़ा करियै ते पांति-पांति दे पविखवक्तें थमां गल्लां कित्तियां,

²लेकन इनें खीरी दे दिनें च साड़े कन्ने पुत्तर प्रभु यीशु मसही थमां गल्लां कित्तियां, जिसी ओसने सारीं चीजां दा वारस मकर्र कित्ता ते उसै थमां ओसने सारी सृष्टि दी रचना बी कित्ती ऐ।

³ओ ओसदी मैमा दी लो ते ओदे सवाव दी मोर ऐ, ते सारीयां चीजां अपनी शक्ति दे वचन कन्ने संभालदा ऐ। ओ पापें गी तोईयै उच्चीयें जगें उपर महामहीमन दे सज्जे जाई बैठा;

⁴ते सोर्गदूतें कोलां इनां गै बड़ा मनयां गीया, जिनां परमेसर ने उन्दे कोलां बड्डे औदे दा वारस ओईयै उत्तम नां आसल कित्ता।

⁵किके सोर्गदूतें बिचा परमेसर ने कदुं कुसे सोर्गदूत कन्ने आखया, “तू मेरा पुत्तर ऐं, अज्ज तू मेरे थमां जमया ऐ?” ते पी ए आखया, “आऊँ ओसदा पिता ओगा, ते ओ मेरा पुत्तर ओग?”

⁶ते जेसलै अपने जेठे पुत्तर गी दुनिया च पी आंनदा ऐ, तां आखदा ऐ, “परमेसर दे सारे सोर्गदूत उसी मत्था टेकन।”

⁷ते सोर्गदूतें दे बारै च ए आखदा ऐ, “ओ अपने दूतें गी अवा, ते अपने सेवकें गी बलदी अग्ग बनांदा ऐ।”

⁸लेकन पुत्तर दे बारै च आखदा ऐ, “ए परमेसर, तेरा सिहांसन युगानयुग रौग; तेरे राज दा राजदंड न्याय दा राजदंड ऐ।

⁹तो तर्म कन्ने प्यार ते अतर्म कन्ने बैर रखया; एस कारन तेरे परमेसर ने, तेरे साथियें थमां जादै अरषरूपी तेल कन्ने तेरा अभिषेक कित्ता।”

¹⁰ते ए के, “ए प्रभु, शुरू च तो तरती दी नीं सुट्टी, ते सोर्ग तेरे अथ्थें दी कारीगरी ऐ।

¹¹ओ ते नाश ओई जागन, लेकन तू बना दा रौगा; ते ओ सारे कपड़े आला लेखा पराने ओई जागन,

¹²ते तू उनेंगी चादर आला लेखा लपेटगा, ते ओ कपड़े आला लेखा बदली जागन; लेकन तू उवै ऐ ते तेरे बरें दा ऐन्त नेई ओग।”

¹³ते सोर्गदूतें बिचा ओसने कुसे कन्ने कदें आखया, “तू मेरी सज्जी बखी बैठ, जेसलै तकर के आऊँ तेरे बैरीयें गी तेरे पैरें दे थलै दी पीढ़ी नेई करी दियां?”

¹⁴के ओ सारीयां परमेसर दी सेवा टैल करने आलियां आत्मा नेई, जेड़ीयां उद्धार आसल करने आलें आसतै सेवा करने गी पेजीयां जन्दीयां न?