Read Dogri इब्रानियों 7 Bible Online

इब्रानियों 7 - Dogri bible

इब्रानियों 7

¹ए मलिकिसिदक शालोम शैर दा राजा, ते परमप्रधान परमेसर दा याजक, मेशा आसतै बना रौंदा ऐ। जेसलै अब्राहम राजें गी मारीयै बापस आया हा, तां इसै ओस कन्ने मुलाका त करियै उसी अशीर्वाद दिती।

²इसी गै अब्राहम ने सारीयां चीजें दा दसमा इस्सा बी दिता। ए पैलैं अपने नां दे मतलब दे मताबक, तर्म दा राजा, ते पी शालोम जेसदा मतलब शान्ति दा राजा ऐ।

³जेसदा नां पिता, नां मां, नां बैंस्सावली ऐ, जेसदे दिनें दी शुरुआत ऐ ते नां जिंदड़ी दा ऐन्त ऐ; लेकन परमेसर दे पुत्तर दे रूप च बनियै ओ मेशा आसतै याजक बना रौंदा ऐ।

⁴ऊन एस उपर त्यान दियो के मलिकिसिदक किनां मांन हा जिसी कोलपति अब्राहम ने अच्छे कोलां अच्छे माल गी लूटियै ओदा उसी दसमां इस्सा दिता।

⁵लेवी दी संतान बिचा जिनेंगी याजक दा औदा मिलदा, उनेंगी उक्म मिला ऐ, के लोकें, गी मतलब अपने इस्राएली प्राऐं थमां, पावें ओ अब्राहम दी गै जिंदु थमां कि नेई जम्मे ओंन, कनून दे मताबक ओ दसमां इस्सा लैंन।

⁶लेकन मलिकिसिदक, जेड़ा लेवी वंश दा बी नेई हा, अब्राहम थमां दसमां इस्सा लेता, ते जिसी बायदा मिले दे हे उसी अशीर्वाद दिती।

⁷एस च शक नेई, के जेड़ा सीस दिन्दा ऐ ओ अशीर्वाद लेनें आले कोलां बड़ा ओंदा ऐ।

⁸ते इत्थैं तां मरनें आले याजक बी दसमां इस्सा लैंदे न, लेकन उत्थें मलिकिसिदक गै लैंदा ऐ, जेसदी गुआई दिती जन्दी ऐ, के ओ जिंदा ऐ।

⁹ते अस एबी आखी सकनयां न, के लेवी ने बी, जेड़ा दसमां इस्सा लैंदा ऐ, अब्राहम थमां दसमां इस्सा दिता।

¹⁰किके जेसलै मलिकिसिदक ने ओदे पिता कन्ने मुलाका त कित्ती, ओस बेलै ओ अपने पिता दी जेंद च हा।

¹¹जेकर लेवी याजक दे औदे थमां सिद्धि आसल ओई सकदी ऐ (जेसदे सारै लोकें गी कनून मिलदा हा) तां पी के जरुरत ही, के दुआ याजक मलिकिसिदक आला लेखा खड़ा उवै, ते हारून दी रीति दा नेई आखया जा?

¹²किके जेसलै याजक दा औदा बदलया जन्दा ऐ, तां कनून दा बी बदलना जरुरी ऐ।

¹³किके जेसदे बारै च ए गल्लां आखीयां जंदियां न, ओ दुए गोत्र दा ऐ, जिन्दे चा कुसे बेदी दी सेवा नेई कित्ती,

¹⁴तां ए परकट ऐ, के साड़ा प्रभु यीशु यहूदा दे गोत्र बिचा आया ऐ, ते एस गोत्र दे बारै च मूसा ने याजक औदे दी केछ चर्चा नेई कित्ती।

¹⁵साड़ा आ आखना तां ओर बी साफ़ परकट ओई जन्दा ऐ, जेसलै मलिकिसिदक आला लेखा एक ओर ऐसा याजक पैदा ओनें आला हा,

¹⁶जेड़ा जिंदु दे उक्म दे कनून दे मताबक नेई, लेकन नां खत्म ओनें आली जिंदड़ी दी शक्ति दे मताबक पक्का कित्ता दा उवै।

¹⁷किके पवित्र शास्त्र च ओदे बारै च ए गुआई दिती गेदी ऐ, “तू मलिकिसिदक दी रीति उपर योगयोग दा याजक ऐं।”

¹⁸एस रीति क्न्ने, पैला उक्म कमजोर; ते नेष्फल ओनें ने कारन लोप्प्त ओई गीया।

¹⁹(एस आसतै के मूसा दे कनून ने कुसे गल्ल दी सिद्धि नेई कित्ती), ते ओसदी जगा उपर एक ऐसी उतम आस रखी गेदी ऐ जेस थमां अस परमेसर दे कोल जाई सकनयां न।

²⁰ते एस लेई मसीह गी चुनना परमेसर दी करार दे बगैर नेई ओया,

²¹किके लेवी दी पीढ़ी बिचा बगैर करार दे याजक चुने गै लेकन यीशु कसम दे कन्ने परमेसर थमां चुनयां गीया जेस ने ओदे बारै च आखया, “प्रभु ने कसम खादी, ते ओ ओस लेई पी नेई पछाताग, के तुं योग-योग दा याजक ऐं।”

²²एसकरी यीशु एक उतम बायदे दा जामन बनया।

²³ओ तां गिनती च याजकें बनदे आए, एस दा कारन ए हा के मौत उनेंगी रैना नेई दिन्दी ही;

²⁴लेकन यीशु योग-योग तकर रौंदा ऐ; एस कारन ओसदा याजक दा औदा अटल ऐ।

²⁵एस आसतै जेड़े यीशु थमां परमेसर दे कोल औंदे न, ओ उन्दा पूरा-पूरा उद्धार करी सकदा ऐ, किके ओ उन्दे लेई अर्ज करने आसतै मेशा जिंदा ऐ।

²⁶किके ऐसा गै महायाजक साड़े लेई काबल हा, जेड़ा पवित्र, ते नेष्खपट, ते साफ़, ते पापियें थमां लग, ते सोर्ग थमां बी उच्चा कित्ता गेदा उवै।

²⁷उनै महायाजकें आला लेखा जेड़े हारून दे पीढ़ी दे हे, उन्दे आला लेखा यीशु गी जरुरत नेई के अर रोज पैलैं अपने पापें ते पी लोकें दे पापें आसतै बलि चढ़ा; किके यीशु ने अपने आप गी कुर्बान करियै उसी एक बारी गै पूरा करी दिता।

²⁸किके कनून दे मताबक जेड़ा सेध नेई महायाजक चुनयां जन्दा ऐ, लेकन ओस करार दा वचन, जेड़ी कनून दे बाद खादी गेई, ओस पुत्तर गी चुनदा ऐ जेड़ा योग-योग आसतै सेध कित्ता गीया ऐ।