Read Dogri इब्रानियों 12 Bible Online

इब्रानियों 12 - Dogri bible

इब्रानियों 12

¹एस कारन के गुआऐं दा ऐसा बड़ा बदल असेंगी केरे दा ऐ, तां आओ, अस अर एक रोकने आली चीज, ते अगें दौडने छा रोकने आले पाप गी दूर करियै, ओ दौड़ जेस च असैं दौड़ना ऐ, सबर कन्ने दौड़चै,

²ते विश्वास दे कर्ता ते सेध करने आले यीशु आली बखी तकदे रौचै, जेस ने ओस खुशी आसतै जेड़ी ओदे अगें रखी दी ही, शर्म दी केछ फिकर नेई करदे ओई, सूली दा दोख चेलया, ते परमेसर दे सिहासन दे सज्जी बखी जाई बैठा।

³एस आसतै ओस उपर त्यान दियो, जेस ने अपने वरोध च पापियें दा इन्ना बड़ा वरोध सैई लेता के तोस नराश ओईयै इम्त नेई छुड़ी दियो।

⁴तुसें पाप कन्ने लड़दे ओई ओस कन्ने ऐसी लड़ाई नेई कित्ती, के लोकें तुसेंगी अत्या करी दित्ता उवै,

⁵ते तोस ओस शिखया गी, जेड़ी तुसेंगी पुत्रें आला लेखा दिती जन्दी ऐ, पूली गै ओ; “ए मेरे पुत्तर, प्रभु दी सजा गी सौखी गल्ल नेई समझ, ते जेसलै ओ तुगी निखरै तां इम्त नेई छोड़।

⁶किके प्रभु, जेस कन्ने प्यार करदा ऐ, उसी ओ सुधारदा बी ऐ, ते जिसी पुत्तर समझदा ऐ, उसी ढणड़े बी मारदा ऐ।”

⁷तोस दोख गी पिता दी चेड़क समझीयै सैई लियो; परमेसर तुसेंगी पुत्तर समझीयै थुआड़े कन्ने सलूक करदा ऐ। ओ केड़ा पुत्तर ऐ जेस गी पिता नेई चेड़कै?

⁸जेकर ओ अपने पिता दी चेड़क जेसदे पागीदार सारे ओदे न, थुआड़ी चेडक नेई ओई, तां तोस ओदे पुत्तर नेई, पर ब्यभिचार दी औलाद ओए।

⁹पी जेसलै के साड़े शरीरक पिता बी असेंगी निखरदे हे, तान असैं उन्दा आदर कित्ता, तां के आत्मा दे पिता परमेसर दे ओर बी दीन नेई रौचै जेस कन्ने अस जिंदे रौचै।

¹⁰साड़े एस तरती दे पिता तां अपनी-अपनी समझ दे मताबक थुड़े दिनें आसतै निखरदे न, लेकन परमेसर तां साड़े फायदे आसतै करदा ऐ, के अस बी ओसदी पवित्रता दे पागीदार ओई जाचै।

¹¹ते एस बेलै च अर चाली दी चेड़क क्न्ने नन्द नेई, पर बसोस दी गै गल्ल लगती ऐ, तां बी जेड़े उसी बर्दाश-बर्दाश पक्के ओई गेदे न, बाद च उनेंगी चैन कन्ने तर्म दा फल मिलदा ऐ।

¹²एस आसतै टीले अथ्थें गी ते कमजोर गोडें गी सीधा करो,

¹³ते जेस चाल च चलना ऐ ओदा रस्ता सीधा बनाओ, के लंगड़ा पड़की नेई जा, लेकन पला चंगा ओई जा।

¹⁴सारें कन्ने मेल मलाप रखो, ते ओस पवित्रता दे खोजी ओई जाओ जेसदे बगैर कोई बी प्रभु गी कदें बी नेई दिखी सकग।

¹⁵ते त्यान कन्ने दिखदे रवो, ऐसा नेई उवै, के कोई परमेसर दी क्रपा थमां दूर रेई जा, जां कोई कौड़ी जड़ निकलियै दोख दियै, ते ओदे थमां मते सारे लोग बिगड़ी जान।

¹⁶ऐसा नेई उवै, के कोई जन व्यभिचारी, जां अब्राहम दे पोत्रू एसाव आला लेखा अतरमी ओई जा, जेस ने एक बार दी रुट्टी दे बदले अपने पहिलोठे ओनें दा औदा बेची दिता।

¹⁷तोस जांनदे ओ, के बाद च जेसलै ओसने अपने पिता दी आशीष मंगना चाई, तां ओ नां काबल गिनया गीया, ते अथरू कढी-कढी मंगने पर बी उसी मन गी फेरने दा मौका नेई मिलया।

¹⁸तोस तां ओस सीनै पाड़ दे ओ, जेड़ा छूता जाई सकदा हा, ते अग्गी कन्ने तप्पे दा हा, ते काला बदल, ते न्हेरा, ते अंधी दे कोल,

¹⁹ते तुरही दी बाज, ते बोलने आले दे ऐसी बाज दे कोल नेई आए, जेसदे सुनने आलें अर्ज कित्ती के, ऊन साड़े कन्ने ओर गल्लां नेई कित्तियां जांन।

²⁰किके ओ ओस उक्म गी नेई सैई सक्के “जेकर कोई पशु ओस सीनै पाड़ गी बी छुऐ, तां ओस उपर पत्थर मारी दिते जांन।”

²¹ते ओ दर्शन ऐसा डरावना हा, के मूसा ने आखया, “आऊँ मता डरे करना ते क्मबाना ऐ।”

²²लेकन तोस सिय्योन दे पाड़ दे कोल, ते जिंदे परमेसर दे शैर, सोर्ग देश यरूशलेम दे कोल ते लखां सोर्गदूत खुशीयां मनांदे न

²³ते उनै पहिलोठें दी आम सभा ते कलीसिया, जिंदे नां सोर्ग च लिखे दे न, ते सबनीं दा न्यायी परमेसर दे कोल, ते सेध कित्ते गेदे तर्मियें दियां आत्मा,

²⁴ते नमें करार दे बचोले यीशु, ते छड़काव दे ओस खून दे कोल आए ओ, जेड़ा हाबिल दे खून थमां उत्तम गल्लां करदा ऐ।

²⁵चकने रवो, ते ओस आखने आले कोलां मुंह नेई फेरो, किके ओ इस्राएल दे लोक जेसलै तरती उपर दे चतावनी देने आले थमां मुंह नेई मोड़ीयै बची नेई सक्के, तां अस सोर्ग चा चतावनी देने आले कोलां मुंह मोड़ीयै कियां बची सकगे?

²⁶ओस बेलै तां परमेसर ने सीनै पाड थमां अपनी बाज क्न्ने तरती गी लाइ दिता, लेकन ऊन ओसने ए बायदा कित्ती ऐ, “एक बार पी आऊँ नां सेर्फ तरती गी वरन अम्बर गी बी लाइ देगा।”

²⁷ते ए खास गल्ल एक बार पी एस गल्ल गी परकट करदी ऐ, के जेड़ीयां चीजां लाइयां जंदियां न, ओ रची दियां ओनें दे कारन टली जागन; तां जे जेड़ीयां चीजां लाइयां नेई जंदियां, ओ अटल बनी दियां रौन।

²⁸एस कारन अस एस राज गी पाईयै जेड़ा इलने आला नेई, ते ओस क्रपा गी अपने अथ्थां चा नेई जान दियो, जेस थमां अस पक्ति, ते डर क्न्ने, परमेसर दी ऐसी अराधना करी सकनयां न जेस छा ओ खोश ओंदा ऐ;

²⁹किके साड़ा परमेसर पस्म करने आली अग्ग ऐ।