Read Dogri इब्रानियों 13 Bible Online

इब्रानियों 13 - Dogri bible

इब्रानियों 13

¹पाईचारे दे प्रेम च बने दे रवो।

²बखलें दा आदर-खात्र करना नेई पुलियो, किके एस थमां कन्ने लोकें सोर्गदूतें दा अनजाने च आदर खातर कित्ता ऐ।

³कैदीयें दा ऐसा ख्याल करो, के समझो तोस बी उन्दे क्न्ने कैदखाने ओ, ते जिंदे कन्ने बुरा सलूक कित्ता जन्दा ऐ, उन्दा बी ए समझीयै ख्याल करो, के साड़ी गै जिंदु दे अंग न।

⁴ब्याह सारें च आदर दी गल्ल समझी जा, ते ब्याह दा बशेंन निर्मल रवै, किके परमेसर ब्यभिचारयें, ते पराई जनानी गी दिखने आलें दा न्याय करग।

⁵थुआड़े सवाव च लालच नेई उवै, ते जे केछ थुआड़े कोल ऐ, उसै कन्ने गै संदोख करो; किके परमेसर ने अप्पुं गै आखे दा ऐ, “आऊँ तुगी कदें बी नेई छुड़गा, ते नां कदें त्यागगा।”

⁶एस आसतै अस परोसे कन्ने आखनयां न, “प्रभु मेरा मददगार ऐ, आऊँ नेई डरगा; मनुक्ख मेरा के करी सकदा ऐ?”

⁷जेड़े थुआड़े अगबें हे, ते जिनैं तुसेंगी परमेसर दा वचन सनाया ऐ, उन्दा चेता करो; ते त्यान कन्ने उन्दे चाल-चलन गी दिखियै उन्दे विश्वास दी नकल करो।

⁸यीशु मसीह कल ते अज्ज ते योग-योग आसतै इको जियां ऐ।

⁹केई केसम दियें ते बखरीयें शिख्यें थमां नेई परमाए जाओ, किके मन गी क्रपा कन्ने मजबूत रौना पला ऐ, नां गै उनै खाणे पीने आलियें चीजें थमां केछ फायदा ओया जीनें, छड़ा उन्दे उपर गै दे दिता ऐ।

¹⁰साड़ी एक ऐसी बेदी ऐ, जेस चा खाणे दा आक्क उनै लोकें गी नेई, जेड़े तम्बू दी सेवा करदे न।

¹¹किके जिनैं डंगरें दा खून महायाजक पाप-बलि आसतै पवित्र जगै च लेई जन्दा ऐ, उन्दा शरीर तम्बू दे बार जालया जन्दा ऐ।

¹²एसकरी, यीशु ने बी लोकें गी अपने गै खून थमां पवित्र करने आसतै यरुश्लेम दे बार सूलीयै उपर दोख चेलया।

¹³एस आसतै आओ, अस ओस निंदाया गी जेड़ी युशी ने सूलीयै उपर यरूशलेम दे बार चेली अपने उपर लेचै।

¹⁴किके इत्त्थैं साड़ा कोई मेशा दा कर नेई, वरन अस एक औने आले शैर दी तलाश च न।

¹⁵एस आसतै अस ओदे थमां स्तुति आला लेखा कुर्बानी, मतलब उनै ओठें दा फल जेड़े ओदे नां गी अंगीकार करदे न, परमेसर आसतै मेशा लेई चढावा चढ़ांदे रौचै।

¹⁶पलाई करना ते खुशी क्न्ने देना नेई पुलियो, किके परमेसर ऐसी कुर्बानी कन्ने खोश ओंदा ऐ।

¹⁷अपने अगबें दा उक्म मनो; ते उन्दे दीन रवो, किके ओ उन्दे आला लेखा थुआड़े प्राणें आसतै बिजे दे रौंदे, जिनैं लेखा देना पौग; के ओ ए कम खुशी कन्ने करन, नां दुखी ओईयै, किके एस आलत च तुसेंगी कोई फायदा नेई।

¹⁸साड़े आसतै प्रार्थना करदे रवो, किके असेंगी परोसा ऐ, के साड़ी अन्तर आत्मा शोद्ध ऐ; ते अस सारीयें गल्लें च खरी चाल चलना चानयां न।

¹⁹प्रार्थना करने आसतै आऊँ तुसेंगी ओर बी जोश दिना ऐं, तां जे आऊँ तौला गै थुआड़े कोल पी आई सक्कां।

²⁰ऊन शान्ति देने आला परमेसर, जेड़ा साड़े प्रभु यीशु गी मतलब पिड्डें दा बड़ा राखी करने आला ऐ मेशा दे करार दे खून दे गुणें कन्ने मरें दें बिचा जिंदा करियै लेई आया,

²¹तुसेंगी ओ अर एक पली गल्ल च सेध करै, जेस कन्ने तोस ओसदी मर्जी पूरी करो, ते जे केछ उसी छैल लगदा ऐ, उसी यीशु मसीह थमां साड़े च पूरा करै। ओसदी मैमा योग-योग ओंदी रवै। आमीन।

²²ए विश्वासी प्राओ, आऊँ थुआड़े कन्ने अर्ज करना ऐं, के एस शिखया दी गल्लें गी सैई लियो, किके मैं तुसेंगी सारीयें गल्लें दे नचोड़ च लिखे दा ऐ।

²³तोस ए समझी लियो के तीमुथियुस, साड़ा प्रा कैद चा छोड्की गेदा ऐ ते जेकर ओ तौला आई गीया, तां आऊँ ओदे कन्ने आईयै थुआड़े कन्ने मुलाका त करगा।

²⁴अपने सारें अगबें ते सारे पवित्र लोकें गी नमस्ते बोलो। इतालिया दे रौने आले तुसेंगी नमस्ते बोलदे न।

²⁵थुआड़े सबनी उपर परमेसर दी क्रपा ओंदी रवै। आमीन।