Read Dogri इब्रानियों 3 Bible Online

इब्रानियों 3 - Dogri bible

इब्रानियों 3

¹एस आसतै ए पवित्र प्राओ, तोस जेड़े सोर्ग दी बुलाट दे पागी ओ, ओस प्रेरित ते महायाजक यीशु उपर जिसी अस अंगीकार करनयां न, त्यान दियो।

²ओ अपने चुननें आले आसतै मानदार हा, जियां मूसा बी परमेसर दे सारे कर च हा।

³किके यीशु मूसा थमां इनां बद मैमा दे काबल समझा गीया ऐ, जियां के कर गी बनाने आला कर कोलां बद आदर दे योग ऐ।

⁴किके अर एक कर दा कोई नां कोई बनाने आला ओंदा ऐ, लेकन जेस ने सारा केछ बनाया ओ परमेसर ऐ।

⁵मूसा तां परमेसर दे सारे कर च मानदार सेवक आला लेखा रिया, के जेड़ीयां गल्लां ओनें आलियां हां, उन्दी गुआई दिती।

⁶लेकन मसीह पुत्तर आला लेखा परमेसर दे कर दा आक्दार ऐ; ते ओसदा कर अस एै, जेकर अस इम्त कन्ने ते अपनी आस दे कमंड उपर खीरी तकर मजबूती कन्ने टिके रौचै।

⁷एस आसतै जियां पवित्र आत्मा थमां आखदा ऐ, “जेकर तोस अज्ज परमेसर दी बाज सुनो,

⁸तां अपने मन गी कठोर नेई करो, जियां के गुस्सा चढ़ाने दे बेलै ते परिख्या दे देन इस्राएलियें संसान जगै च कित्ता हा।

⁹जिथें थुआड़े पिता दादें मिकी चाली साल जाचियै परखया ते चली साल तकर मेरे चमत्कार कम दिखे।

¹⁰एस कारन आऊँ ओस बेलै दे लोकें कन्ने क्रोधें च रिया, ते आखया, ईदे मन मेशा पटकदे रौंदे न, ते इनें मनां करी दिता जे मैं उनेंगी करने आसतै आखया।

¹¹ओस बेलै मैं गुस्सै च आईयै कसम खादी, ओ मेरे बसां दी जगै च नेई आई सकगन।”

¹²ए साथी प्राओ ते पैनो, चकने रवो, के थुआड़े बेच ऐसे बुरे ते अवश्वासी मन आले नेई ओंन, जेड़े तुसेंगी जिंदे परमेसर थमां दूर लेई जांन।

¹³बरना जेस देन तकर अज्ज दा देन आखया जन्दा ऐ, तोस अर देन एक दुए गी औसला दिन्दे रवो, ऐसा नेई उवै, के थुआड़े बिचा कोई जन पाप दे तोखे च आईयै कठोर ओई जा।

¹⁴किके अस मसीह दे पागीदार बनें दे न, जेकर अस अपने पैलैं आले विश्वास उपर खीरी तकर औसले कन्ने टिके दे रौचै।

¹⁵जियां पवित्र शास्त्र च आखया जन्दा ऐ, “जेकर तोस अज्ज ओसदी बानी सुनो, तां अपने मनें गी कठोर नेई करो, जियां गुस्सा चढ़ाने दे बेलै कित्ता हा।”

¹⁶पला ओ कोन लोक न जीनें परमेसर दी बाज सुनीयै बी उसी गुस्सा चढ़ाया? के उनै सबनी नेई, जेड़े मूसै थमां मिस्र देश बिचा निकले हे?

¹⁷ते ओ चाली साल तकर उनै लोकें कन्ने गुस्सै च रिया? के उन्दे कन्ने नेई, जिनैं पाप कित्ता, ते उन्दिआं लाशां जंगल च पेदीयां रेयां?

¹⁸ते ओसने कोदे कन्ने कसम खादी, के तोस मेरे अराम दी जगै च दाखल नेई ओई सकगे? के सेर्फ उन्देगै कन्ने नेई जिनैं परमेसर दा उक्म नेई मनया?

¹⁹एस आसतै अस दिखनयां न, के ओ अवश्वास दे कारन दाखल नेई ओई सक्के।