Read Dogri याकूब 4 Bible Online

याकूब 4 - Dogri bible

याकूब 4

¹थुआड़े च लड़ाईयां ते चगड़े कुत्थुआं आई गै? के उनै सोख ते ऐश दी इच्छा कन्ने नेई जेड़े थुआड़े मने च लड़दे-पीड़दे न?

²तोस खुआश रखदे ओ, ते तुसेंगी मिलदा नेई; तोस अत्या ते दुए क्न्ने जलन करदे ओ, ते केछ आसल नेई करी सकदे; तोस चगड़दे ते लड़दे ओ। तुसेंगी एस लेई नेई मिलदा, के तोस परमेसर कोलां मंगदे नेई।

³तोस मंगदे ओ ते तुसेंगी मिलदा नेई, एसकरी के बुरी इच्छया कन्ने मंगदे ओ, तां जे अपने पौग-पलास च डुआई दियो।

⁴ए बेईमान बीश्वासियो, के तोस नेई जांनदे के दुनियां दी चीजें कन्ने दोस्ती करनी परमेसर कन्ने बैर करना ऐ? एस आसतै जेड़ा कोई दुनिया दा दोस्त बनना चांदा ऐ, ओ अपने आप गी परमेसर दा बैरी बनांदा ऐ।

⁵के तोस ए समझदे ओ, के पवित्र शास्त्र ऐंमें गै आखदा ऐ? “जेस पवित्र आत्मा गी ओसने साड़े अन्दर बसाया ऐ, के ओ ऐसी खुआश रखदा ऐ, जेसदा नतीजा जलन उवै?”

⁶परमेसर तां ओर बी क्रपा दिंदा ऐ; इसै कारन पवित्र शास्त्र च ए लिखे दा ऐ, “परमेसर कमंडीयें दा वरोध करदा ऐ, लेकन लीमें दे उपर रैम करदा ऐ।”

⁷एसकरी परमेसर दे दीन ओई जाओ; ते शतान दा मकाबला करो, तां ओ थुआड़े थमां नस्सी जाग।

⁸परमेसर दे कोल आओ, ते ओ बी थुआड़े कोल औग। ए पापियो, अपने अथ्थ साफ़ करो; ते ए दो मने आलयो अपने दिले गी पवित्र करो।

⁹अपने पाप दे कारन दुखी उओ, ते बसोस करो, ते रुओ, थुआड़ा असनां बसोस बेच ते थूआडी खुशी दुआसी च बदली जा।

¹⁰प्रभु दे सामने दीन बनो, ते ओ तुसेंगी उच्चा करग।

¹¹ए प्राओ, एक दुए दे खलाफ नेई बोलो, जेड़ा अपने प्रा दे खलाफ बोलदा ऐ, जां प्रा उपर दोष लांदा ऐ, ओ कनून दे खलाफ ओंदा ऐ, ते तू कनून गी दोष लांदा ऐ, तां कनून उपर चलने आला नेई, लेकन ओस उपर न्यायी बनया ऐ।

¹²कनून देने आला ते न्याय करने आला तां एक गै ऐ, जिसी बचाने ते नाश करने दी शक्ति ऐ; लेकन तू कोन ऐ, जेड़ा अपने गुआंडी उपर दोष लांना ऐ?

¹³तोस जेड़े ए आखदे ओ, “अज्ज जां कल अस कुसे ओर शैर च जाईयै एक साल ओर गजारगे, ते वपार करियै फायदा कमागे।”

¹⁴लेकन ए नेई जानदे के कल के ओग। सुनी ते लैओ, थूआडी जिंदड़ी ऐ गै के? तोस ते तोंध आला लेखा ओ, जेड़ी थुड़े चेर लबदी ऐ, पी गोप्प ओई जन्दी ऐ।

¹⁵एस लेई एस दे ओलटा तुसें ए आ आखना चाईदा, “जेकर प्रभु चा तां अस जिन्दे रौगे, ते ए जां ओ कम बी करगे।”

¹⁶लेकन ऊन तोस अपनीयां फौड़ां मारने लेई अपनी नजर च कमंड करदे ओ; ए जेया सारा कमंड पैड़ा ओंदा ऐ।

¹⁷एस लेई जेड़ा कोई पलाई करना जानदा ऐ ते नेई करदा, ओ ओस बासतै पाप ऐ।