Read Dogri याकूब 2 Bible Online

याकूब 2 - Dogri bible

याकूब 2

¹ए मेरे प्राओ, साड़े मैमा योकत प्रभु यीशु मसीह दा विश्वास थुआड़े च तरफदारी कन्ने नेई उवै।

²एक मनुक्ख सुने दे छल्ले ते छैल कपड़े लाईयै थूआडी संगत च अवै, ते एक गरीब बी मैले कचैलें कपड़े लाईयै अवै,

³ते तोस ओस छैल कपड़े आले गी त्यांन क्न्ने दिखियै आखो, “तोस इत्थैं छैल जगै बैठो,” ते ओस गरीब गी आखो, “तू उत्थें खड़ोते दा रो,” जां “मेरे पैरें कोल पूञाँ बेई जा।”

⁴ते के तुसें अप्पुं बिचें पेद पाव नेई कित्ता ते बुरे वचार कन्ने न्याय करने आले नेई बनें?

⁵ए मेरे प्यारे प्राओ, सुनो! के परमेसर ने एस दुनिया दे गरीबें गी नेई चुनयां के विश्वास च मीर ते ओस राज दे आक्दार ओंन, जेसदा बायदा ओसने उन्दे कन्ने कित्ते दा ऐ जेड़े ओस कन्ने प्यार करदे न?

⁶लेकन तुसें ओस गरीब दी बेशती कित्ती। के मीर विश्वासी लोग थुआड़े उपर अत्याचार नेई करदे ते के उवै गै तुसेंगी कचैरीयें च कसीटी-कसीटी नेई लेई जन्दे?

⁷के ओ ओस आदर आले नां दी निंदया नेई करदे जेसदे तोस आखे जन्दे ओ?

⁸तां बी जेकर तोस पवित्र शास्त्र दे एस वचन दे मताबक, “तू अपने गुआंडी कन्ने अपने जेया प्यार करें,” सचें गै ओस राज दे कनून गी पूरा करदे ओ, तां सेई गै करदे ओ।

⁹लेकन जेकर तोस तरफदारी करदे ओ, तां पाप करदे ओ; ते कनून तुसेंगी पापी खुआन्दा ऐ।

¹⁰किके जेड़ा कोई सारे कनून दा पालन करदा ऐ लेकन एक गै गल्ल च शुडकी जा तां ओ सारीयें गल्लें च कसुरबार ओई चुके दा ऐ।

¹¹एसकरी के जेस ने ए आखया, “तू ब्यभिचार नेई करयां” उसै गै एबी आखया, “तू अत्या नेई करयां,” एसकरी जेकर तो ब्यभिचार तां नेई कित्ता, अत्या कित्ती तां बी तू कनून गी टालने आला बनया।

¹²तोस उनै लोकें आला लेखा वचन बोलो, ते कम बी करो, जिंदा न्याय अजादी दे कनून दे मताबक ओग।

¹³किके जेस ने दया नेई कित्ती, ओसदा न्याय बगैर दया दे ओग; दया न्याय उपर जय पांदी ऐ।

¹⁴ए मेरे विश्वासी पराओ, जेकर कोई आखे के मिकी प्रभु यीशु मसीह च विश्वास ऐ लेकन ओ कर्म नेई करदा उवै, तां एस दा के फायदा? के ए जेया विश्वास उसी बचाई सकदा दा ऐ?

¹⁵जेकर कोई प्रा जां पैन बिना कपड़े दे ओंन, ते उनेंगी अर रोज रुट्टी दी थोड उवै,

¹⁶ते थुआड़े बिचा कोई उनेंगी आखे, “खुशी कन्ने जाओ, तोस गर्म ते रज्जे दे रवो,” लेकन जेड़ीयां चीजां जिंदु आसतै जरुरी न ओ उनेंगी नेई दे, तां के फायदा?

¹⁷उयांगै विश्वास बी, जेकर अच्छे कर्म कन्ने नेई उवै तां ओ अपने सभह बेच मरे दा ऐ।

¹⁸बरना कोई आखी सकदा ऐ, “तुगी विश्वास ऐ, ते आऊँ अच्छे कर्म करना ऐं।” मगर आऊँ आखना ऐं तू अपना विश्वास मिकी कर्म दे बगैर साबत करियै दस; ते आऊँ अपना विश्वास अपने अच्छे कर्म क्न्ने तुगी दसगा।

¹⁹तुगी विश्वास ऐ के एक गै परमेसर ऐ; तू ठीक करना ऐ। दोष्टआत्मायें बी विश्वास करदीयां न, ते परमेसर दे अगें कम्बदीयां न।

²⁰लेकन ए मुर्ख मानु, के तू एबी नेई जानदा के अच्छे कर्म दे बगैर विश्वास बेकार ऐ,

²¹जेसलै साड़े पिता अब्राहम ने अपने पुत्तर इसहाक गी बेदी उपर चढ़ाया, तां के ओ कर्मे कन्ने तर्मी नेई बनया हा?

²²एस आसतै तो दिखी लेता के विश्वास ने ओदे कर्मे कन्ने मिलीयै प्रभाव पादा ऐ, ते ओदे कर्मे कन्ने विश्वास सेध ओया

²³ते पवित्र शास्त्र दा ए वचन पूरा ओया; “अब्राहम ने परमेसर दा विश्वास कित्ता, ते ए ओस आसतै तरमी गिनया गीया,” ते ओ परमेसर दा मित्र आखया गीया।

²⁴एसकरी तुसें दिखी लेता के मनुक्ख सेर्फ विश्वास कन्ने गै नेई, बरना कर्मे कन्ने बी तर्मी ठैरदा ऐ।

²⁵उयांगै राहाब वेश्या बी, जेसलै ओसने परमेसर दे दूतें गी अपने कर च तुआरया, ते दुए रस्ते थमां विदा कित्ता, तां के ओ कर्मे कन्ने तर्मी नेई बनी?

²⁶जियां जेंद आत्मा दे बगैर मरी दी ऐ, उयांगै विश्वास बी अच्छे कर्म दे बगैर मरे दा ऐ।