Read Dogri इब्रानियों 9 Bible Online

इब्रानियों 9 - Dogri bible

इब्रानियों 9

¹ओस पैले बादा च बी सेवा दे कनून हे, ते ऐसी पवित्र जगा ही जेड़ी एस दुनिया दी ही।

²मतलब एक तम्बू बनाया गीया, पैले तम्बू च दीवट, ते मेज, ते पेंट दी रूटटीयां हियां; ते उसी पवित्र जगा आखया जन्दा ऐ।

³ते दुवा ऐसा, पर्दे दे पिछें ओ तम्बू हा, जिसी परम पवित्र जगा आखया जन्दा ऐ।

⁴ओदे च सुन्ने दी धूपदानी, ते चौनी बखी दा सुन्ने कन्ने मढ़े दा करार दा संदुख ते एस च मन्ना कन्ने परे दा सुन्ने दा पांढा ते हारून दी सोटी जेस च फोल फल आई गेदे हे ते करार दियां पट्टियां हियां।

⁵ओदे उपर दमै मैमा योग करुब हे, जेड़े प्राचेत्त दे टकन उपर अपनी बगलें क्न्ने छाऊं करा करदे हे; इंदा एक-एक करियै खलास करने दा बेला नेई ऐ।

⁶ए चीजां एस रीति कन्ने त्यार ओई चुकियां। ओस पैले तम्बू च तां याजकें अर बेलै दाखल ओईयै सेवा दे कम पूरा करदे न,

⁷लेकन दुए तम्बू च सेर्फ महायाजक साल दे एक बार गै जन्दा ऐ, ते बगैर खून लेते दे तम्बू च नेई जन्दा; जिसी ओ अपने आसतै ते लोकें दी पोल चोक आसतै चढ़ांदा ऐ।

⁸एस कन्ने पवित्र आत्मा इयै दसदा ऐ, के जेसलै तकर पैला तम्बू मजूद दा ऐ, ओस बेलै तकर पवित्र जगा दा रस्ता परकट नेई ओया।

⁹ते ए तम्बू ऊन दे बेलै आसतै एक मसाल ऐ; जेस च ऐसी पेंट ते बलि चढ़ाईयां जंदियां न, जिन्दे कन्ने अराधना करने आलें दी अन्तर आत्मा सेध नेई ओई सकदी।

¹⁰किके ओ सेर्फ खाणे-पीने दी चीजें, ते पांति-पांति दे पवित्रशनांन दी विधियें दे मताबक जिंदु दे निजम न, जेड़े सधार दे बेलै तकर चुनें गेदे न।

¹¹लेकन जेसलै मसीह औने आली खरी-खरी चीजें दा महायाजक ओईयै आया, तां ओसने ओर बी बड्डे ते सेध तम्बू थमां ओईयै, जेड़ा अथ्थ दा बनाए दा नेई, मतलब एस सृष्टि दा नेई,

¹²ते बकरें ते बछड़ें दा खून थमां नेई, लेकन अपने गै खून थमां, एक गै बार पवित्र जगा च दाखल ओया, ते मेशा दा छुटकारा आसल कित्ता।

¹³किके जेसलै बकरें ते दांदें दा खून ते ब्छुए दी सुआ दा अशोद्ध लोकें उपर छेड़कना जिंदु गी शोद्ध ओनें आसतै उनेंगी पवित्र करदा ऐ,

¹⁴तां मसीह दा खून जेस ने अपने आप गी सनातन आत्मा थमां परमेसर अगें बेकसुर पेंट चढ़ाया, थुआड़ी अन्तर आत्मा दे मरे दे कम्में थमां कि नेई शोद्ध करग, तां जे तोस जिंदे परमेसर दी सेवा करो।

¹⁵एस आसतै ओ नमें करार दा बचोले ऐ, तां जे ओस मौत थमां जेड़ी पैले करार दे बेलै दे पापें थमां छुटकारा पाने आसतै ओई दी ऐ, बलाए दे लोग बायदे दे मताबक मेशा दी जैदाद आसल करचै।

¹⁶किके जिथें करार नामां कित्ता जन्दा ऐ, उत्थें करार देने आले दी मौत दा बी समझना जरुरी ऐ।

¹⁷किके ऐसा करार नामां मरने उपर पक्का ओंदा ऐ, ते जेसलै तकर करार देने आला जिंदा रौंदा ऐ, ओस बेलै तकर करार कम दा नेई ओंदा।

¹⁸एस आसतै पैला करार नामां बी बगैर खून दे नेई कित्ता जन्दा।

¹⁹किके जेसलै मूसा सबनी लोकें गी कनून दा अर एक उक्म सनाई चुकया तां ओसने बछड़ें ते बकरें दा खून लेईयै, पानी ते लाल ओन, ते जुफा दे कन्ने, ओस कनून दी कताब उपर ते सारें लोकें उपर छेड़की दिता

²⁰ते आखया, “ए ओस करार दा खून ऐ, जेसदा उक्म परमेसर ने थुआड़े आसतै दिता ऐ।”

²¹ते इसै रीति कन्ने ओसने तम्बू ते सेवा दी सारी चीजें उपर खून छेड्कया।

²²ते कनून दे मताबक; लगपग सारीं चीजां खून थमां शोद्ध कित्तियां जांदियां न, ते बगैर खून रोढ़े दे पापें दी माफी नेई ओंदी।

²³एस आसतै जरुरी ऐ, के सोर्ग दी चीजें दी छां इनें बलि थमां शोद्ध कितीयाँ जांन, लेकन सोर्ग दियां असली चीजां अप्पुं इंदे थमां उत्तम कुर्बानीयें क्न्ने शोद्ध कित्तियां जन्दीयां।

²⁴किके मसीह ओस अथ्थ दे बनाए दे पवित्र जगा च, जेड़ा सच्चे पवित्र जगा दा नमूना ऐ, दाखल नेई ओया, लेकन सोर्ग च गै दाखल ओया, तां जे साड़े आसतै अज्ज परमेसर दे सामनें लबै।

²⁵ऐ नेई के ओ अपने आप गी बार-बार चढ़ा, जियां के यहूदी महायाजक अर साल दुए दा खून लेईयै पवित्र जगै च दाखल ओंदा ऐ,

²⁶नेई तां दुनिया पैदा ओनें थमां लेईयै उसी बार-बार दोख चेलना पौंदा; लेकन ऊन योग दे खीरी च ओ एक गै बार परकट ओया ऐ, तां जे अपनी गै कुर्बानी थमां पाप गी दूर करी दियै।

²⁷ते जियां मनुक्खें आसतै एक बार मरना ते ओदे बाद न्याय दा ओना पक्का ऐ,

²⁸उयांगै मसीह बी सबनी दें पापें गी अरी लेने आसतै एक बार कुर्बान ओया; ते जेड़े लोग ओसगी बलगा करदे न, उन्दे उद्धार आसतै दुई बार बगैर पाप चुके दे लबग।