Read Dogri इब्रानियों 6 Bible Online

इब्रानियों 6 - Dogri bible

इब्रानियों 6

¹एस आसतै आओ मसीह दी शिखया दी शुरू दियें गल्लें गी छुड़ीयै अस सिधता आली बखी अगें बददे जाचै, ते मरें दे कम्में थमां मन फराने, ते परमेसर उपर विश्वास करने,

²ते पवित्रशनांन ते अथ्थ रखने, ते मोयें दें चा जिंदा ओनें, ते मेशा दी सजा आली शिखयारूपी नीं, पी नेई पाचै।

³जेकर परमेसर मौका देग तां अस इयै करगे।

⁴किके जिनैं एक बार लो थोईए, ते जेड़े सोर्ग दे वरदान दा सुआद चखी चुके दे न ते पवित्र आत्मा दे पागीदार ओई चुके दे न,

⁵ते परमेसर दे उतम वचन दा ते औने आले योग दी शक्ति दा सुआद चखी चुके दे न,

⁶जेकर ओ पडकी जांन तां उनेंगी मन फराने आसतै पी नमां बनाना मुश्कल ऐ; किके ओ परमेसर दे पुत्तर गी अपने आसतै पी सूली उपर चाढ़दे न ते परकट च ओस उपर कलंक लांदे न।

⁷किके जेड़ी जमीन बरखा दे पानी गी, जेड़ा ओस उपर बार-बार पौंदा ऐ, पीयै जिनैं लोकें आसतै ओ राई-बाई जन्दी ऐ, उन्दे कम दा सागपत पैदा करदी ऐ, ओ परमेसर थमां आशीष पांदी ऐ।

⁸लेकन जेकर पिछें अटे दे लोक जेड़े परमेसर गी खोश नेई करदे ओ कंडै ते ऊंटकटारे पैदा करदे न, तां नकमी ते श्राप लेने उपर न, ते ओसदा खातमा फुकी देने क्न्ने गै।

⁹लेकन ए प्यारो, आलां के अस ए गल्लां करनयां न, तां बी थुआड़े बारै च अस एस थमां खरी ते मुक्ति आलीं गल्लें दा विश्वास करने आं।

¹⁰किके परमेसर बेन्यायी नेई, के थुआड़े कम, ते ओस प्यार गी पूली जा, जेड़ा तुसें ओदे नां आसतै एस रीति कन्ने दसया, के पवित्र लोकें दी सेवा कित्ती ते अजें बी करा करदे ओ।

¹¹लेकन अस मता चानयां न, के थुआड़े बिचा अर एक ऐन्त तकर पूरी आस-आसतै इयै जेई गै कोष्ट करदा रवै।

¹²तां जे तोस आलसी नेई ओई जाओ, वरन उन्दी नकल करो, जेड़े विश्वास ते सबर थमां बायदे दे वारस ओदे न।

¹³परमेसर ने अब्राहम कन्ने बायदा करदे बेलै जेलै कसम खाणे आसतै कुसे गी अपने थमां बड़ा नेई दिखया, तां अपनी गै कसम खाईयै आखया,

¹⁴“आऊँ सच्चें गै तुगी बड़ी आशीष देगा, ते तेरी औलाद गी बदांदा जागा।”

¹⁵ते एस रीति कन्ने अब्राहम ने सबर करियै बायदा दी गल्ल आसल कित्ता।

¹⁶मनुक्ख तां अपने थमां कुसे बड्डे दी कसम खंदे न, ते उन्दे अर एक मुकद्दमे दा फैसला कसम कन्ने पक्का ओंदा ऐ।

¹⁷एसकरी जेसलै परमेसर ने बायदा दे वारसें उपर ओर बी साफ़ रीति कन्ने परकट करना चाया, के ओसदा मकसद बदली नेई सकदा, तां कसम गी बेच अन्दा।

¹⁸तां जे दो नेई बदलने आलियें गल्लें थमां, जिंदे बारै च परमेसर गी चुट्ठा आ आखना नां मुमकिन ऐ, मजबूती कन्ने साड़ी इम्त बझी जा, जेड़े शरण लेने गी एस आसतै दौड़े न, के ओस आस गी जेड़ी साड़े अगें रखी गेदी ऐ आसल करचै।

¹⁹ओ आस साड़े प्राण आसतै ऐसा लंगर ऐ, जेड़ा अटल ते पक्का ऐ, ते पर्दे दे अन्दर तकर पुज्जदा ऐ,

²⁰जिथें यीशु ने मलिकिसिदक दी रीति उपर मेशा दा महायाजक बनियै, साड़े आसतै मेशा दा अगबें दे रूप च दाखल ओया ऐ।