Read Dogri इब्रानियों 11 Bible Online

इब्रानियों 11 - Dogri bible

इब्रानियों 11

¹ऊन विश्वास आस कित्ती दी चीजें दा यकीन, ते नेई दिखी दी चीजें दा सबूत ऐ।

²किके इसै दे बारै च पुर्वजें गीं खरी गुआई दिती गेदी।

³विश्वास कन्ने गै अस जानी लेने न, के सारी सृष्टि दी रचना परमेसर दे वचन थमां ओई ऐ। एस लेई अस जे केछ बी दिखनयां न, ओ उनै चीजें कन्ने नेई बनया जिनेंगी दिखया नेई जाई सकदा ऐ।

⁴विश्वास कन्ने गै आदम दा पुत्तर हाबिल ने अपने बड्डे प्रा कैन थमां उत्तम कुर्बानी दा चढ़ावा चढ़ाया, ते उसै बलि थमां ओदे तर्मी ओनें दी गुआई बी दिती गेई, किके परमेसर ने ओसदी पेंट दे बारै च गुआई दिती; ते उसै थमां ओ मरने उपर बी अजें तकर गल्लां करदा ऐ।

⁵विश्वास कन्ने गै हनोक सोर्ग गी चुकी लेता गीया के मौत गी नेई दिखै, ते ओसदा पता नेई चलया, किके परमेसर ने उसी सोर्ग च जिन्दा चुकी लेता हा, ते ओदे चुके जाने थमां पैलैं ओसदी ए गुआई दिती गेई ही, के ओसने परमेसर गी खोश कित्ता ऐ।

⁶ते विश्वास बगैर उसी खोश करना अन ओना ऐ; किके परमेसर दे कोल औने आले गी विश्वास करना चाईदा के ओ ऐ, ते उसी सच्चाई कन्ने टूंडने आलें गी ओ प्रतिफल दिन्दा ऐ।

⁷विश्वास कन्ने गै नूह ने ओनें आली गल्लें दे बारै च जेड़ीयां ओस बेलै नेई लबदियां हियां, चतावनी पाईयै पक्ति कन्ने अपने कराने दे बचाओ आसतै जाज बनाया, ते ओस तरमी दा वारस ओया, जेड़ा विश्वास कन्ने ओंदा ऐ।

⁸विश्वास कन्ने गै अब्राहम जेसलै एक जगा जाने लेई बलाया गीया तां उक्म मनियै ऐसी जगा निकली गीया जिसी परमेसर उसी जैदाद च देने आला हा; ते ए नेई जानदा हा, के आऊँ कुत्थें जाना ऐ, तां बी निकली गीया।

⁹विश्वास कन्ने गै ओसने बायदा कित्ते दे देश चां, जियां पराए देश च परदेसी ओईयै रिया, इसहाक ते याकूब समेत, जेड़े ओदे कन्ने उसै बायदे दे वारस हे, तम्बू च वास कित्ता।

¹⁰किके ओ कैम कित्ती गेदी मनैद आले शैर दा इंतजार करदा हा, जेसदा रचने आला ते बनाने आला परमेसर ऐ।

¹¹विश्वास कन्ने सारा ने अप्पुं बुड्डी ओनें उपर बी गर्भ तारण करने दी शक्ति पाई, किके ओस बायदा करने आले गी सच्चा जानया हा।

¹²एस कारन एक गै जन कन्ने, जेड़ा मरने दे करीब हा, अम्बर दे तारें ते समुंद्र दे कंडै दी रेत आला लेखा अनगिनत वंश पैदा ओए।

¹³ए सारे विश्वास दी गै आलत च मरे; ते उनै बायदा कित्ती दियां चीजां नेई थोइयां, लेकन उनेंगी दूरा दा दिखियै खोश ओए ते मन्नी लेता, के अस तरती उपर परदेसी ते बार दे रौने आले न

¹⁴जेड़े ऐसीयां-ऐसीयां गल्लां आखदे न, ओ परकट करदे न, के ओ अपने देश दी तलाश च न।

¹⁵ते जेस देश बिचा ओ निकली आए हे, जेकर ओसदा दवारा चेत्ता करदे तां उनेंगी बापस औने दा मौका हा।

¹⁶लेकन ओ एक उत्तम मतलब सोर्ग दे देश दी इच्छया च न; इसै आसतै परमेसर उन्दा परमेसर खुआने च उन्दे थमां नेई शर्मान्दा हा, किके ओसने उन्दे आसतै एक उतम शैर त्यार कित्ता ऐ।

¹⁷विश्वास कन्ने गै अब्राहम ने, परखे जाने दे बेलै च, अपने पुत्तर इसहाक गी बलि चढ़ाई, ते जेस ने बायदा गी सच्च मन्ने दा हा

¹⁸ते जेस कन्ने ए आखे गेदा हा, “इसहाक थमां गै तेरा बैंश खुआया जाग,” उवै अपने इको-एक पुत्तर गी बलि चढ़ान लगया।

¹⁹किके ओसने मन्नी लेता, के परमेसर शक्ति आला ऐ, के इसहाक गी मरें बिचा जिंदा करै; एस आसतै उन्दे बिचा गै मसाल दी रीति उपर ओ उसी पी थुआ।

²⁰विश्वास कन्ने गै इसहाक ने अपने पुत्तर याकूब ते एसाव गी औने आलीं गल्लें दे बारै च अशीर्वाद दित्ती।

²¹विश्वास कन्ने गै याकूब ने मरदे बेलै युसूफ दे दौनीं पुत्रें बिचा एक-एक गी अशीर्वाद दित्ती, ते अपनी सोटी दे सिरे दा सहारा लेईयै परमेसर दी अराधना कित्ती।

²²विश्वास कन्ने गै युसूफ ने, जेसलै ओ मरने उपर हा, तां इस्राएल दी औलाद गी निकलने दी चर्चा पूरे परोसे कन्ने कित्ती, ते अपनी अड्डीयें दे बारै च ए उक्म दित्ता के ओ उनेंगी अपने कन्ने लेई जान।

²³विश्वास कन्ने गै मूसा दे मां प्यो ने उसी, पैदा ओनें दे बाद त्ररै मिने तकर छपाली रखया, किके उनै दिखया के बच्चा सोना ऐ, ते ओ राजा दे उक्म कोलां नेई डरे।

²⁴विश्वास कन्ने गै मूसा ने सयाने ओईयै फिरौन राजा दी कुड़ी दा पुत्तर खुआने थमां मना कित्ता

²⁵एस आसतै के उसी पाप च थुड़े देन दा सोख करने थमां परमेसर दे लोकें कन्ने दोख पोगना मता उत्तम लगया।

²⁶ते ओसने मसीह दे लेई निंदया सैने आसतै मिस्र दे पणडार थमां बड़ा तन समझया, किके ओसदी अखीयाँ फल मिलने दी आस च लगी दी हियां।

²⁷विश्वास कन्ने गै राजा दे गुस्सै थमां नेई डरियै ओसने मिस्र गी छुड़ी दिता, किके ओ अन दिखे परमेसर गी मनो दिखदे ओई टिका दा रिया।

²⁸विश्वास कन्ने गै ओसने फसह दा त्यार ते खून छेड़कने दी मूसा दी विधि मन्नी, के जेठे पुत्रें दा नाश करने आला परमेसर इस्राएलियें उपर अथ्थ नेई पा।

²⁹विश्वास कन्ने गै इस्राएल दे लोक लाल समुंद्र दे पार ऐसे गै, जियां सुक्की तरती उपर चलदे न; ते जेसलै मिस्रीयैं उयांगै करना चाया तां सारे डूबी मरे।

³⁰विश्वास कन्ने गै यरीहो दे शैर दी कंद, जेसलै ओ सत देन तकर ओसदा चक्कर लाइ चुके, तां ओ डिगी पेई।

³¹विश्वास कन्ने गै राहाब वेश्या परमेसर दा उक्म नेई मनने आलें दे कन्ने नाश नेई ओई, इसै आसतै के ओस पेदियें गी शान्ति कन्ने यरीहो दे शैर च रखे दा हा।

³²ऊन ओर के आखने दी जरुरत ऐ? किके बेला नेई रिया, के न्यायी गिदोंन दा, ते बाराक ते न्यायी शिमशोंन दा, ते न्यायी यिफतह दा, ते राजा दाऊद ते शमूएल पविख्वक्ता दा, ते ओर पविखवक्तां दा बयान करां।

³³इनें विश्वास दे गै थमां लाके जीते; तर्म दे कम कित्ते; बायदा कित्ती दियां चीजां आसल कित्तियां; शेरें दे मुंह बंद कित्ते;

³⁴अग्गी दी ज्वाला गी ठंडा कित्ता; तलवार दी तार थमां बची निकले; कमजोरी च तकड़े ओए; योद्द च योद्दे निकले; दुए देशें दी फौजें गी मारी नसाया।

³⁵केछ जनांनीयें विश्वास क्न्ने अपने मरें दें गी पी जिंदा दिखया; किन्नें ते मार खंदे-खंदे मरी गै, ते कैद चा छुटकारा नेई चाया, एस आसतै के उत्तम दवारा जिंदे ओनें दे पागीदार ओचै।

³⁶केछ लोक तां मजाक च डुआए जाने; ते कोड़े खाणे; वरन बन्ने जाने; ते कैद च सुटने क्न्ने परखे गै।

³⁷उन्दे उपर पत्थर मारे गै; आरे कन्ने चीरे गै; उन्दी परिख्या कित्ती गेई; तलवार कन्ने मारे गै; ओ गरीबी च, ते कलेश च, ते दोख पोगदे ओई पिड्डें ते बकरयें दी खल्लें च पांदे ओई, इत्त्थैं-उत्थें पड़कदे रे;

³⁸ते जंगलें, ते पाड़ें, ते गुफें च, ते तरती दी दराड़ें च पड़कदे फिरे। दुनिया उन्दे काबल नेई ही।

³⁹विश्वास थमां गै इनें सारीयें गल्लें दे बारै च खरी गुआई दिती गेई, तां बी उनेंगी बायदा कित्ती दी चीज नेई मिली।

⁴⁰किके परमेसर ने साड़े आसतै पैलैं दी गै एक उत्तम गल्ल पक्की कित्ती, के ओ साड़े बगैर सेध आले पासेगी नेई पुज्जै।