Read Dogri इब्रानियों 10 Bible Online

इब्रानियों 10 - Dogri bible

इब्रानियों 10

¹किके मूसा दा कनून, जेस च औने आली खरी चीजें दी छाऊं ऐ, लेकन उन्दा असली रूप नेई, एस आसतै ओनें एक गै किसम दी बलि थमां, जेड़ीयां अर साल पक्के तौर पर चढ़ायां जन्दीयां न, कोल आईयै उनै आलें गी कदें बी सेध नेई करी सकदयां।

²नेई तां उन्दा पेंट चढ़ाना बंद कि नेई ओई जन्दा? एस आसतै जेसलै पजन करने आले एक गै बार शोद्ध ओई जन्दे, तां पी उन्दी अन्तर आत्मा उनेंगी पापी नेई आखदी।

³लेकन उन्दे थमां अर साल पापें दी यादगिरी ओआ करदी ऐ।

⁴किके ए अन ओना ऐ, के बैलें ते बकरें दा खून पापें गी दूर करै।

⁵एस कारन मसीह दुनिया च औंदे बेलै आखदा ऐ, “बलि ते पेंट तो नेई चाई, लेकन मेरे आसतै एक शरीर त्यार कित्ता।

⁶अवन बलियें ते पाप बलियें कन्ने तू खोश नेई ओया।

⁷ओस बेलै मैं आखया, देख, आऊँ आई गेदा ऐं, पवित्र शास्त्र च मेरे बारै च लिखे गेदा ऐ, तां जे ए परमेसर, तेरी मर्जी पूरी करां।”

⁸उपर तां मसीही ने आखदा, “नां तुं कुर्बानी ते पेंट ते अवन बलियां ते पाप बलियां चाईयां, ते नां उन्दे कन्ने खोश ओया,” जेकर ए कुर्बानियां कनून दे मताबक चढ़ाई जांदींयां न।

⁹पी एबी आखदा ऐ, “देख, आऊँ आई गेदा ऐं, तां जे तेरी मर्जी पूरी करां,” एस आसतै ओ पैले गी दूर करी दिन्दा ऐ, तां जे दुए गी मकर्र करै।

¹⁰उसै इच्छया कन्ने अस यीशु मसीह दे जेंद दी एक गै बार कुर्बानी चढ़ाए जाने थमां पवित्र कित्ते गेदे न।

¹¹अर एक याजक तां खड़ोईयै अर रोज सेवा करदा ऐ, ते एक गै किसम दी बलि जेड़ी पापें गी कदें बी दूर नेई करी सकदे, बार-बार चढ़ांदा ऐ।

¹²लेकन मसीह मनुक्ख तां पापें दे बदले एक गै कुर्बानी मेशा आसतै चढ़ाईयै परमेसर दे सज्जे जाई बैठा,

¹³ते उसै बेलै थमां एस दा इंतजार करा करदा ऐ, के ओदे बैरी ओदे पैरें दे थलै दी पीढ़ी बनन।

¹⁴किके ओसने एक गै चढ़ावे थमां उनेंगी जेड़े पवित्र कित्ते जन्दे न, मेशा आसतै सेध करी दिता ऐ।

¹⁵ते पवित्र आत्मा बी असेंगी इयै गुआई दिन्दा ऐ; किके ओसने पैलैं गलाया हा,

¹⁶“प्रभु आखदा ऐ, के जेड़ा करार आऊँ उनै दिनें दे बाद उन्दे कन्ने करगा ओ ए ऐ के आऊँ अपने कनूनें गी उन्दे दिलें उपर लिखगा ते आऊँ उन्दी अन्तर आत्मा च पागा।”

¹⁷पी ओ ए आखदा ऐ, “आऊँ उन्दे पापें गी, ते उन्दे अतर्म दे कम्में गी पी कदें याद नेई करगा।”

¹⁸ते जेसलै इन्दे पाप दी माफी ओई गेई ऐ, तां पी पाप दी बलि नेई रेई।

¹⁹एस आसतै ए प्राओ, जेलै असेंगी यीशु दे खून थमां ओस नमें ते जिंदे रस्ते थमां पवित्र जगै च दाखल ओनें दी इम्त ओई गेदी ऐ,

²⁰जेड़े ओसने परदे, मतलब अपनी जेंद थमां ओईयै, साड़े आसतै अभिषेक कित्ता ऐ,

²¹ते एस लेई के साड़ा ऐसा महा याजक ऐ, जेड़ा परमेसर दे कर दा अख्त्यार रखने आला ऐ,

²²ते आओ, अस सच्चे मन, ते पूरे विश्वास कन्ने, ते अन्तर आत्मा दा दोष दूर करने आसतै देल उपर छड़काव लेईयै, ते जेंद गी शोद्ध पानी कन्ने तुआइयै परमेसर दे कोल जाचै।

²³आओ अस अपनी आस दे अंगीकार गी मजबूती कन्ने थमें दे रौचै, किके जेस ने बायदा कित्ते दा ऐ, ओ सच्चा ऐ,

²⁴ते प्यार, ते पले कम्में च औसला देने आसतै अस एक दुए दा फिकर करदे रौचै,

²⁵ते एक दुए दे कन्ने किटठा ओना नेई छुड़ो, जियां के किन्नें दी रीति ऐ, लेकन एक दुए गी समझांदे रौचै; ते जियां-जियां ओस देन गी कोल औंदे दिखो, तां-तां ओर बी मता ए करा करो।

²⁶किके सच्चाई दी पनछान आसल करने दे बाद जेकर अस जानी बुझीयै पाप करदे रौचै, तां पापें आसतै पी कोई बलि बाकी नेई।

²⁷आं, सजा गी एक खतरनाक मेद करना ते अग्गी दी जुआला बाकी ऐ जेड़ी विरोधीयें गी पसम करी देग।

²⁸जेसलै मूसा दे कनून दी नेई मनने आले गी, दों जां त्रै जनें दी गुआई उपर, बगैर दया दे मारी दिता जन्दा ऐ,

²⁹तां सोची लियो के ओ किन्नें ओर बी पारी सजा दे काबल ओगन, जेस ने परमेसर दे पुत्तर गी पैरें कन्ने कुचलया ते करार दे खून गी, जेस थमां ओ पवित्र कित्ता गीया हा, अशोद्ध समझया ऐ, ते क्रपा दी आत्मा दी बेश्ती कित्ती।

³⁰किके अस उसी जाननयां न, जेस ने आखया, “पलटा लेना मेरा कम ऐ, आऊँ गै बदला देगा।” ते पी ऐ, के “प्रभु अपने लोकें दा न्याय करग।”

³¹जिंदे परमेसर दे अथ्थें च पौना खतरनाक गल्ल ऐ।

³²लेकन उनै पिछले दिनें गी याद करो, जिन्दे च तोस लो पाईयै दुखें दे बडे योद्द च टिके रे।

³³कदें तां ए, के जियां के तोस निंदया ते कलेश बर्दाश ओई तमाशा बने, ते कदें कदें ए, के तोस उन्दे साझीदार ओए जिंदी दुर्दशा कित्ती जन्दी ऐ।

³⁴किके तोस कैदीयें दे दोख च बी दुखी ओए, ते अपनी तन्न दौलत बी खुशी कन्ने लूटना दिती; ए समझयै के थुआड़े कोल एक ओर बी उतम ते मेशा रौने आली तन्न दौलत ऐ।

³⁵एस आसतै अपनी इम्त नेई छुड़ो किके ओसदा फल बड़ा ऐ।

³⁶किके तुसेंगी सबर करना जरुरी ऐ, तां जे परमेसर दी मर्जी गी पूरी करियै तोस ओदे बायदे दा फल पाओ।

³⁷“किके ऊन बड़ा गै थुड़ा बेलै रेई गेदा ऐ जेलै औने आला औग ते चेर नेई लाग।

³⁸ते मेरा तर्मी जन विश्वास कन्ने जिंदा रौग, ते जेकर ओ पिछें अटी जाग तां मेरा मन ओस कन्ने खोश नेई ओग।”

³⁹लेकन अस अटने आले नेई, के नाश ओई जाचै लेकन विश्वास करने आले न, के प्राणें गी बचाचै।