Read Dogri याकूब 3 Bible Online

याकूब 3 - Dogri bible

याकूब 3

¹ए मेरे विश्वासी प्राओ, थुआड़े बिचा मते परमेसर दे वचन दे गुरु नेई बनन, किके तोस जांनदे ओ, के असैं गुरूओं दा ओर बी सख्ती कन्ने न्याय कित्ता जाग।

²एस लेई के अस सारे केई बार ठोकर खनयां जेड़ा कोई अपने वचन च ठोकर नेई खंदा, उवै तां सेध मनुक्ख ऐ; ते सारी जिंदु उपर बी लगांम लाइ सकदा ऐ।

³जेलै अस अपने वश च करने आसतै कोड़े दे मुंह च लगांम पानयां न, तां अस उन्दी सारी जेंद गी बी मोड़ी सकनयां न।

⁴दिखो, चाज बी, आलां के एड्डे बड्डे ओदे न, ते तेज अवा कन्ने चलाए जन्दे न, तां बी एक निक्के जे चप्पू क्न्ने चलाने आले दी मर्जी दे मताबाक मोड़े जन्दे न।

⁵उयांगै जिभ बी एक निक्का जीया अंग ऐ ते बड्डीयां-बड्डीयां फौड़ां मारदी ऐ। दिखो कियां, थुडी जेई अग्ग कन्ने बड्डे जंगल च अग्ग लगी जन्दी ऐ।

⁶जिभ बी एक अग्ग ऐ, जिभ साड़ी जिंदु दे अंगें च बड़ी बराई दा एक पणडार ऐ, ते सारी जेंद उपर दाग लांदी ऐ, ते जिंदड़ी दे चकर च अग्ग लाइ दिन्दी ऐ, ते नरक दे कोण्ड दी अग्ग च जलदी रौंदी ऐ।

⁷किके अर किसम दे जंगली-जानबर, पैंछी, ते पूञाँ चलने आले जिव-जेंतु, ते जल च रौने आले जिव तां मनुक्ख जाती दे वश च ओई सकदे न ते ओई बी गेदे न।

⁸लेकन जिभ गी मनुक्खें बिचा कोई बी वश च नेई करी सकदा; ओ एक ऐसी बला ऐ जेड़ी कदें खड़ोंदी गै नेई, ओ प्राण लेने आले जैर कन्ने परोची दी ऐ।

⁹इसै कन्ने अस प्रभु ते पिता परमेसर दी स्तुति करनयां न, ते इसै कन्ने मनुक्खें गी जेड़े परमेसर दे आला लेखा च पैदा ओदे न श्राप दिंदे न।

¹⁰एक गै मुंह बिचा तन्वाद ते श्राप दुए निकलदे न, ए मेरे प्राओ, ऐसा नेई ओना चाईदा।

¹¹के चशमें दे एक गै मुंह बिचा मीठा ते कौड़ा पानी दुए निकलदे न?

¹²ए मेरे प्राओ, के अंजीर दे बूट्टे च जैतून, जां दाख दी बेल च अंजीर लगी सकदे न? उयांगै कौड़े चशमें चा मिट्ठा पानी नेई निकली सकदा।

¹³थुआड़े च ज्ञानवान ते समझदार कोन ऐ? जेड़ा ऐसा उवै ओ अपने कम्में गी अच्छी चाल चालन थमां ओस लिमगी कन्ने परकट करै जेड़ी अक्ल कन्ने पैदा ओंदी ऐ।

¹⁴लेकन जेकर तोस अपने-अपने मन च कौड़ी जलन ते मतलबी ओदे ओ, तां फौड़ां नेई मारनीयां ते नेई गै सच्चाई दे खलाफ चुठ बोलना।

¹⁵ए ज्ञान ओ नेईयै जेड़ा सोर्ग चा उतरदा ऐ, बरना संसार आला, ते शरीरिक, ते शतानी ऐ।

¹⁶एसकरी के जिथें जलन ते वरोध ओंदा ऐ, उत्थें बछोडा ते अर किसम दा पैड़ा कम बी ओंदा ऐ।

¹⁷लेकन जेड़ा ज्ञान सोर्ग चा ओंदा ऐ ओ पैलैं तां पवित्र ओंदा ऐ पी मिलनसार, नरम ते खुले मन आला ते दया, ते अच्छे फलें कन्ने लदे दा ते तरफदार ते कपट दे बगैर ओंदा ऐ।

¹⁸ते मलाप कराने आलें आसतै तार्मिकता दा फल शांति कन्ने राया जंदा ऐ।